بصراحة شغل على مية بيضا
بس انا بيعجبنى اكتر شكل فانوس الهاى لاين المفيم مش الاسود اوى كده زى بتاعك وكفاية الزينون وخلاص
بس بيتهيألى اللى بيتعود ع الزينون صعب يسوق فى اضاءة عادية تانى
بصراحة شغل على مية بيضا
بس انا بيعجبنى اكتر شكل فانوس الهاى لاين المفيم مش الاسود اوى كده زى بتاعك وكفاية الزينون وخلاص
بس بيتهيألى اللى بيتعود ع الزينون صعب يسوق فى اضاءة عادية تانى
الف مبروك لحضرتك ربنا يديك خيرهم كلة يارب بس ليا تحفظات فى اللى باعلك الكيت و رشلك الفانوس اخد منك بتاع 400 جنية زيادة
الكيت دى بتتباع النهاردة ب 750 جنية وبلمض 6000
فك و رش الفانوس بيتكلف بالكتير 40 جنية + 15 جنية علبة سبراى اسود مط+ بالضبط ساعة عمل واحد فقط (تلات ايام لية ! )
الموديولات نفس السعر.... فأرجعلة وخد حقك منة الا لو كنت اتفقت خلاص
ربنا يبارك في حضراتكم وفي عربياتكم ويجعلها سبب راحه
اشكرك على التوضيح ده
الحقيقه انا لما كنت بدور على الكيت لقيته بس مش نفس النوع اللي هو amp 3g
وكان ب 800 لان اللي بيجيبه من بره لازم يكسب فيه
وكان عامل زي البطيخه الله اعلم شغال ولا لأ ومعلهوش ضمان تجربه حتى
فانا فضلت الاتفاق ده على اساس اني استلم كل حاجه شغاله ولو حصلهم حاجه عليه
وبعيدا عن السعر الغالي ... التقفيل نضيف جدا درجه ان مفيش حد وشاف الفانوس الا لما افتكر انه جاهز...
وانا كنت سألت محل تعديل واكسسوارات الفنجري وقالي التعديل 900 جنيه بعد الفصال
وشغل قص ولزق وعك ,,,,يعني مش الكيت ومش مضمون اضاءته عامله ازاي
وياريت ياستاذي تدل باقي الاعضاء على مكان يجيبوا منه الكيت وشخص يعدلهم الفوانيس
عشان فعلا في اعضاء ناويين على التعديل ده فلو كده
ممكن تلحقهم طالما الموضوع ارخص وبنفس الجوده وطبعا مصلحتهم اولى
يجازيك الله عنا وعنهم كل خير
يافندم دة مش تعديل ... لأن مفيش قص ولصق والحاجات دى
هو بيفك باغة الفانوس الخارجية بسيشوار فى 5 دقايق ويركب العدسة من جوة ويربطها من برة بصامولة ويرجع يحط الباغة تانى فى 5 دقايق .... لو عاوز ترش بترش قبل العدسة
والكيت دى موجودة وانا نفسى جبتها وعملتها فى عربيتى القديمة !! فكلامى عن تجربة ... و واحد زميل جابها وعملها على جين2 ... ححاول اشوف لينك الموضوع الكبير :)
دلوقتى بقم ب 750 او 800 بالكتيير
http://www.nilemotors.net/Nile/192719-lens.html
يا استاذي سيبك مني انا
انا كان قدامي كذا اختيار وانا اللي اخترت و مش زعلان من التجربه
بس بجد مهتم جدا ان الاعضاء اللي عايزين يركبوا الكيت دي
يقدروا فعلا يركبوها ارخص ...من اللي انا عملته
ويهمني جدا مصلحتهم لانهم ... فعلا ناوين يكلموا الراجل الي جابهالي
ويبقى عملت فيهم جميله مش هننساها لو فعلا خدمتهم في الحوار ده
ودلتهم على حد يزبطهم فيها
جزاك الله عنا كل خير
الف الف مبارك عليك يامحمد
وربنا يرزقك خيرها ويكفيك شرها
فعلا شكلهم راائع وعلي العربية شكلهم جميل .. وشكلهم بان اكتر علي الطبيعه
ربنا يكفيك شر عيون الحاسدين ويباركلك فيها ... ماشاء الله لا قوة الا بالله
الف مبروك يا محمد باشا
وتقرير جميل جدا وربنا يباركلك فى العربية ويحفظها من كل سوء
بالمناسبة انت حاسس بفرق بين فوانيس الديبو اللى اشترتهم والفوانيس الاصلى
بالنسبة لتركيب الزينون هل بيعمل مشكلة مع الضمان يا محمد .
الله يكرمك
فوانيس الديبو ... شكلهم تحس ان اللون السيلفر اللي فيهم افتح حاجه بسيطه من الاصلي
وفي فرق اختلاف في المقاس حوالي 2 مم زياده من فوق بس غير ملحوظ تماما بس انا خدت بالي منه
عشان حسيت ان الكاوتش اللي بيقفل على الفوانيس مضغوط سنه عن الاول
لا اكتر ولا اقل
بالنسبه للضمان طبعا بتطلع الضفيره بتاعت العربيه بره الضمان
بس الحقيقه انا لما عملت الشغل وركبت ضفيره الزينون عملتها انها سهله تتفك في دقيقيتين
ومضوع تبديل الفوانيس مش بياخد ان شاء الله وقت معايا اكتر من ساعه كله على بعضه
ومش هاروح اعمل صيانه وهما راكبين
وبعدين الحقيقه عشان اركب زينون في التوكيل ب 990 جنيه وانا مش محتاج غير 2 موديول منهم ب 200 جنيه كتيير جدا
وراعيت في الشغل وانا بركب مفيش ولا قطع ولا لحام وا شيكرتون في الضفيره
كله شغل سوكيت في سوكيت
والحمدلله مفيش مشاكل منه تماما
اتمنى اكون قدرت افيدك