حصريا علي ..::: نايل موتورز :::.. تفاصيل g3 الجديدة بالصور فور وصولها مصر لدي الوكيل

السلام عليكم ورحمة الله

[grade="00BFFF 4169E1 0000FF"]فقط حصريا علي ...::: نايل موتورز :::... أحدث أخبار BYD السارة بمصر[/grade]


تم بحمد الله وصول أول دفعة من المتألقة جدا:::

BYD-G3

وإليكم بعض صورها علي الطبيعة

http://up.7cc.com/upfiles/bZA98790.jpg

.
.
.
.
.
.
.
.
http://up.7cc.com/upfiles/DGA98790.jpg

.
.
.
.
.
.
.

http://up.7cc.com/upfiles/myd98790.jpg

.
.
.
.
.
http://up.7cc.com/upfiles/u4q98790.jpg

.
.
.
.
.
.
.
.
http://up.7cc.com/upfiles/KRL98790.jpg

.
.
.
.
.
.
.
.
.
http://up.7cc.com/upfiles/nd999085.jpg
.
.
.
.
.
.
.
.
.
http://up.7cc.com/upfiles/Eyl99085.jpg
.
.
.
.
.
.
.
.
.
.
http://up.7cc.com/upfiles/CFh99085.jpg
.
.
.
.
.
.
.
.
.
http://up.7cc.com/upfiles/5mt99086.jpg
.
.
.
.
.
.
.
.
http://up.7cc.com/upfiles/cil99086.jpg




المواصفات


* محرك BYD 1500 cc عزمه 105.9 حصان مزود بفتيس مانيوال 5 سرعات

* 2 إيرباج للسائق والراكب الأمامي

* فرامل ABS+EBD

* لوحة عدادات متطورة جدا ومبهرة بإضاءة LED مع مفتاح تحكم بشدة إضائتها

* نظام تأمين ضد السرقة

* فتحة سقف كهرباء تعمل بوضعين للفتح

* حساسات رجوع للخلف

* كراسي جلد فاخرة جدا سواء في التصميم أو في الخامات

* تصميم أنيق للتابلوه ذو لمسة عصرية

* مفتاح Start Engine

* مفتاح Smart Key + ريموت كنترول

* إشارات ضوئية (فلاشر) بالمرايات الجانبية

* نور شبورة امامي + خلفي

* بوصلة ديجيتال بمرايا السائق

* طارة دريكسيون مغطاه بالجلد الطبيعي

* جنوط إسبور مقاس 195/60 R15 والإستبن جنط عادي

* راديو سي دي متطور مزود ب 6 سماعات

* تصميم تابلوه شيك جدا

* سخان زجاج خلفي (مانع شبورة)

* نظام إضاءة أوتوماتيك

* فوانيس خلفية ليدات (LED)

* 4مرايات كهرباء

* 4 زجاج كهرباء مع تحكم من السائق

* كراسي خلفية قابلة للطي علي جزئين

* كرسي السائق قابل للإرتفاع والإنخفاض

* شبكة نيكل أمامية رائعة



الجلوس فيها يعطي إنطباع خاص جدا جدا

السعر كما أفاد مسئول البيع بالمعرض 79000.00 جنيه مصري

.................................................. .............

خالص تحياتي للجميع

تم تثبيت الموضوع لتعميم الفائدة

مشرف 3ب
26/10/2011

هي جميله
لكن موتور 1500
الثقافه السائده عند المصريين يا 1600 او 1300
اول مره اعرف ان بي واي دي ليها مواتيرها بعيد عن الاقتباس

هوجان باشا أخبارك إيه واحشنا جدا



BYD أساسا عاملة مواتير كتير خاصة بيها حتي الـ F3 منها موديل بمحرك BYD غير الميتسوبيشي اللي بينزل مصر لأنه أصلا معمول كده علشان يكسر حاجز الخوف من الصيني لدي المصريين وفعلا نجح وبشدة


والموديل F0 بينزل مصر من مدة ومحركها BYD



والمحرك ده محرك حديث جداومواصفاته عالية وهو ده المطلوب علشان تقلل الجمارك وبالتالي سعر العربية وكمان تقلل استهلاك البنزين مع العلم إنه قدرته الحصانية اعلي من ال1600الميتسوبيشي

شوف المواصفات دي من موقع الشركة نفسها لمحركات الـ F3


BYD Auto,Build Your Dreams



تقبل خالص تحياتي

حرام ع التوكيل لو معرفش يسوق عربيه زي ديه
العربيه ووووووووووووووووووووووووو وهم
من جوا و من بره
و بالذات التابلوه بعداده و الدركسيون وهم وهم

و شكرا جدا ع الموضوع بس تعرف من جمالها الواحد عايز يشوفلها صور اكتر لوسع الشنطه اللي شكلها هتبقي و لا كانها دولاب و للكنبه اللي ورا و هكذا

موضوع جامد يا وليد باشا .. تسلم أيديك عليه وعلى الصور .. بس كنا عاوزين أنطبعاتك الشخصية عنها .. وإذا كانت حتقدر تنافس في السوق من عدمه .

صور حلوة وموضوع حلو يا استاذ وليد ... شكرا ليك ... واعتقد يا باسم انها بالاوبشن دة ... وبالسعر ده ... ممكن تنافس كويس كمان ... وماتنساش ان ال f3 بقت ب 72000 جم ......

العدادات عاجبنى جدا
انا شايف ان العربيه مزيج من عربيات تانيه
وش الرينو سيمبل و شنطه الشيفوليه كروز و الجزء بتاع التكيف و الكاسيت من مازدا 3 القديمه و الهويات من سوزكى sx4
المفروض فعلا العربيه دى تنتشر فالسوق لان byd خلاص معروفه و مطلوبه و معظم الناس بتفضل التاكسى f3 عن اى نوع تانى للوسع و الراحه و بالتالى المفروض العربيه تحقق انتشار خصوصا لان فيها كماليات و عوامل امان كتير

للاسف الشديد مفيش منها اوتوماتيك ... و دي حتضيع عليها مبيعات كتير.

انا شايف ان العربية ممتازة كقيمة مقابل الفلوس. واحسن من عربيات تانية كتير في نفس الفئة السعرية واعتقد انها هتعمل شغل كويس في السوق لأنها اثبتت نفسها في مشروع التاكسي.

اقتباس:

---

المشاركة الأصلية كتبت بواسطة ehabpopo

صور حلوة وموضوع حلو يا استاذ وليد ... شكرا ليك ... واعتقد يا باسم انها بالاوبشن دة ... وبالسعر ده ... ممكن تنافس كويس كمان ... وماتنساش ان ال f3 بقت ب 72000 جم ......

---

كلامك مظبوط .. بس مش عارفين الموتور حيبقى أداءه عامل أزاي بصفة عامة .. وخاصة زي ما قالة أ/ هوجان في مشاركته .. وهل حتبقى صيانة الموتور معروفة وسهلة ولا حتبقى التكنولوجيا اللي فيه جديدة ومعقدة للفنيين .. وبالنسبة للسعر فأنا شايف أنها مناسبة بالنسبة للإمكانيات اللي فيها وبالمقارنة مع سعر F3 الجديد اللي عمال يغلى كل شوية .. بس على الله دي متغلاش هي كمان .

اقتباس:

---

المشاركة الأصلية كتبت بواسطة hugan

هي جميله
لكن موتور 1500
الثقافه السائده عند المصريين يا 1600 او 1300

---

:tumb:

اقتباس:

---

المشاركة الأصلية كتبت بواسطة CryptonX

للاسف الشديد مفيش منها اوتوماتيك ... و دي حتضيع عليها مبيعات كتير.

---

خاصة لو نزلت بالفتيس DCT حتبقى حكاية .

اقول راى ولا هتزعلوا الصراحة شكلها حلو بس دى المفروض تكون معدل بf3
نفس الأبواب والسقف والهيكل الأختلاف فقط فى الكشافات الأمامية والخلفية وكده سعرها غالى يعنى من وجهة نظرى مش تزيد عن 69 لان اصلا اختها f3المفروض مش تزيد عن كده ودى وجهة نظرى ولولا اختلاف الأزواق لبارت السلع وبالتوفيق ان شاء الله

شكرا جزيلا وليد باشا على الخبر ولكن يوجد سؤالين هل سيطرحون الموديل 1800 سى سى او توماتيك فيما بعد ونوع الاتوماتيك والطلب الثانى ياريت سيادتك تعمل لها test drive وتعطى تقرير عنها وشكرا جزيلا

ومن أمتى وكلاء السيارات في مصر بيعملوا تست درايف للسيارات الجديدة اللي بيطرحوها .. إلا قلة من التوكيلات .

اقتباس:

---

المشاركة الأصلية كتبت بواسطة love7amada

حرام ع التوكيل لو معرفش يسوق عربيه زي ديه
العربيه ووووووووووووووووووووووووو وهم
من جوا و من بره
و بالذات التابلوه بعداده و الدركسيون وهم وهم

---

العربية فعلا مهما أوصف مالهاش حل

بس أنا لاحظت حاجة عاوز أراجع أبعاد السيارة للتأكد

حاسس بفرق بسيط في المساحة بس ممكن يكون بسبب الكراسي الأمامية لأنها سميكة شوية بطريقة فخمة جدا ممكن تكون أثرت علي المساحة

اقتباس:

---

المشاركة الأصلية كتبت بواسطة ziabassem

موضوع جامد يا وليد باشا .. تسلم أيديك عليه وعلى الصور .. بس كنا عاوزين أنطبعاتك الشخصية عنها .. وإذا كانت حتقدر تنافس في السوق من عدمه .

---

العفو يا باسم ياخويا.... ده من بعض ما عندكم :shine[1]:

أصلي كنت مراقب الموديل ده من فترة ومترقب وصوله بشدة

والسيارة بدون مبالغة إن صح التعبير بتتكلم عن نفسها وكل شوية أعدي من عند المعرض في إنتظار تشريف حضرتها فلقيت الهانم مشرفة إمبارح زي العروسة ... :makeup:

و الإنطباع الأول بيدي إحساس غني بالجودة سواء كخامات أو تقفيل يعني ممكن أقول أكثر شوية من F3 الصيني وبالنسبة لحوض الماتور تحس بأنه ملموم جدا والدنيا رايقة فيه وبراح وهو نفس ترتيب حوض ال f3 في علبة الفيوزات وفلتر الهواء ومكان البطارية وسوائل التبريد وزيوت الباكم والباور ومياة المساحات ولكن وضع الماتور أتعكس عن الـ F3 بقي فرن الشكمان جهة الصالون مش جهة الراديراتير زي F3 بس صغنون كده ومحندق هو والفتيس


تحياتي
وياريت حد من الزملا الأفاضل يدينا تقرير ولو مبسط إذا عاينها عالطبيعة

اقتباس:

---

المشاركة الأصلية كتبت بواسطة ehabpopo

صور حلوة وموضوع حلو يا استاذ وليد ... شكرا ليك ... واعتقد يا باسم انها بالاوبشن دة ... وبالسعر ده ... ممكن تنافس كويس كمان ... وماتنساش ان ال f3 بقت ب 72000 جم ......

---

بالظبط يا إيهاب باشا يا صديقي العزيز

وعلي فكرة غالبية الأعضاء توقعوا السعر في حدود 90000

وده أعتقد السعر المنتظر لأنها لسة أول القفص وأكيد مهديين السعر شوية

وانا علي فكرة بافكر فعلا أبيع الجميلة f3 علشان خاطر عيون الساحرة الـ g3 بس مش عارف حد يقدر علي مهرها؟؟

اقتباس:

---

المشاركة الأصلية كتبت بواسطة shiko85

العدادات عاجبنى جدا
انا شايف ان العربيه مزيج من عربيات تانيه
وش الرينو سيمبل و شنطه الشيفوليه كروز و الجزء بتاع التكيف و الكاسيت من مازدا 3 القديمه و الهويات من سوزكى sx4
المفروض فعلا العربيه دى تنتشر فالسوق لان byd خلاص معروفه و مطلوبه و معظم الناس بتفضل التاكسى f3 عن اى نوع تانى للوسع و الراحه و بالتالى المفروض العربيه تحقق انتشار خصوصا لان فيها كماليات و عوامل امان كتير

---

العربية دي موجودة من زمان لكن مش في مصر وظهرت تقريبا بعد الـ f3 لما ظهرت بحاجة بسيطة لكن ماكانتش بتيجي مصر يعني الموديل ده تم إختباره بره جيدا ومراعاة أي تعديل او تظبيط من مدة وهو جديد بس كأول إطلاق رسمي لها في مصر ونتمني وأعتقد كلنا لاحظنا غن التوكيل أصبع يتعامل مع السوق بنظرة مختلفة تماما عن ذي قبل ونتمني النجاح سريعا للموديل ده

اقتباس:

---

المشاركة الأصلية كتبت بواسطة cryptonx

للاسف الشديد مفيش منها اوتوماتيك ... و دي حتضيع عليها مبيعات كتير.

---

بالرغم من كوني من أكتر الناس طلبا للموديل الأوتوماتيك بتاعها إلا أني علي ثقة كبيرة إنها حتحقق إنتشار عالي جدا قبل ما الأوتوماتيك يظهر خصوصا إن الأوتوماتيك فتيس cvt وبمحرك 1800 سي سي يعني حيكون سعرها عالي جدا

المفروض تبقى فى نفس سعر f3 لأن هى تقريبا موديل جديد منها

بعدين عايز الفت النظر لحاجة ... لو العربية ب 79الف مانيوال ممكن تزود 8الاف جنية وتجيب نيسان صنى مانيوال !! سعرها غالى جدااا

اقتباس:

---

المشاركة الأصلية كتبت بواسطة elmanahry

شكرا جزيلا وليد باشا على الخبر ولكن يوجد سؤالين هل سيطرحون الموديل 1800 سى سى او توماتيك فيما بعد ونوع الاتوماتيك والطلب الثانى ياريت سيادتك تعمل لها test drive وتعطى تقرير عنها وشكرا جزيلا

---

العفو يا دكتور عيوني

لا يوجد نية حالية للموديل 1800 الأوتوماتيك لأن جماركها عالية وسعرها ممكن يعدي ال 130000 وطبعا بدري جدا علي التوكيل إنه يختبر مدي تقبل السوق للمواصفات والسعر ده إلا بعد فترة لا تقل عن سنة أو إتنين كمان علي الأقل وحاحاول أشوف موضوع Test Drive أول ما يكون متاح

خالص تحياتي

شكرا ياباشا على ذوقك وكرم اخلاقك وطول عمر سيادتك يااستاذ وليد وش الخير وصاحب الاخبار الطيبة

معتقدتش أن العربية في فئة 1800 سي سي ممكن تلاقي قبول المستهلك المصري .. لسببين أولهم أرتفاع سعر هذه الفئة .. وثانيهم هو الذوق العام للمستهلك المصري ينحصر في الفئتين 1300 أو 1600 سي سي .. حتى السيارة بموتورها الحالي 1500 سي سي ممكن تحجم الكثير عن شرائها بسبب سعتها اللترية .

تسلم ايدك استاذ وليد
واسمحلي اقتبس بعض صورك لوضعهم في الصفحة علي الفيس بوك

شكرا يا باشاعلى التقرير

اقتباس:

---

المشاركة الأصلية كتبت بواسطة sv065

ولكن وضع الماتور أتعكس عن الـ f3 بقي فرن الشكمان جهة الصالون مش جهة الراديراتير زي f3 بس صغنون كده ومحندق هو والفتيس

---

بس الموضوع بتاع الشكمان بيفكرني بالاسبرنزا اول ما نزلت وقالو ان سبب الاحساس بالحراره داخل الكابينة هو وجود الشكمان بين الموتور و الكابينة

انا راييى الانتظار حتى تبدأ السيارة فى الانتشار ويقوم بشراءها بعض الاعضاء وكتابة انطباعهم عن السيارة بعد الاستخدام فيكون هذا كافيا للحكم عليها

فيديو للعربية

[youtube]http://www.youtube.com/watch?v=YsfRfo0geoo&feature=related[/youtube]

اقتباس:

---

المشاركة الأصلية كتبت بواسطة sv065

العفو يا باسم ياخويا.... ده من بعض ما عندكم :shine[1]:

أصلي كنت مراقب الموديل ده من فترة ومترقب وصوله بشدة

والسيارة بدون مبالغة إن صح التعبير بتتكلم عن نفسها وكل شوية أعدي من عند المعرض في إنتظار تشريف حضرتها فلقيت الهانم مشرفة إمبارح زي العروسة ... :makeup:

و الإنطباع الأول بيدي إحساس غني بالجودة سواء كخامات أو تقفيل يعني ممكن أقول أكثر شوية من F3 الصيني وبالنسبة لحوض الماتور تحس بأنه ملموم جدا والدنيا رايقة فيه وبراح وهو نفس ترتيب حوض ال f3 في علبة الفيوزات وفلتر الهواء ومكان البطارية وسوائل التبريد وزيوت الباكم والباور ومياة المساحات ولكن وضع الماتور أتعكس عن الـ F3 بقي فرن الشكمان جهة الصالون مش جهة الراديراتير زي F3 بس صغنون كده ومحندق هو والفتيس


تحياتي
وياريت حد من الزملا الأفاضل يدينا تقرير ولو مبسط إذا عاينها عالطبيعة

---

كنا عاوزين حد يشرح أيه الحكمة من الناحية الفنية أن وضعية الموتور تخلي فرن الشكمان من الداخل .. ولا الموضوع كله يرجع لتصميم حوض السيارة وقواعد الموتور .. وهل ده فعلاً لو مفيش عزل كويس السخونية تأثر على الكابينة .

اقتباس:

---

المشاركة الأصلية كتبت بواسطة hossam165

تسلم ايدك استاذ وليد
واسمحلي اقتبس بعض صورك لوضعهم في الصفحة علي الفيس بوك

---

العفو بافندم تحت امرك ليا الشرف

اقتباس:

---

المشاركة الأصلية كتبت بواسطة m.elsheikh

شكرا يا باشاعلى التقرير



بس الموضوع بتاع الشكمان بيفكرني بالاسبرنزا اول ما نزلت وقالو ان سبب الاحساس بالحراره داخل الكابينة هو وجود الشكمان بين الموتور و الكابينة

---

إذا كان التصميم والعزل كويس مراعي فيه الأمور دي ممكن مايكونش له تأثير

فكلنا شوق لأول مشتري للمتألقة g3 يقولنا رأيه في كل حاجة!!!!

100 -100

تسلم ايدك يا أستاذ وليد على على الصور و التقرير و المجهود الرائع


العربية فعلاً حلوة و أنا كنت شفتها في معرض الأهرام و أنا بحجز F3 اوتو


بس معلش مش عايزين نجري ورى إن BYD اثبتت نفسها في مصر فعشان كدا أي عربية هطنزلهة تبقي صفقة رابحة حتى لو العربية نفسها كويسة، ليه بقول كدا؟؟؟ عشان أنا بالنسبالي العربية مش موتور محطوط على شاسيه و خلاص ، لأ أنا العربية بالنسبالي يعني أداء و سهولة صيانتها برة التوكيل قبل جوة و قطع غيار و مدى توفر قطاع الغيار و اسعارها تكون كويسة و دة اللي كان متوفر بشدة في F3 عشان كدا جبت F3


فيه كذا عربية محترمة بشهادة ملاكها بس للأسف ملهاش سوق في مصر عشان يا إما صيانتها صعبة أو قطع غيارها مش متوفرة أو سعر قطع الغيار غالي


أن شايف في رأيي المتوضع إن اللي يخلي العربية ده تمشي في مصر هو ذكاء التوكيل إنه يوفر قطاع الغيار و إن سعر العربية يكون منافس بشدة و متنسوش إن Jack B-Class عربية تحفة بس عدم ذكاء التوكيل و الاسباب إلي ذكرتها أدت إلى عدم إنتشار العربية


و بالمناسبة إنتشار BYD F3 مش بسبب ذكاء التوكيل (ذكاء التوكيل هنا في أسعار قطع الغيار ) انما بسبب العربية نفسها و مدى توافق قطع غيارها مع ميتسوبيشي و تويوتا


و في الأخر دة رأيي و مش عايز حد يزعل :shine[1]:

تحليل ورؤية ممتازة يا أبو حميد .. أوؤيدك فيه .

محدش عارف بقى أي تفاصيل عن الموتور أو العفشة .

كلام سليم
ولان المصريين علي وجه الخصوص ليهم طبيعه خاصه في تقييم العربيه
وبناء علي التقييم ده العربيه بتنجح وتحقق مبيعات
غالبياتنا اكتر شيء بيطلبه في العربيه
سهوله الصيانه وعدم تعقيد العربيه
وتوافر قطع الغيار ورخص اسعارها
ولما يحب يبيعها تتباع بسرعه وما يخسرش فيها كتير

اقتباس:

---

المشاركة الأصلية كتبت بواسطة gad_fcis

تسلم ايدك يا أستاذ وليد على على الصور و التقرير و المجهود الرائع


العربية فعلاً حلوة و أنا كنت شفتها في معرض الأهرام و أنا بحجز f3 اوتو


بس معلش مش عايزين نجري ورى إن byd اثبتت نفسها في مصر فعشان كدا أي عربية هطنزلهة تبقي صفقة رابحة حتى لو العربية نفسها كويسة، ليه بقول كدا؟؟؟ عشان أنا بالنسبالي العربية مش موتور محطوط على شاسيه و خلاص ، لأ أنا العربية بالنسبالي يعني أداء و سهولة صيانتها برة التوكيل قبل جوة و قطع غيار و مدى توفر قطاع الغيار و اسعارها تكون كويسة و دة اللي كان متوفر بشدة في f3 عشان كدا جبت f3


فيه كذا عربية محترمة بشهادة ملاكها بس للأسف ملهاش سوق في مصر عشان يا إما صيانتها صعبة أو قطع غيارها مش متوفرة أو سعر قطع الغيار غالي


أن شايف في رأيي المتوضع إن اللي يخلي العربية ده تمشي في مصر هو ذكاء التوكيل إنه يوفر قطاع الغيار و إن سعر العربية يكون منافس بشدة و متنسوش إن jack b-class عربية تحفة بس عدم ذكاء التوكيل و الاسباب إلي ذكرتها أدت إلى عدم إنتشار العربية


و بالمناسبة إنتشار byd f3 مش بسبب ذكاء التوكيل (ذكاء التوكيل هنا في أسعار قطع الغيار ) انما بسبب العربية نفسها و مدى توافق قطع غيارها مع ميتسوبيشي و تويوتا


و في الأخر دة رأيي و مش عايز حد يزعل :shine[1]:

---

ياسلام علي الكلام الموزون

هو ده يا أستاذ محمد اللي الكل بيطلبه فعلا في العربية الي حيحط فيها شقى عمره

موتور بى واى دى هيعيق مبيعاتها
ال f3 ممشيتش غير عشان موتور المتسوبيشى

بصراحة انا متحمس جدا للعربية دي من حيث الشكل و الكماليات بس
يا ترى ال g3 حتاخد سكة f0 و لا f3 من ناحية قطع الغيار؟
هذا ما يعتمد عليه مستقبل العربية.
هل الوكيل له دور في طمئنة الزبائن بهذا الشأن؟
هذا ما ارجوه.....
سؤال للأستاذ عماد حبيب ممثلا لشركة byd, انا راجع مصر قريبا من بعثة دراسية و من حقي شهادة إعفاء جمركي بقيمة عشرة الاف جنيه. زملائي السابقين استفادوا بخصم قيمة شهادة الأعفاء من ثمن عربيات بروتون اشتروها من عز العرب.
هل شركة الأمل تقدم نفس الخدمة؟
على فكرة انا قدييييييييم في المنتدى ده و اعرفكم واحد واحد من خلال مشاركاتكم (زي ما تقولوا كده بذاكر المنتدى يوميا) و اتمنى اقابلكم جميعا يوما ما وجها لوجه.

هي نازلة سعرها كام و ايه كمالياتها؟

اقتباس:

---

المشاركة الأصلية كتبت بواسطة mmffor

هي نازلة سعرها كام و ايه كمالياتها؟

---

`

كل البيانات دي موجودة بالفعل في رأس الموضوع

أرجو إعادة قراءتها

تحياتي

بسم الله ما شاء الله
عربية جميلة جدا
وسعرها رائع جداااااااااااااا
79000 جنيه سعر مناسب جدااااااااااااا ليها وهيكون نقطة في صالحها قوية جدا تخليها قادرة على المناقسة

اقتباس:

---

المشاركة الأصلية كتبت بواسطة magdykorashy

بصراحة انا متحمس جدا للعربية دي من حيث الشكل و الكماليات بس
يا ترى ال g3 حتاخد سكة f0 و لا f3 من ناحية قطع الغيار؟
هذا ما يعتمد عليه مستقبل العربية.
هل الوكيل له دور في طمئنة الزبائن بهذا الشأن؟
هذا ما ارجوه.....
سؤال للأستاذ عماد حبيب ممثلا لشركة byd, انا راجع مصر قريبا من بعثة دراسية و من حقي شهادة إعفاء جمركي بقيمة عشرة الاف جنيه. زملائي السابقين استفادوا بخصم قيمة شهادة الأعفاء من ثمن عربيات بروتون اشتروها من عز العرب.
هل شركة الأمل تقدم نفس الخدمة؟
على فكرة انا قدييييييييم في المنتدى ده و اعرفكم واحد واحد من خلال مشاركاتكم (زي ما تقولوا كده بذاكر المنتدى يوميا) و اتمنى اقابلكم جميعا يوما ما وجها لوجه.

---

الاستاذ الفاضل/ مجدى
تحياتى لسيادتك وترجع ان شاء الله بالسلامه
اعتقد ما تم مع بروتون ممكن يكون معاك بالنسبه للمستورد اما بالنسبه للتصنيع المحلى له اسلوب آخر
ساقوم بمخاطبه المسئولين و سوف اوافيك بالرد فى حينه بكل التفاصيل على الخاص او على الموقع هذا
ولك منى الف تحيه عماد حبيب