الموضوع: تركيب عداد rpm

المشاركة الأصلية كتبت بواسطة ashrafnoby

الاخ العزيز mera11
انا عربيتى 95 1600 سى سى بس مش موجود فيها عداد بتاع الاربى ام يعنى ممكن اجيب بتاع الافيين سى سى يركب عادى وهل ممكن يحتاج اى تعديلات ولا لا وخاصه ان العربيه بتاعتى عملت مشكله من حوالى 6 شهور هو ان العربيه قطعت سير بتاع السرعه ومن سعتها والعربيه اول مااكون ماشى بيها واهدى بيها العربيه تفصل كلها لغايه مارحت لواحد كويس قالى العيب ده من وير السرعه لان العداد ده كهرباء والحمد لله من وقت ماركبته والعربيه ظبطت علشان كده لو جبت العداد ممكن يركب عادى من غير مشاكل ولا لا

بص يا أشرف بك دى سهله ممكن تجيب العداد وتركبه أنت فيشتين بيتخلعوا ويركبوا وبيشتغل عادى خالص هو فرق معايا بس فى الحرارة بيقرأ 5 درجات زيادة فرق عشان مقاومة الحرارة بتاع ال2000 غير ال 1600 وهيشتغل معاك عادى جدا سعر العداد من 200 الى 250 وكان قدامى عداد عامل 43000 كبس انا لقيت 91000 حالته احسن ركبته

الكورسا ضفيرتها مجهزة بفيشة لتركيب الار بى ام يعنى لو اشتريت عدادت فيها ار بى ام حيشتغل على طول

ان بحثت الموضوع ده وعرفت ان الكورسا ال1200 سى سى تحت موديل 96 هى الوحيدة اللى مش بيركبلها ار بى ام

كان فى موضوع تركيب rpm لعربية بيجو 504
بالطريقة دى اعتقد اى شىء بعد كده سهل

المشاركة الأصلية كتبت بواسطة mifs

طيب يا استاذ طناني انا عندي افيكترا a
مفيهاش ار بي ام
ينفع موضوع العدادات ده فيها ومن غير تغيير في الضفيرة
ولو كده اجيب بتاع ال 2000 وللا في حاجة لل 1600

عداد استيراد فيه ار بى ام هيشتغل معاك على طول انا عملت كده ولو انت جرئ هتركبه فى البيت كمان وغالبا كل الاستيراد بتاع ال2000 سى سى بس الفيش واحدة يعنى لا تغير ولا ديولو