على دريم2، الليلة برنامج العاشرة مساء من واشنطن.. منى الشاذلي تحاور جورج بوش.
يا ترى هاتسأله أسئلة شكلها ايه؟ :rolleyes:
عرض للطباعة
على دريم2، الليلة برنامج العاشرة مساء من واشنطن.. منى الشاذلي تحاور جورج بوش.
يا ترى هاتسأله أسئلة شكلها ايه؟ :rolleyes:
هههههههههههههه تتوقعى هتساله عن تخفيض المعونه
ولا ما هى الاسباب الجوهريه وراء ارتفاع الاسعار فى مصر
ولا تتوقعى تساله هو تصدير مصر الغاز الطبيعى لاسرائيلى اجبار من سعادتكم ولا بمزاج الحكومه الرشيده
هتتكلم فى السياسه والاقتصاد نووووووووووووووو
كان الافضـــــــــــــــل تستضيف رئيس بلــــــــدنا يمكن نفهم منه هو فيـــــــه ايه
لــــــــــــــــــــــــ ـك اللـــــــــــــــــه يا مصــــــــــــــــــــر :(:(
دى عمرها ما حاورت حسنى مبارك ...... إشمعنى جورج بوش وافق ؟!
بوش فاضله كام شهر و يخلص مدته التانية و يروح في ستين
يعني خلاص ما لوش لازمة ....بطة عرجاء على رأي الامريكان:rolleyes:
صحيح مش فاهم اشمعنى جورج بوش اصلا ؟ وايه اللى خلاه يوافق ؟ وصلوله ازاى اساسا ؟!
اشمعنى منى الشاذلي ؟؟ نقلة كبيرة عليها شوية ...من نواب مجلسنا الموقر و بعض الصحفيين لجورج بوش -قصف الله عمره - مرة واحدة !!السؤال بقه اللقاء كان بطلب منها ولا باختيار منهم؟؟!!
باينها هتتخض و مش هتعرف تقول حاجة ..ربنا معاها
و هيجى عاشرة مساءا بتوقيتنا ولا بتوقيت جورج بوس؟؟؟؟؟؟؟؟؟؟!!!!!!!!!!!!!
ماكانش ينفع مع جورج بوش غير القرموطى هو اللى بيسلك معاه وبيوريله العين الحمرا
..mokhtar..
وياترى الراجل هيطلع يهرتل ولا يكلم عدل زي ما بيهرتل في التليفزيون الامريكي :arghh::arghh:
اديني قاعد قدامها مستني بتقول المقابلة 10 دقائق بس
لما نشوف
هاتطبطب عليه زي ما طبطبت على ريتشارد دوني
وغالباً دوني هو اللي ظبط لها الحوار ده
منى الشاذلي واصلة بجد
وانا عن نفسي مش باصدقها
زيها زي عمرو أديب بالظبط بس يمكن منى مستترة شوية
بغض النظر عن اجابات الراجل
بس اسئلتها كانت كويسه في حدود ال 10 دقايق
عشر دقايق ..!عملت عليهم حلقة كاملة ...بالظبط زي اللي معاه دريكسيون ..و عمل عليه عربية :)
مشكلتها انها بتتهته كتيير وباين اوى انها بتقرا من حاجة دة قبل الحوار فى المقدمة ..
وبعدين 10 دقايق !! ايه التناكة دى ، مقابلة لا تستحق صراحة ، واجابات الراجل عامة اوى ومش محددة تحسها عادية يعنى ..
المقابلة طلعت قراميطي خالص
ممكن يا جماعة حد يقولنا الاسئله
ريتشارد دوني هو سفير أمريكا السابق في مصر
ومنى قابلته في برنامجها اظن في حلقة خاصة بيه لوحده
وكانت قمة في الملل
كلام كتير أوي كان لازم يتقال مقالتهوش
وتعقيبات كتير على كلام قاله السفير كان لازم تتقال برضة مقالتهاش
لاحظت من برومو الحلقة ومشاهدة الحلقة نفسها ان اكتر فرقعة ممكن تعملها منى انها تسأل السؤال وبالرغم من عبط رد اللي قدامها لو شخصية واصلة زي السفير مش بيكون لها تعقيب على الكلام على الاطلاق هي بتعتبر انها كونها قالت السؤال فده في حد ذاته جرأة تحسد عليها
اما عمرو أديب فأنا عن نفسي مقسمهم كلهم معسكر "مع" و"ضد"
عمرو أديب ومنى الشاذلي وممتاز القط وعبد الله كمال ومفيد فوزي وغيرهم كتير باعتبرهم كلهم في معسكر "مع"
بس الفرق بين واحد والتاني هو الاستايل ومدى مهارته في التستر على إنه في معسكر "مع" ده
يا جماعة دي خطوة اعلامية جامدة جدا
مفيش تليفزيون مصري عمل لقاء مع رئيس امريكي اثناء فترة ولايته قبل كدة
فا حتي لو اللقاء 10 دقائق و وحش
انا شايف انه انفراد جامد يحسب لمني الشاذلي
7ewar ta3baaaaan moOOot maystahelsh kol el hesa di !
Wenaby kano edo el mwazafin nos shahr 3sh yemaweno we ygebo 3asharter3'efa bdal flous el re7la ely fil ard di !
بالعكس ياجماعة الحوار كان متميز على قد ال 10 دقايق
منى الشاذلى كانت اكثر من متألقة فى حوارها واسئلتها فى الصميم وطبعا بوش كان بيتهرب من الاجابة و خصوصا السؤال الاخير عن الدولة الفلسطينية ولحسه لكلامه عن انشاء الدولة قبل انتهاء ولايته
وبالنسبة لتصنيف منى الشاذلى انها مع فأعتقد انها مش مع ولكن هذا اقصى المسموح لها وعمرو اديب اختار السلامة ومشى جنب الحيط
انا كمان شايفاه سبق يحسب لمنى الشاذلي و قناة دريم، و بعدين الأسئلة في رأيي ما كنتش تقليدية خالص.. تركيزها في الأسئلة كان على انه من الآخر كده مكروه من العرب، حد يقدر يقول للرئيس بوش حاجة زي دي؟ و كمان كانت بتنتقد سياسته في الشرق الأوسط، و الكلام ده جاي في آخر أيامه في البيت الأبيض، يعني من الآخر انت فشلت في انك تعالج الصراع العربي الإسرائيلي بحكمة و سايب البيت الأبيض و همه لسه بيطحنوا في بعض.
توقع الحلو مني محترمة
العشر دقائق مش شويه مع الرئيس بوش
بس هما مالهومش لازمه ولا معنى
اولا : هذا الحوار بلا ادنى فائدة ولا طائل منة ، وكما قيل بطة عرجاء
ثانيا : الم يورد بخاطرك -لماذا -منى الشاذلى ولماذا هذا التوقيت ؟ ملاحظة بسيطة منى الشاذلى منذ فترة وهى تتبطب على امريكا وصدق ماقالة محمد على ابراهيم - رئيس تحرير الجمهورية فى هذا الموضوع
ثالثاً: هل منى الشاذلى مهيئة لمثل هذا الحوار ولم تفرض عليها نوعية الاسئلة!؟!
رابعاً: وهذا الاهم ما وصل للادارة الامريكية بأن برنامج منى الشاذلى وفوزها بجائزة احسن اعلامية فى مصر ، جعلهم يعتقدون ان لها شعبية يستطيع من خلالها بوش ان ينفذ الى قلوب المصريين ولكن هيهات وهيهات يا بوش وانتى يا منى !
هؤلاء الامريكان لايلعبون ويخططون لكل ما هو مفيد لهم وليس لنا وسوف تسمعون اليوم بأننا نعتبر مصر حليف استراتيجى ، وان الرئيس حسنى مبارك رجل دولة وصديق ونأخذ بمشورته وان مصر له ثقل ووضع هام 0000000000 الخ مما لا طائل منه ولا فائدة منه وكأننا ننتظر منه رائة فى مبارك او فى مصر ، واعتقد اننا لسنا فى حاجة لاراء هؤلاء فى بلادنا ورؤسائنا
ولو كانت منى الشاذلى قامت بحوار محافظ او وزير كان افيد للشعب من لقاء من لا فائدة منه
والله يا اخت علا انا شايف انك منحازة لمنى الشاذلى ولكن للاسف الحوارات اذا لم تعود بالفائدة على الناس فلا فائدة منها ولا تتوقعى ان الاشئلة المطروحة لم يتم مراجعتها قبل اجراء الحوار 000 بل تم مراجعتها قبل الحوار ويعلموا كل حرف سوف يتم السؤال فيه والاجابة تم تجهيزها قبل البرنامج ، وهل كان بأستطاعة اى مذيع اجراء هذا الحوار قبل عامين مثلاً اعتقد لا والف لا ناس تعرف متى يتم توجية الاسئلة لها وتعلم الاجابة
- مع الاحاطة بأن البرامج الحوارية ( التوك شو ) ساء منى او معتز اوعمرو اديب كلها لها خط لا تستيطع تجاوزة ابداً مهما كان
عن نفسى انا بحترمها صحيح هى مش فى قوة مذيعات قدام بس هى ألأحسن فى جيلها