السلام عليكم ورحمة الله

انا بكتب الموضوع ده وطبعا نفسيتي تحت الصفر وارجو المساعده بالخبرات الموجوده
في المنتدي هنا

انا لسه جايب عربيه hyundai accent 2006 الشكل القديم
جبتها من اسبوعين تقريبا ومن يومين بس اكتشفت انها فيها جزئين في العربيه فيهم صدا-جزء من ورا فيه صدا قوي وجزء في العربيه من قدام فيه صدا اعتقد انه وصل لاني اوصفه بالبارومه لانه مديه شكل شبيه بالتأكل
واكتشفت برده ان تقريبا ان الزجاج الخلفي تم احلاله مسبقا وتركيبه مره اخري وسبب اني شكيت في كدا ان الزجاج مش راكب زي ما بتيجي من الشركه ( وبكده بدات اشك ان ممكن صاحبها اللي انا واخدها منه يكون كان بيحاول يعملها اي علاج مؤقت والله اعلم واظن ان انتوا ممكن تقولولي اذا كان ده شك ولا المفروض ابقي متأكد طالما ان الزجاج اتحل )
مع العلم ان العربيه مفيهاش اي رش ولا بره ولا جوه والعربيه ممكن تقول عليها في حاله الزيرو لانها عامله 26 الف كيلو بس والصالون حتي لسه ب الاكياس بتاعته
فمش عارف بقي ده كان سوء تخزين منه لانه مكنش بيركبها كتير ولا ايه


وارجو منكم ان تفيدوني في كيفيه حل هذه المشكله لاني بسمع دايما ان البرومه دي بدايه النهايه للعربيات
وهل لو انا عالجتها ممكن ترجع تاني ولا لا وهتنزل من تمن العربيه ولا لا
ارجو النصيحه بالله عليكم


ولتوضيح الاماكن اللي شوفت فيها البرومه عملت الصورتين دول وعلمت علي اماكن البارومه وهي تحت الكاوتش البلاستيك اللي انا عامل عليه علامه في الصوره
و الصور دي مش لعربيتي دي صور لتوضيح الاماكن فقط
ولو كان يفيد ان ارفعلكوا صور عربيتي واصورلكوا الاجزاء دي فيها قولولي وانا هرفعها
بإذن الله

واسف علي الاطاله