الحقوني ... مشكلة كهربا فى البريليانس

**ostoraa** · 17-09-2011 05:54 AM

انا معايا بريليانس جالينا 2006 وفيها مشكله في الحراره مدوخاني ومحدش عارف ايه السبب
دلوقتي انا لما بفتح النور بتاع التابلوه مؤشر الحراره بيعلي سنه بسيطه عن النص ولما بفتح نور الفوجات بالعلم ان نور الفوجات زينون الحراره بتعلي سنه كمان ولما بنور النور الصغير مع العلم ان النور الصغير عادي مش زينون بيعلي الحراره سنه كمان ولما بنور النور العالي علما بان النور العالي زينون بيعلي الحراره اوي بس مش بيوصل للاحمر ولما بشغل الكاسيت و اعلي الكاسيت الحراره بترفع اكتر علما بأني مركب سيستيم ساوند وفي الاخر بلاقي زراع النور سخن

خلاصه الموضوع اني لما بحمل اي كهربا زياده علي البطاريه بيرفع حراره العربيه ومش عارف اعمل ايه
يا ريت لو حد يقولي اعمل ايه او اي حد فاهم في العربيه دي يقولي لان الموضوع ده بيقريفني اوي كل لما بخرج بالعربيه
انا مستني الردود واسف علي الاطاله

تم تغير العنوان ليناسب محتوى الموضوع ...يرجى مراجعة قواعد المنتدى
مشرف 7ب
18/9/2011
12.30am

**tifalol** · 17-09-2011 06:06 AM

ممكن يكون تحميل على الضفيره ؟
بص انا مش فاهم ولا حاجه اعتبرني مقولتش حاجه :):):)

**إبراهيم المصرى** · 17-09-2011 07:10 PM

ممكن التحميل على الكهربا بيأثر على سرعة مروحة التبريد وبتبقى بطيئه والعربيه تتحرم من هواء التبريد او الكفاءه تقل والله اعلم لانى برضه مش قادر افهم لكن التصور ده اللى قدرت اتخيله

**إبراهيم المصرى** · 17-09-2011 07:15 PM

وعلى فكره اكشف على الدينامو قيس الشحن مع التحميل وتشغيل الكاسيت والانوار والبطاريه علشان خطر على بالى ممكن الشحن بليل مع الانوار يكون ضعيف او البطاريه محتاجه صيانه او ضعيفه
وبالتوفيق

**ostoraa** · 18-09-2011 05:18 AM

البطاريه جديده والله

**E30power** · 18-09-2011 06:01 AM

الارضى عايز يتقوى ..واكشف على شحن الدينو بالمرة ..ألموضوع بسيط متقلقش ان شاء الله ..بس غلط تسيب الموتور يعدى 110 كذا مرة

**fdroubi** · 19-09-2011 11:17 AM

ما تروح التوكيل واشتري دماغك؟؟!!

**heroo911** · 20-09-2011 07:45 AM

نفس المشكلة معايا اكتشفت الموضوع بعد ما ركبت انذار فى التوكيل بس مؤشر الحرارة ما بيوصلش للعلامة الحمراء وطول ما انت ماشى مرة يرتفع ومرة يرجع ينزل لدرجة انى شكيت فى الموضوع ومش عارف اعمل اية بس هوديها للتوكيل احسن