البيبسي كذب أم حقيقة

**sokasoon** · 10-06-2007 07:27 PM

والله انا سمعت موضوع الاسنان فى الردايو

لو حطيت السنة فى كوباية كوكاكولا بالتحديد لمدة 24 ساعة تذوب

لاكن فيروز معرفش بس انا دايما اشرب ميراندا برتقال او سفن اب

بس الكوكاكولا مايمنعش لو لاقيتها ممكن اشربها هيا والبيبسى

**محمدايهاب** · 10-06-2007 08:40 PM

هو الصحيح مئة بالمئة أن المياة الغازية و بشكل خاص الكوكاكولا و البيبسي بيسببوا هشاشة العظام و تآكل الأسنان و على ما أظن محدش هيختلف معايا أما بالنسبة لحكاية مادة من معدة الخنزير فهي ممكنة مش لازم تكون غلط و لا لازم تكون صح والله أعلم و حكاية ست زجاجات و تموت فهو طبعا طبعا غلط مئة في المئة و ده عن تجربة شخصية و تحديات بين الأصدقاء ( إلا لو أنا شبح و بكتب من قبري زي فيلم the pulse ) و أنا مع سبعاووي أن كل ده حرب شركات بتحصل في العربيات و المشروبات و المأكولات
لكن و دي أهم نقطة كوكاكولا شركة ذي الزفت و بعضنا سمع عن مشكلة شركة كوكاكولا في الهند وازاي أن مبيعات الشركة انخفضت جدا و ان المتظاهرين كانوا بيلقوا الكولا في الأرض ده يؤكد أن الشركة تستهين بأرواح الناس مقابل الربح المادي البحت و ده يكفي لمقاطعة هذه الشركة ( مع العلم أنها منأكبر خمس شركات في العالم سنة 2005) و الله أعلم

**Karim_Monir** · 11-06-2007 03:57 AM

بدون ترويج لشركات
ما جربتوش منتجات سينالكو الالمانية
طعمها حلو جدا
بس طبعا نفس اضرار حمض الستريك
علي فكرة
انا زوجتي مانعاني تماما من الدخول باي منتجات غازية في البيت ومقاطعاها تماما وممنوعه للاطفال تمام عشان هشاشة العظام
ولو غلطت وجبت اي علبة مشروبات غازية في البيت تدلقها في الحمام عشان تنضفة بيه :mrgreen: :mrgreen:

**Mohsens** · 11-06-2007 09:01 AM

بس أنا يا ميمو باشا .. مقاطع الأثنين الفيروز والبيريل بغض النظر عن مكتوب خالي أو عمي .. بسبب بسيط وهو أن الشركة المنتجة ليهم هي نفس الشركة اللي بتنتج البيرة ( .. وطبعا كلنا عارفين هي فيها كحول وألا ..لأ .. ) .. بس كده ..

مش بس كده....الأهرام للمشروبات بأكملها مملوكة لشركةHeinekenالهولندية المتخصصة في إنتاج الخمور..و أنا عن نفسي بحاول أبتعد عن منتجاتهم علي قد مقدر.

**Abouelela** · 11-06-2007 10:23 AM

....الأهرام للمشروبات بأكملها مملوكة لشركةHeinekenالهولندية المتخصصة في إنتاج الخمور

والله يامحسن باشا .. كفاية التعليق بتاعك يبقي موضوع لوحده ..

**PRO-DRIVE** · 12-06-2007 06:38 PM

لا بلاش البيبسى تتكلموا علية انا مبقتش اصدق المواضيع دى جاتنى كتير ايميلات بتحزر من الكشرى و المندى كمان :mrgreen: والله و بيقول عشان مش عارف طريقة الخلط و البتاع فبيعمل سرطان :mrgreen: :mrgreen:

معندناش مية و شارب 9 علب بيبسى وديو لغاية دلوقتى

جربوا هولستن مش حتقدر نغيرها :mrgreen: