الموضوع: حدث الأن في المطار القديم

المشاركة الأصلية كتبت بواسطة elpasha009

أستاذ tutankhamoun أحييك لأنك تقريبا قلت اللي نفسي فيه.
أعتقد يا جماعة إن الإسلام بيحرم الإستغلال مهما كان الظرف ومهما كان الوضع.واللي عمله الراجل ده إسمه إستغلال.

ده استغلال و سرقة علني و كمان لو كلمت بتاع التاكسي
يقولك 100 مبرر
هو صحيح مامدش أيده في جيبهم و أخد الفلوس
ولكنه أخذها عن طريق استغلال عدم معرفتهم
يبقى برضه حرامي

و اللي بينصب
يعني بيأخد الفلوس عن طريق استغلال ضعف ذكاء شخص ما أو أستغلال طمعه
برضه حرامي

و الحرامي واحد و اختلفت الطرق
و أحييك على فتح الموضوع

انا السنة اللي فاتت اتخانقت مع سواق تاكسي ادام هيلتون رمسيس عند موقف السوبرجيت كنت مسافر .. و انا واقف مستني السوبرجيت جروب بنات يابانين كدة جم يسألوني علي اوتيل تعبان اوي في وسط البلد (شكلهم يعني غلابة و طالع عينهم) .. و من طريقة سؤالهم حسيت انهم تعرضوا لكذا عملية نصب في البلد .. لأنهم سألوني ندي التاكسي اد ايه ؟ المهم لقيت سواق تاكسي برشط من حيث لا ادري و قالهم بالنص .. kome .. serteen pawend (egyptian accent )و طلع من جيبه عشرة جنيه و بيشاور تلاتة .. يعني عايز 30 جنيه .. و المشوار اقسم بالله ما يستاهل 3 جنيه (من الهيلتون لطلعت حرب!) .. المهم انا حذرتهم منه و قلتلهم اوعوا تدوله اكتر من خمسة جنيه (علي اساس اجانب و الراجل برده مبقاش جيت عليه) .. لقيت الراجل عايز يتخانق معايا .. بيقولي يعني انت تقعد تتكلم و تضحك و تتفرج (اتفرج علي ايه يا واطي انت!!!) .. و احنا نموت من الجوع !؟

قلتله يعني التلاتين جنيه اللي عايز تاخدهم دول .. هتاكل بيهم و انت مستريح !؟ ولاهو نصب و خلاص !؟

قعد بقي يلعن في البلد و اللي جابوا البلد و قالك ماهي مش بلدنا .. بلد ولاد الناس اصل احنا مش وش فلوس !! و الناس في موقف السوبر جيت اللي فاتحين اكشاك دول (ما تسيب الراجل يستنفع يا جدع!) .. و واحد منهم و الله قاللي (انتوا مش هتهمدوا الا اما يجيلكوا ايدز من واحدة أجنبية!) .. و باقي الناس واقفة تضحك ..

كل ده عشان حاولت امنع محاولة نصب علني .. والله يا جماعة اللي يشوف وش البنات السياح دول و الخضة اللي عليهم من كمية الناس اللي ما صدقت لقيتهم .. كانوا مديين تعبيرات وجه ( وحدي في الأدغال ) !

المشاركة الأصلية كتبت بواسطة dehumanizer

انا السنة اللي فاتت اتخانقت مع سواق تاكسي ادام هيلتون رمسيس عند موقف السوبرجيت كنت مسافر .. و انا واقف مستني السوبرجيت جروب بنات يابانين كدة جم يسألوني علي اوتيل تعبان اوي في وسط البلد (شكلهم يعني غلابة و طالع عينهم) .. و من طريقة سؤالهم حسيت انهم تعرضوا لكذا عملية نصب في البلد .. لأنهم سألوني ندي التاكسي اد ايه ؟ المهم لقيت سواق تاكسي برشط من حيث لا ادري و قالهم بالنص .. kome .. serteen pawend اللي هي come .. 30 L.E .. و المشوار اقسم بالله ما يستاهل 3 جنيه (من الهيلتون لطلعت حرب!) .. المهم انا حذرتهم منه و قلتلهم اوعوا تدوله اكتر من خمسة جنيه (علي اساس اجانب و الراجل برده مبقاش جيت عليه) .. لقيت الراجل عايز يتخانق معايا .. بيقولي يعني انت تقعد تتكلم و تضحك و تتفرج (اتفرج علي ايه يا واطي انت!!!) .. و احنا نموت من الجوع !؟

قلتله يعني التلاتين جنيه اللي عايز تاخدهم دول .. هتاكل بيهم و انت مستريح !؟ ولاهو نصب و خلاص !؟

قعد بقي يلعن في البلد و اللي جابوا البلد و قالك ماهي مش بلدنا .. بلد ولاد الناس اصل احنا مش وش فلوس !! و الناس في موقف السوبر جيت اللي فاتحين اكشاك دول (ما تسيب الراجل يستنفع يا جدع!) .. و واحد منهم و الله قاللي (انتوا مش هتهمدوا الا اما يجيلكوا ايدز من واحدة أجنبية!) .. و باقي الناس واقفة تضحك ..

كل ده عشان حاولت امنع محاولة نصب علني .. والله يا جماعة اللي يشوف وش البنات السياح دول و الخضة اللي عليهم من كمية الناس اللي ما صدقت لقيتهم .. كانوا مديين تعبيرات وجه ( وحدي في الأدغال ) !

للآسف مصر مليانة مو دول
نصابين بالجهل ............. و عدم المعرفة

لذلك سمعتنا بقيت زفت .......و في الحضيض
و هي الأشكال دي لما بتروح الخليج بتضيع سمعة المصريين الحقيقيين

و حسبي الله و نعم الوكيل في ده شعب
عايز حرقه بجاز ............. بس على رأي المهندس سبعاوي
الجاز غالي
ميستهلوش حتى الجاز

والله دية أختلاف أراء - وانا ما زلت مش شايف مشكلة - هو قدر ياخد فلوس كتير منهم برغبتهم وكونهم ميعرفوشى دية مش مشكلتة - دية مشكلتهم هما لأنهم مسألوشى أو هما اغبية - وكمان يا جماعة 30 جنية بالنسبة ليهم مش فلوس دية 4 يورو أو أقل يعنى بالنسبة ليهم 4 جنية مش كتير قوى - ممكن يكون غلبان ولو فعلا هو مش كدة مكنشى جاب عربيتة الملاكى ووقف فى المطار يلقط رزقة
ما زلت أصر أن إللى عملة صح مش غلط - أسعار سياحية
بالمناسبة طب ما الواحد مننا بيروح يقعد فى مكان سياحى ويشرب كانز ب 15 جنية = دة اسمة أستغلال لاة طبعا
وكمان الفنادق بتحجز للأجانب الليلة ب 200 دولار وممكن 300 لكن للمصرى ب 200-300 جنية - دة يعتبر سرقة لا طبعا

المشاركة الأصلية كتبت بواسطة eng_mkhalaf

والله دية أختلاف أراء - وانا ما زلت مش شايف مشكلة - هو قدر ياخد فلوس كتير منهم برغبتهم وكونهم ميعرفوشى دية مش مشكلتة - دية مشكلتهم هما لأنهم مسألوشى أو هما اغبية - وكمان يا جماعة 30 جنية بالنسبة ليهم مش فلوس دية 4 يورو أو أقل يعنى بالنسبة ليهم 4 جنية مش كتير قوى - ممكن يكون غلبان ولو فعلا هو مش كدة مكنشى جاب عربيتة الملاكى ووقف فى المطار يلقط رزقة
ما زلت أصر أن إللى عملة صح مش غلط - أسعار سياحية
بالمناسبة طب ما الواحد مننا بيروح يقعد فى مكان سياحى ويشرب كانز ب 15 جنية = دة اسمة أستغلال لاة طبعا
وكمان الفنادق بتحجز للأجانب الليلة ب 200 دولار وممكن 300 لكن للمصرى ب 200-300 جنية - دة يعتبر سرقة لا طبعا

نظام الأسعار السياحية غير موجو د إلا على أرض المحروسة

في أوروبا الناس سواسية ......... المصري بيدفع أد اللي بيدفعه ابن أهل البلد و بيساوي اللي بيدفعه الوزير و الغفير و هو ده الإسلام
و كون أنه موجود يا باشمهندس ما يخليهوش صح

يعني مثلا أنت بتقول هو مش ذنبه حاجة أنهم ميعرفوش !!!
طيب هما ميعرفوش .......... بس هو عارف ........... و ربنا مُطلع

طيب اسمع الحكاية دي

كان فيه حكيم زمان و تقريبا هو ( لُقمان ) و لكني غير متأكد
المهم
كان عايز يروح مشوار و يسيب المحل الخاص بالأقمشة لواحد فوجد أبن أخته تقريبا
فقعد يوصيه على شوية حاجات ......... و بعدين قاله في قطعة قماش موجودة هنا و ثمنها سيقل مثلا 5 دينار لأنها معيوبة
فقال الصبي ......ز اذهب إلى مشوارك و أطمئن
و عندما رجع الحكيم ... وجد أن قطعة القماش تم بيعها
فسأل الصبي بكم بعتها ؟
فقال له بنفس ثمن الجديدة الغير معيوبة !!
فقال له ألم أقل لك أنها معيوبة ؟
فرد الصبي و قال و لكن قلت له على العيب الذي بها و هو رضي بالسعر
فرد الحكيم و قال
هو رضي بالسعر و لكن الله لم يرضى

عرفت أيه المشكلة يا باشمهندس

--------------------------

المحل اللي أنت بتقول عليه
أنت دخلته بمزاجك و مكنتش مضطر
إنما دول أجانب و مضطرين و ميعرفوش حاجة

و تخيل نفسك في قلب لندن و تخيل أن تكاسي لندن و أخلاق سائقيها بنفس أخلاق سائقي التاكسي المصريين
المهم ........ وجدك السائق تائه و لا تعرف أي شئ في البلد
و سألته على مكان و في المعتاد بيكون سعره مثلا 10 جنيه
و راح هو أستغل جهلك بالمكان و قالك 30 جنيه

يبقى كنت هاتقول مفيش مشكلة برضه !!!!!!!!!!!!!!!!!!!!!

المشاركة الأصلية كتبت بواسطة tutankhamoun

و تخيل نفسك في قلب لندن و تخيل أن تكاسي لندن و أخلاق سائقيها بنفس أخلاق سائقي التاكسي المصريين
المهم ........ وجدك السائق تائه و لا تعرف أي شئ في البلد
و سألته على مكان و في المعتاد بيكون سعره مثلا 10 جنيه
و راح هو أستغل جهلك بالمكان و قالك 30 جنيه

يبقى كنت هاتقول مفيش مشكلة برضه !!!!!!!!!!!!!!!!!!!!!

بالضبط .. كما أن نظرية انه عادي هذا التصرف بتفترض بالضرورة ان البني ادم الأجنبي ده مش فارقة معاه الفلوس .. و ده مستحيل يكون صحيح في كل الحالات !

كما أن فيه حاجة اسمها حقي و حقك .. انا عملت كذا استاهل أخد عليه عدد من الجنيهات .. ليه أحاول اتحايل علي الموضوع و أخد أضعاف أضعاف اللي حقي أخده لمجرد ان وقع في ايدي واحد قليل الحيلة مش هيعرف يسلك معايا !؟
امال هيا بلدنا اتسرقت ازاي !؟

و بعدين الاجانب دول مش هيقعدوا مع مصريين و يحككوا و يعرفوا ان اتنصب عليهم .. و ده كل بيصب في صورة المصري في الخارج .. و ده علي فكرة بالفعل حصل .. و أكبر دليل أغنية فريق الراب السعودي اللي ممرمطين فيها المصريين .. لأنهم بييجوا هنا بينصبوا عليهم .. بنروح احنا هناك بنبوس القدم و نبدي الندم و نعلن الولاء !