الموضوع: قول تعليق

المشاركة الأصلية كتبت بواسطة ahmed.ali

ابوس ايدك بلاش الابيض دا ..... غالي فحت بجد دا استهبال
هديك رقم تاجر في الوكاله اسمه شحاته يعتبر غالي بس ارخص بكتير من الابيض 01225279700
و دا رقم ايمن كهربائي ممتاز كان شغال في ورشه امبابه سابها وفتح في الهرم مركز ليه لوحده و شغال ميكانيكا و بيجيب استيراد لو تحب 01005801494 ايمن في ورشته قابلت جراند بونتو فاتحه ايرباج و بيظبطها لو تحب اي يوم ننزل سوا معنديش مشكله خالص لاني عاوز ازبط العربيه فممكن امشي في حجاتي معاك دا رقمي 01222325164

حلو قوى الكلام دة, هكلمه و ربنا يجيب الخير إن شاء الله

أنا مظبط مع الأبيض علشان إدانى الأسعار دى, قبل الفصال طبعا, فيها حاجات معقولة و حاجات مبالغ فيها ممكن أجيبها من حتة تانية :
2 فانوس 1000 (هبل)
طقم تبريد (ردياتير+سربنتينة+مروحة) 1000
كبوت 750
اكصدام 1000 (هبل)
رفرفين 600
4 أبواب 1700
سقف 850

الوحيد غيره فى الحرفيين حاليا اللى عنده بونتو كلاسيك (أمو فانوس عريض) "أبو مسلم", دة بقى اللى حرامى بجد, بيقولى طقم التبريد ب 2500 !! حتى لو قبل الفصال فهو بيتكلم فى خيال علمى

المشاركة الأصلية كتبت بواسطة madyyuri

هتلاقي طلبك في عزبة شلبي، انزل واسال علي اولاد الشحات، هتلاقي عندهم البونتو بغبي وجميع الموديلات، بس نصيحة

فاصل ثم فاص ثم فاصل فاصل بشدة ورخامة لحد انت ما تزهق من الفصال

شكرا على النصيحة
عمرى مارحت عزبة شلبى, أنا محتاج قطع من موديل بعد 2004 و سمعت إن أحدث حاجة هناك 2000 , هو الكلام دة صح ؟
عموما عزبة شلبى دى مكانها فين و تتراح إزاى بالمواصلات ؟

المشاركة الأصلية كتبت بواسطة mnabeih

قبلي بشهر و الله والا اعرف, بورسعيد مافيهاش غير لو هاتوصي حد يجيبلك مخصوص

ممم, موضوع التوصية حاسس إنه تعبان, البضاعة اللى جاية متعرفش حالتها و السعر ممكن يزيد ساعة الإستلام
مافيش جديد معاك فى موضوع العربية يا نبيه؟