مفاوضات مع تركيا لاعادة انتاج السيارة شاهين في مصر

**M.Elwan** · 17-09-2011 04:38 AM

صرح المهندس عادل جزارين رئيس مجلس الأعمال التركي المصري السابق والخبير الكبير في مجال السيارات لـ"عربيتي" بوجود مفاوضات جادة بين الجانب المصري والتركي لاعادة تصنيع سيارة تركية داخل الاراضي المصرية وذكر أن السيارة التي يتم التفاوض عليها تنتمي لشركة توفاش التركية وكانت تجمع في مصر سابقا وهي السيارة التي عرفت في مصر بشاهين دوجان وأوضح أن المشارورات مازالت في بدايتها مشيرا الي احتمالية تجميع السيارة اذا تم الاتفاق في شركة النصر بعد اعادة احيائها.

وتملك فيات الايطالية وكوج هولدنج التركية حصة تبلغ 38% لكل منهما في توفاش التي توجد مصانعها في مدينة بورصة في شمال غرب تركيا وكانت السيارة شاهين قد بدأ انتاجها في تركيا عام 1977 وظلت تباع في تركيا حتي عام 2002 حتي تم وقف انتاجها بسبب مفاوضات تركيا لدخول الاتحاد الأوروبي وتنفيذها الاشتراطات التي تلت ذلك واستمر التجميع المحلي لها في مصر حتي من عام 1991 وحتي عام 2009 في مصانع شركة النصر ولكن مع المشاكل التي لاحقت شركة النصر وعمليات التقسيم توقف الانتاج .

ويذكر أن رئيس الوزراء التركي رجب طيب أرودجان زار مصر مؤخرا برفقة وفد ضخم من رجال الأعمال لتعزيز التعاون بين مصر وتركيا ودعم العلاقات بينهما خاصة وأنها شهدت تقدما ملحوظاً في مجال الاستثمارات حيث زادت وتنوعت الاستثمارات التركية فى مصر لتشمل العديد من المجالات ومنها السيارات .

**yoko** · 17-09-2011 09:33 AM

رأي ومن غير ضرب كفايه عليها كده يا يطوروها يا بلاش

**MohssenRashed** · 17-09-2011 12:02 PM

الدول بتطلع قدام و احنا بنرجع لسنه 1977 هههههه ده غير السعر المبالغ فيه عشان المصرين بيحبوها. زي اللي بيحصل في الادا بالظبط.

**bayoumisoft** · 17-09-2011 12:32 PM

طبعا قصة فاشلة
فعلا بتمنها الواحد يجيب اللوجان . افضل بمراحل

**Angel_wolf** · 17-09-2011 12:41 PM

عارفين احمد مكى فى طير انت لما كان عامل الكبير اوى
وكان بيقول اه يا بلد بجر

شاهين مين الى تنشكوا فى بطنكوا الله يحرقكم

بدل لما نقفل البونتو ولا اللينا فى مصر رايحين نجيب الشاهين كفاية جهل بقى وتخلف
كل الشركات الكبيرة لما لقت السوق المصرى فى زباين بتدفع فلوس كويسة قالوا نعمل خطوط انتاج هنا وكدا نضمن اننا نحقق انتشار اكبر الشركة مش غرمانة حاجة بل وجود جمراك زى الى فى مصر بتقلل عدد الناس الى ممكن يشتروا عربيتهم

واكبر ميثال على كدة مرسيدس و بى ام
الانتشار بتاعهم بقى عامل ازاى دلوقتى وكل يوم فى زيادة مستمرة ولو اودى هى كمان عملت كدة هتلاقيها منتشرة جدا لان بمنتهى البساطة الـ AUDI A4 بـ 340 الف بجماركها بكل حاجتها وهى بمتور 1800 tsfi طيب من غير جمارك تبقى كام سيبوكم من المثال الى زى الاخوان بايض منصور و غبور الاتنين قمة فى مش عارف اقول ايه يعنى ربنا عرفوه بالعقل كدة العربية زى الفرنا مفيش عليها جمارك والمفروض ان الحكومة معاه لانه للاسف يعتبر من مصنعى السيارات فى مصر والعربية الفرق بنها فى السعر و بين الفرنا فيفا شى لا يذكر اصلا طيب ازى يا ولاد الـ .......... هو مش الجمرك 60 % ولا انا مبعرفش احسب ونفس الموضوع فى الافيو ازاى الفرق بين التجميع المحلى والكورى 7 الاف جنية طيب فين الحنكة بقى والله العظيم الى بيحصل دة حرام

الناس كلها بتتقدم واحنا بنحفر تحت رجلينا مش بنبص تحتينا وعلى كدة يبقى الخبر بتاع اعادة فتح النصر للسيارات علشان يعملوا شاين تانى والله حلال فينا الى بيحصل دة يعنى وقفنا اللعب و خطوط الانتاج بتاعة زمان يلا بقى نعمل حاجة نضيفة من الاول للاخر وميبقاش عليها جمرك و نبقى زى الناس المحترمين لكن ازاى نبقى كويسين لازم نركب عربيات كئيبة بنت 60 فى 70 حاجة قرف

احنا عاوزين ثورة فكر

**eng.m7md.ali** · 17-09-2011 12:41 PM

حرام والله بشكلها ده
لو ينزلو منها الهاتش باك يبقى قشطة ههههههههههههههههه

**M.Elwan** · 17-09-2011 01:57 PM

هما لو خدو حق التعديل فى العربية
ويجيبو تابلوه محترم كامل
وعفشة جديدة مالتى لينك
والعربية توطى من قدام
وكاوتش وجنوط 15 مع عمل التعديلات اللازمة
وفرامل ديسكات كبيرة ورا وقدام
والشنطة والتنك يتفتحو من الداخل
والعزل يتعمل بضمير
وعصاية فتيس قصيرة زى بتاعة البى ام
وفوانيس عدسات
وطارة دريكسيون محترمة
وشوية اهتمام بالتقفيل
ويبعيها بالشكل ده ب75 الف ممكن يبقى فيه امل

**MaZaGAngeE** · 17-09-2011 02:24 PM

ده تهريج و استعباط و استهبال
شاهين ايه اللي عايزين يعملوها
الناس دي دماغها فيها ايه ؟
ده بدال ما يروح و يرجع الاتفاق اللي بوظوه مع بروتون و لا يتفق مع شركة محترمة و محتاجة تدخل سوق كبيرة زي شمال أفريقيا ليه ما يروحوش مازدا و لا فولفو و لا هولدن و ماركات تانية كتيرة مالهاش حظ في السوق بتاع شمال أفريقيا و يعرض عليهم التعاون و همه هيجروا ورانا و يتحايلوا علينا و هنقدر نفرض عليهم شروط نقل تكنولوجيا و تصنيع باسم مصري زي ما الصين عملت كده ...

هنتعلم امتى بس ؟ ليه ندور على الحلول السهلة و نسيب الحلول المنطقية !!!!!!!!!

**M.Elwan** · 17-09-2011 04:19 PM

المشاركة الأصلية كتبت بواسطة mazagangee

ده تهريج و استعباط و استهبال
شاهين ايه اللي عايزين يعملوها
الناس دي دماغها فيها ايه ؟
ده بدال ما يروح و يرجع الاتفاق اللي بوظوه مع بروتون و لا يتفق مع شركة محترمة و محتاجة تدخل سوق كبيرة زي شمال أفريقيا ليه ما يروحوش مازدا و لا فولفو و لا هولدن و ماركات تانية كتيرة مالهاش حظ في السوق بتاع شمال أفريقيا و يعرض عليهم التعاون و همه هيجروا ورانا و يتحايلوا علينا و هنقدر نفرض عليهم شروط نقل تكنولوجيا و تصنيع باسم مصري زي ما الصين عملت كده ...

هنتعلم امتى بس ؟ ليه ندور على الحلول السهلة و نسيب الحلول المنطقية !!!!!!!!!

+1111

بس عشان نروح لمصنع كبيرة زى بروتون مثلا لازم يبقى فيه استعداد بمبالغ كبيرة ممكن تعدى المليار دولار وتغير نظام الادارة الحكومى ده خالص وخصوصا التعيينات للغير المؤهلين لان لو فنى اشتغل بالواسطة المنتج النهائى حيبوظ
تخيل ان المصنع ده مساحتة المتبقية 340 فدان بعد ما اتباع منه 120 فدان

-

الموضوع: مفاوضات مع تركيا لاعادة انتاج السيارة شاهين في مصر

LinkBack

أدوات الموضوع

عرض

مفاوضات مع تركيا لاعادة انتاج السيارة شاهين في مصر - انشر الموضوع فى :

-

-

-

-

-

-

-

-

المواضيع المتشابهه

دودج تعلن ايقاف انتاج تشالنجر و انتاج "باراكودا" بدلا منها

خطاب غرامى من السيارة شاهين الى السيارة مرسيدس

وقف انتاج السيارة كومودو

استفسار بخصوص السيارة شاهين

فتيس الساجا المانيوال انتاج بروتون والاوتو من انتاج ميتسوبيشي..منقول

الكلمات الدلالية لهذا الموضوع

المفضلات

المفضلات

ضوابط المشاركة