مشاكل مع طرمبة بنزين لادا 2105

**ramyiar** · 18-09-2011 01:37 AM

السلام عليكم يا شباب

انا عندي مشكلة مع طرمبة البنزين من ساعة ما اشتريت العربية من 3 سنين
لما باخد مشوار في الحر طرمبة البنزين بتسخن و بتهنج و فاجة و انا ماشي بالعربية الاقي العربية نتشت و بطلت بعد كدة انزل و افتح الكبوت و افك غطا الكربداتير ملقيش بنزين واصل وبردو فلتر البنزين فاضي و طرمبة البنزين سخنة جدا اصب مية علي الطرمبة و اسبها تبرد و بعد كدة اكارك في طربة البنزين لغاية ما تحدف بنزين جو الكربداتير و تمشي العربية عادي بعد كدة لغاية ميتكرر الموضوع دة تاني
يعني لو بعمل مشوار في الحر ممكن تعملها مرتين تلاتة و تبطل مني في نص الشارع و في عز الزحمة.
مشكلة تانية ان انا لما بركن العربية يومين تلاتة البنزين بيرجع تاني للتنك يعني مينفعشي ادور علي طول لازم اكارك بطرمبة البنزين الاول لغاية ما البنزين ميوصل للكربداتير علشان مبيبقاش فية بنزين جو الخرطوم او الفلتر
انا غيرت طرمبة البنزين مرتين بردو نفس العيب موجود
مش عارف دة عيب في اي طرمبة بنزين لادا ولا انا اشتريت نوع مغشوش
و ياترا فية طرمبة بنزين غير بتاعة الادا ممكن تتوفق عليعا
و ياترا ممكن سخونة الموبينة تعمل كدة في طرمبة البنزين و تخليحا تقطع علشان انا بلاقيها هية كمان سخنة جدا
شكرا ليكم

**mrastra** · 18-09-2011 09:49 AM

اعتقد العيب عندك فى وصلات البنزين اللى داخل الى الطلمبة مش الطلمبة
هتلاقى خرطوم مقطوع او مشقق وبياخد هوا فالطلمبة بتفصل شغل لغاية اما تكاركلها

**ramyiar** · 18-09-2011 02:30 PM

شكرا يا يا باشا علي الرد
معنا كلامك ان العيب الي عندي دة مش عيب شائع في طلمبة البنزين الادا ؟
ثانيا معتقدتشي ان فية قطع او شرخ في الخرطوم والا كان سرب بنزين
بس فية حاجة تانية معرفشي ممكن تاسر ولا لا انا مركب فلتر بنزين تاني علي الخرطوم الي طالع من الطرمبة يعني عندي اتنين فلتر بنزين واحد راكب قبل الطرمبة و التاني راكب بعد الطرمبة . كان في ميكانيكي هو الي شار علية بكدة علشان الوساخة الي في البنزين

**engaass** · 18-09-2011 06:01 PM

هى الموبينة تخلى العربية تفصل لو سخنت بس الموضوع عندك ليه علاقة اكتر بطلمبة البنزين

**mrastra** · 19-09-2011 11:28 AM

فعلا عيب طلمبة البنزين مش شائع فى لادا
مش شرط انك تلاقى تسريب على الخرطوم لانك مع المشى والهوا البنزين بيطير ........وياما حصلت والله خصوصا مع الخراطيم التعبانة اللى بنشتريها كلها وحش
موضوع الفتلرين مش مضر ولا حاجة بالعكس كلام الميكانيكى صح اوى
لازلت اشك ان العيب فى وصلات الخرطوم ..........اصل لو مكنش وصلات السحب وانت غيرت اكتر من طلمبة ....يبقى العيب كدة فى كامة طلمبة البنزين ودى صعب جدا انها تتاكل ....هى تاكل دراع طلمبة البنزين انما هى يرجلها حاجة صعب جدا لانها من اشد انواع الصلب صلابة
لو فضلت مشكلتك قائمة ممكن نوجد حل تانى وهو تركيب طلمبة بنزين كهرباء