bmw 316i ولا باسات ولا مرسيدس b150

**medod** · 17-09-2011 09:50 PM

انا عايز اشترى عربية فى حدود 160 الف و محتار بين البى ام دبليو 316 و الباسات و المرسيدس b 150 ( طبعا كلهم مستعملين ) موديل 2007 مثلا بس انا عايز عربية واسعة و بتجرى جامد بردو و فخامة وكدا يعنى

شكرا مقدما ليكو

**medod** · 17-09-2011 11:03 PM

فييين الخبراااااااء

**Ammar** · 18-09-2011 05:56 PM

المشاركة الأصلية كتبت بواسطة medod

انا عايز اشترى عربية فى حدود 160 الف و محتار بين البى ام دبليو 316 و الباسات و المرسيدس b 150 ( طبعا كلهم مستعملين ) موديل 2007 مثلا بس انا عايز عربية واسعة و بتجرى جامد بردو و فخامة وكدا يعنى

شكرا مقدما ليكو

حضرتك لو عاوز عربية واسعة ... يبقى أوسع واحدة فيهم الباسات

لو عاوز الأكثر شبابية وبراند أحسن وعربيات للعمر يبقى البي إم والمرسيدس حيبقوا قريبين أوي ... بس المرسيدس ال b150 أوسع من البي إم 316

وربنا يرزقك بإللي فيه الخير

**mxz911** · 18-09-2011 08:39 PM

هما كلهم فيهم الفخامه لكن تتفاوت
واسعه وفخامه جدا باسات
بتجرى جامد bmw وفخامه معقوله

مرسيدس b150 مش حاسسلها اى حاجه خالص واللى اعرفه عنها انها مش عمليه ف المرسيدس لانها قطع غيارها نار نار ونادره

**mstool** · 18-09-2011 10:00 PM

افخم واحد الباسات بس اقل واحدة فى الجرى الا لو 2000 سى سى تبقى جبارة بس بنزين بقى لكن ال1600 مش اد كدة فى الجرى بس حلوة جدا طبعا برضة
و المرسيدس بى 150 اعلى واحدة مقربة لل 4*4 بس مش اوى يعنى عربية عالية شوية عن الارض زى الماتريكس او اعلى سنة بسيطة بى ام شبابية رياضية جدا اقل مساحة داخلية اعلى تكنولوبيا فيهم و كلهم قطع غيار ناااااار مفيش حاجة تفرق عن التانية الا كلام فاضى بس ال150 اكتر عربية بناتى من وجهة نظرى نصيحة منى لو حضرتك مش فارق اوى البراند معاكى ياريت تبقى حاجة زيرو زى الهيونداى فيلوستر و دية شكل و جرى و شبابى حلوة اوى و منظر فظيع قريبة جدا جدا للشيروكو بس هيونداى اعتقد الهاى لاين اوتوماتيك هيقارب لل 170 160 الف بس هيا فعلا عربية انا ركبتها و من وجهة نظرى كشاب احلى بكتير من الباسات استيل مختلف و اسلوب رياضى حتى اكتر من ال 150 بس طبعا مش هنقارن ب مرسيدس بس هيا محترمة اوى الفيلوستر حضرتك ممكن تعملى تست درايف لكل عربية و اكيد هيبان لان اللى بيرد عليكى مش عارف دماغ حضرتك و كمان التست درايف يخليكى تكتشفى حاجات كتير فى العربية

**M.Alaa92** · 19-09-2011 06:55 AM

لو بى ام 316 ل باسات يبقى الباسات تكسب
لو بى 318 ل باسات ال بى ام تكسب
المرسيدس معرفش عنها حاجة

**Dawns_Mist** · 19-09-2011 01:38 PM

أولا ابعد عن الـ 150 لإن إنتاجها وقف بينزل دلوقتي الأعلى منها 160 أو 180 و كمان مافيش فيها اوبشن أو ميزة زيادة عن البي إم أو الباسات إلا الشكل الجديد الهاتش باك مش أكتر ..

لو باسات و بي إم 316 هنختار الباسات لإنها أوسع من الداخل و كماليات أكتر و قطع غيار أرخص و في الجري مش هتحس بفرق كبير إلا إن في الطلعة طبعا البي إم أقوى ..
لكن ماتنساش إن أبعاد البي إم الخارجية مناسبة أكتر لمصر عكس الباسات اللي لما تحب تركنها هتلف حولين نفسك 10 مرات ... ممكن تكون الباسات أنعم لكن ده مايمنعش إن متعة القيادة أكتر في البي إم برضه ..

لكن هنيجي لنقطة مهمة جدا .. انت بتشتري مستعمل .. و الأوروبي في المستعمل يقلق لإن لو كان فيه مشكلة في عربية مش ظاهرة هتتعبك و تعورك في مبلغ و قدره ...
في المستعمل هتلاقي البي إم أءمن لإنها بتستحمل في الشد و الجري و التعب أكتر من الباسات و مراكز صيانتها أكتر .. لكن لو لاقيت باسات حالتها فعلا زي الزيرو و مقتنع بيها يبقى برضه مبروك عليك .

هو اختيار بين الشبابية في القيادة أو الفخامة ....... عايز تجري و تشد و تتنطط هات بي إم ... عايز تلبس بدله و تركب عربية جنتل و تروح و تيجي من الشغل و تخرج مع العائلة .. يبقى باسات.