الماية بتروح فين الله اعلم

**zendo** · 16-09-2011 07:31 PM

مش عارف فية حاجة غريبة عندى كل يومين او ثلاثة لازم ازود الماية مش عارف الماية بتروح فين مافيش تسريب راجعت على الخراطيم والرداتير والقربة مش لاقى تسريب ومره ركنت العربية اسبوع وشغلتها لاقيت الحرارة علت ببص على القربة مالقيتش ماية فيها خالص مع انها قبل الاسبوع ده كانت ملانة التبريد عندى كويس المروحة بتشتغل فى معادها بس المشكلة عندى الماية بتروح فين

تتفتكرو المشكلة فى اايه

**فادى محمد** · 16-09-2011 11:18 PM

طالما الميه بتنقص يبقي في تسريب ولو كان خرم ابره برده هينقص الاربه ويعلي الحراره.

**mohammed_memo** · 17-09-2011 01:26 AM

بصيت عند طرمبة المياه حوليها كده

**zendo** · 17-09-2011 01:35 AM

ماكنها فين وانا اشوف كدة

**Amr_650** · 17-09-2011 02:05 AM

من وجهة نظرى و حصلت معايا ,, انت كدة داخل على وش سلندر ,,المية عندى كانت بتنقص و عملت تشك اب كامل و مفيش الهوا ,,فضلت سايبها بتاع سنة كدة لحد مجابت وش سلندر

**Mr7mix** · 17-09-2011 02:51 AM

المشاركة الأصلية كتبت بواسطة amr_650

من وجهة نظرى و حصلت معايا ,, انت كدة داخل على وش سلندر ,,المية عندى كانت بتنقص و عملت تشك اب كامل و مفيش الهوا ,,فضلت سايبها بتاع سنة كدة لحد مجابت وش سلندر

ربنا يسترها ان شاء الله ومتوصلش لكده علشان انا دخلت فى القصه دى ويارب ماحد يشوف الى انا شوفتو يومها

اكد يا باشا على الخراطيم كويس اوى و بص على الخراطيم وتكون العربية سخنه المروحه شغاله علشان حصلت عندى لما الميه توصل لدرجه الغلايان ساعتها بتسرب من خرم قد خرم الابره بالظبت وكان مكانها فى الشجره تحت قاعده البطاريه بالظبت يعنى مكان لازم تبص كويس اوى علشان توصلو وبص على الارض تحت العربيه وحدد المكان التسريب منين

وربنا يسترها ان شاء الله وتكون حاجه بسيطه

**zendo** · 17-09-2011 04:03 PM

انا لسة عامل وش السلندر ده من كام شهر وكمان رودية صوباب وكانت زى الفل بعديها بشهرين كده ابتدى الموضوع ده بس بالتدريج بس هل ده ممكن يكون من حرارة الجو فية تبخير للمياة ولا كده فية تسريب ده انا ركنتها اسبوع وكانت القربة ملانة ورجعت مافيش ماية نهائى يبقى راحت فين بتدخل على الموتور ولا وش السلندر رد تانى مع انى ببص فى القربة الماية طبيعية مافيهاش زى الطحينة وراكزه والحرارة اخرها 85 -88

**فادى محمد** · 17-09-2011 04:36 PM

لا مش اعراض وش سلندر دي طالما الحراره 88 ...زي ماقولتلك هتلاقي تسريب شوف الاماكن الغير متوقعه زي وصله التكييف السخن او طبب الموتور وعددهم 10 -ترموستات الرادياتير..