الموضوع: ممكن تساعدونى فى الأختيار Gen 2, Punto Evo or Accent RP

المشاركة الأصلية كتبت بواسطة DReaMaKeR

1-سيبك من حوار ستيب ترونيك لإن واضح ان الولد كام بيقول اي كلام .. وانا كان عندي انطباع مسبق ان الاتومتيك بتعها وحش ومش ركزت معه اصلا

2-إلي اعرفه ان الماتور لوتس مش ماتسوبيشي!!! بس صاحبي موجود وهو قعد 3 شهور يتخانق مع التوكيل والمكنة بتعته بتجيب زيت
ومش غيروها غير لمه جيه ناس من بره شافوا العربية بعد ما اشتكاهم في جهاز حماية المستهلك

اما الفتيس صحبي ده "وهو على فكره بيشكر في العربية ك منيوال" نصحني مافكرشي في الاوتو خالص علشان سحبها مش تمام خالص

3- مشاكل العفشة خش قسم بروتون وانت تشوف الناس كتبه ايه
و انا عن نفسي ركبت العربية دي وشايف ان عفشتها نشفه جدا جدا وبجد انا جربت اقعد وره مره كانت زي الرانجلر بالضبط .. وكمان وطيه كا ركوبة "يعني وانا سايق حاسسني سايق حاجه وطيه مش عالية" وزي ما قولت ماجربتهاش في مطبات


انا ماركبتهاش غير 2006 و 2007 ومش اهتميت بيها صراحه علشان اركز قوي كده.. بس انتوا بتدفعوا عنها زي ماتكون عربية ماحصلتش؟ هي تستاهل قوي كده يعني؟
بجد لو تستاهل انا مستعد انزال الف عليها وشفها انا كده كده بغير عربيتي اصلا.. بس هروح التوكيل واشوف معملتهم إزي مع الناس الأول كمان

ياريت تركز معايا شوية الله يكرمك
ماتور ايه اللى لوتس ، انا قولت العفشة اللى لوتس ،و الفتيس قولت انه ميتسوبيشي ، الماتور مجبتش سيرة عن نوعة وهو على العموم اسمه كامبرو صناعة ماليزي 100%
، ولو فعلا حصل حاجة فى الماتور وتبع الضمان اكيد حضرتك عارف ان الجزء المعطوب بيتغير بالكامل يا إما الماتور كله بيتغير ، مش محتاج انه يجيب حد إلا لو كان فى حاجة ناجمة عن سوء استخدامه ،
بالنسبة لسحب الأوتو ، انا اوتو وموضوع السحب دة مش ملاحظ فيه حاجة العربية من 0 : 100 فى 12 ثانية تقريبا وأستاذ توت كان عامل موضوع عن إختبار قيادة للعربية سجلت فيه 11 ثانية فى "آخر موديل" فتيس اوتو ، http://www.nilemotors.net/Nile/135150-a.html
أما موضوع أننا ادخل قسم بروتون ، يعني حضرتك متخيل أننا بدخل الموقع دة كله ليه اصلاً ؟! ، أنا معرفش حد عند مشاكل فى العفشة فى القسم ،
اما صحبك اللى انت قولت انه عمال يقول اي كلام ، فتوقع ان كل كلامه اى كلام ، و عمال يقولك حاجات ملهاش اى اساس من الصحة و انا شايف انك يا تغيره يا تغير عربيته مع الإعتذار له .
وواطية ك ركوب ، دة بيختلف من شخص للآخر ، يعني دى أذواق ، والمرة الجاية تبقي أعدل ارتفاع الكرسي وانت قاعد عليه يمكن الأحساس دة يروح ، لو كنت ركبت تشارجر مثلا بالكابوت بتاعها اللى بيجيب لآخر الشارع مكنتش هتلمح حاجة منه اساساً .
وموضوع إحنا بندافع عنها ، أحب اوضح لحضرتك أن كل اللى فات دة بنصحح لك معلوماتك مش بندافع عن العربية ، و العربية مش محتاجة حد يدافع عنها أصلا ،
إما موضوع هي تستاهل قوي كدة فأنا شايف " يعني رأي شخصي غير ملزم لك ولا لأي عضو " انها احسن من عربيات كثير ملهاش لازمة ثمنها أعلي 150 الف فى مصر حالياً ، وهي انسب سيارة فى نفس الفئة بموصفات أمان ممتازة .