انا هقولك تجربى الشخصيه وفى الاخر انت بتقدر اللى يريحك وطبعا الراحه النفسيه اهم شىء
التيدا (تجربه سنتين تقريبا)
المميزات:
واسعه من الداخل فعلا
سريعه جدا
ماتور هادىء جدا
موفره فى البنزين
مشاكل قليله ماشاء الله
شبابيه جدا
عاليه عن الارض
العيوب:
مفيش ثبات بعد 140 مع انى وصلت بيها 210 تقريبا, فمتعبه فى السفر خصوصا لو بتحب تجرى بالعربيه اما لو ماشى عادى هتلاقيها كويسه
التقفيل الداخلى مش بيعجبنى معرفش النسخ الجديده ايه ظروفها
اللانسر البومه (تجربه 10 شهور)
المميزات:
واسعه من الداخل
ثابته على الارض
موفره فى البنزين
عائليه اكتر
العيوب:
ماتور صوته عالى
تسارع بطىء خصوصا فوق 120
تقفيل جيد بس فى عيوب عندى عبيطه بس تخنق احيانا يمكن تكون مشاكل فرديه مش اكتر فقرى يعنى :)
شكل قديم وهتلاقيها كل 5 متر فى الشارع
الموضوع بقى يرجعلك
لو بتفكر فى اعاده البيع والصيانه فى كل مكان وقطع الغيار اعتقد البومه افضل مع انى شايف التيدا انتشرت
موضوع ِabs و ebd دول اوبشن سواء التيدا او اللانسر ومش عارف بينزل مع انه نسخه
نصيحه لو هتجيب التيدا جيب الفل اوبشن وكذلك اللانسر والاتنين سعرهم قريب من بعضهم تقريبا
المفضلات