الي اهل الخبرة ارجو الافادة في الاستطلاع ايهما افضل ميشلان اوروبي ام بريدجستون ياباني
وشكرا مقدما لكل المشاركين برأيهم
عرض للطباعة
الي اهل الخبرة ارجو الافادة في الاستطلاع ايهما افضل ميشلان اوروبي ام بريدجستون ياباني
وشكرا مقدما لكل المشاركين برأيهم
معلش اسمحلى كدة انت مسالتش اى سؤال....
حدد موديل معين لكل صانع و العربية اللى هتركب فيها و المقاس و ظروف استخدامك عشان نقدر نفيدك... انت كدة اكنك بتسال "عوض ولا ابراهيم؟"
MMamdouh
متابع بشده
متابع برضو
اللى اعرفه ان ميشلان اغلى وافضل الاطارات فى العالم بشرط الفرنساوى الاصلى
والله اعلم
اوك يا جماعة للتوضيح:
المقاس 185/65/ r14
او 195/55/ r15
ميشلان تصنيع اتحاد اوربي والنقشة energy saver
بريدجستون تصنيع ياباني والنقشة turanza gr90
وشكرا للجميع
البردجستون التورانزا بينزل فى الانسر البومه ويابانى وهوا معقول ومشاكله قليله
المشلان الاتحاد الاوروبى لا انصح به لانه سريع الاهتراء والثقب عن تجربه فى الكورولا الجنوب الافريقى
عاوز كاوتش فى الجوووووووووووووووووون بجد بس هيحتاج تدوير جامد
بردجستون بوتنزا تصنيع يابانى ودا بينزل اصلى فى الياريس
بس بينى وبينك الكاوتش بيقعد فى العربيه دى 100 الف كيلو محتفظ بنقشته فى الياريس عن تجربه فى الياريس بتاعتى وبتاعت الناس
تحياتى لك
مهندس/ عاصم جاد
طبعا البريدجستون، وخاصة البوتنزا
في ميشلان الماني بس هو غالي و بينه و بين بريدجستون النقشة الرياضية ياباني 50 جنيه فرق اغلى لصالج الميشلان النقشة العادية .. بس عن تجربة ممتاز ماشاء الله
شكرا للجميع
وشكرا مهندس / عصام جاد بلدياتي من المنصورة احسن ناس
مع التقدير للجميع
turanza gr90 افضل
انا مركب بوتينزا بس عايز اعرف يعني اية تدوير جامد؟ حضرتك قصدك البوتينزا اللي بيقعد 100 الف؟اقتباس:
اوز كاوتش فى الجوووووووووووووووووون بجد بس هيحتاج تدوير جامد
بردجستون بوتنزا تصنيع يابانى ودا بينزل اصلى فى الياريس
بس بينى وبينك الكاوتش بيقعد فى العربيه دى 100 الف كيلو محتفظ بنقشته فى الياريس عن تجربه فى الياريس بتاعتى وبتاعت الناس
تحياتى لك
متابع
طيب و الاسعار كام بلنسبه للبريجستون
على فكرة يا جماعة البريدجستون و ميشلان حد اقصى 50000 الف كيلو فى الظروف المثالية للقيادة و الطريق
او ثلاث سنوات حد اقصى اكثر من ذلك ليس من الامان فى شئ او توفير
و تقبلوا مرورى و تحياتى
هي الاسعار غاليه كده ليه انا علي الشتاء كنت عاوز اغير الاربع كاوتشات بنوع محترم علي كده ابص علي كومهو الكوري اهو الي راكب في العربيه كوري برده
يعنى يدور عليه كويس لانه مش موجود ونادر
وهوا فعلا بيقعد فى الياريس لحد 100 الف كيلو وبيتميز انه مصمم للنيتروجين وبيتيز انه مانع لصوت التكتكه بتاعت الظلط ( مش بيتحشر فيه ظلطه )
وبيتميز انه تماسكه على الاسفلت قوى جدا (حاول انه تخلى العربيه تعوم منك ) مش هتقدر
وبيتميز بحاجات كتير وهوا رقم 2 بعد الادرنالين ( على مستوى العالم )
بس تجيبه يابانى مش ماليزى
ولو حضرتك جبته ياريت تقولى منين علشان عايز اجيب 4 فرد احطياتى اعينهم عندى
ههههههههه يا استاذ ممدوح سيبك من الكاوتش الى بينزل فى الدايو انا كنت بغيره على 20 الف كيلو والله مش بيقعد معايا كاوتش وبيتنحل بسرعه لكن فعلا لما جربت البوتنزا اليابانى 15 انش
فعلا بدون مبالغه الكاوتش انا عامل بيه 60 الف كيلو وهوريك الاستبن مانزلش على الارض الفرق بينه وبين الكاوتش الى ماشى بيه ( الاتنين زى بعض ) يعنى الى راكب ما اتنحلش
وانا كل سواقتى سرعه وسفريات
وبعدين انتا قولت بنفسك الى مايعرفش يقول عدس ( فمتقولش عدس بقى )ههههههههههه ( مش عايز اقول هجس ) :d :d
تحياتى لك
م/ عاصم جاد
مهو مقياس حالة الكاوتش مش تاكل المداس... الكاوتش بيتعرض لاجهاد طول ما هو بيشتغل و بمرور الوقت متانة الاجناب بتقل و الاطار بيبقى عرضة للانفجار... حتى لو شكلة الخارجى زى الفل
و الدليل على كدة ان الكاوتش له تاريخ صلاحية كمان... يعنى انت لو اشتريت فردة و ركنتها 6 سنوات لازم ترميها حتى لو ممشيتش كيلو واحد لان الاكوتش نفسة خواصة بتتغير مع الزمن و بيفقد قوتة و متانتة و بيبقى عرضة للانفجار... بالرغم من ان المداس زى الفل
و اكيد انا مش بقول هجس... انا بقول كلام مبنى على اسس علمية و بستند على ادلة واضحة و تجارب عملية
MMamdouh
ااااه تدوير :36_7_4[1]:
لأ انا لما كنت بدور كنت دايخ على my01 و turanza و ملقتش غير potenza !! بس الكلام من اكتر من سنة
بس انا مش متفق معاك بصراحة .. الكاوتش دا ناشف جداً و صوته عالي و عمري ما هشتريه تاني (وكان ياباني)
agree, I replace tires 60K KM max خصوصاً مع النقر و الحفر و الفواصل و الهبل اللي الكواتش بيشوفوا
بتعوم مني كتير يا بشمهندس عاصم :majd(4): :majd(4): :majd(4): كتير اوي كمان :_Alshmokh08[1]:
هتصل بحضرتك خلال اليومين دول ان شاء الله عشان ناوي اجنط واجيب كاتوش جديد وعندي شوية استفسارات لاني بفكر في جنط 16 مع كاوتش اعرض شوية من اللى موجود (طبعا نفس النوع برجيسدون بوتينزا ويارب الاقيه) عشان احسن الثبات شوية
+
الفيوز ضرب تاني :majd(4): :majd(4): :majd(4):
اتوقع المشكلة في الشاحن نفسه بتاع ال GPS عشان بيعمل قفلة اول مابوصله انا شلته خالص لحد ماشوف القصة ايه او اجيب شاحن جديد مش عارف لسه
انا ناوى اشترى بريدجيستون 4 فرد مقاس 14
ايه الانواع اللى موجودة دلوقتى و ايه موضوع اليابانى و التايلاندى
كنت بافكر فى 195/60
الفيتنامى شغال زى الفل
MMamdouh
انت بتتكبم فى موديل معين و انا بتكلم فى بلد منشاء
الصراحة كل اللى جربتة فيتنامى كان اكستا SPT و ركبتة لعربيات لانسر بومة و نوبيرا (جنط 14 و 15) و مازدا 3 جنط 16... و دى نقشة رياضية
السولس نقشتة عادية و التراكشن بتاعة A فقط فا اللى بتقول علية مش مستبعد خالص مع السولس... بغض النظر هو فيتنامى ولا كورى
MMamdouh
البوتانزا ناشف و صوتة مقرف على الطريق .... لكن بيدى تماسك وفرامل ممتازة
اصلا دة كاوتش رياضى ومش متوفر منة كل المقاسات ... تقريبا ال low profile بس
لو عاوز حاجة مريحة وهااااادية وطرية هات ال my-01 sport tourer او العادى
على فكرة .... انا العربية عندى نازل فيها هانكوك وطرى بجد وهااااااادى جدا ملوش حس
بس فية عيب قااااتل
ان الظلط الصغير احيانا بيتحشر فى المداسات بتاعتة وتسمع بقى ال طق طق طق طيق طيق ... بس افرك شوية حيتنطر على طول :)
متابع معاكوا ... واحتمال استقر على النكسن الكورى للدايو مقاس 185/6014 ...
هو سعر الفردة ال أدرنالين بوتنزا مقاس 16 كام ؟ لو حد يعرف
Turanza انسب لطرق مصر من البوتانزا علشان الراحه و الهدوء