فين في المنوفية
انا بلدياتك على فكرة ;)
عرض للطباعة
حد فيكم يسمع عن ورشة صليب في شبرا ؟ هي فين بالزبط سمعت انه متخصص في الفتيس؟؟؟؟؟؟؟
يا جماعة ..............قولولى مبرووووووووووووووووك ...انا عرفت العيب بتاع الفتيس
الحمد لله رحت لواحد اسمه احمد عمارة - توكيل بيجو مصر القديمة -جنب جنينة الفسطاط - المهم هو مبدأيا كان شاكك ان ديل الفتيس ملحوم غلط وعووج عشان كده العصاية بتاعة الفتيس كانت بتعاكسنى
بس بعد ما طلع الفتيس بره العربية وجرب ..قالى الفتيس فيه حاجة مش مظبوطة من جوه
فك الفتيس كله وفجأة............لقى بليه اسمها البلية الشجرة تقريبا كانت فرطة جوه الفتيس البلى بيجرى جوه الفتيس وبييجى قدام التروس فى الغيارات وبالتالى العصاية بتعاكس فى كل الغيارات او بعضها
غيرت البلية وبس ع الباقى الغوايش والتروس.....قالى تمام
موضوع الشخشخة وانا ماشى....لقينا صاموله كبيرة كده على دريك الفتيس نفسه كانت سايبة وهيه اللى كانت عاملة صوت الشخشخة
المهم رجع الفتيس والموتور مكانهم والفتيس بقى احلى من اللانسر ...الغيارات بتييجى زى الملبن من الاول للمرشيديل
الحمد لله
بس بعت العربية بعد ما صلحتها ...جالى فيها سعر كويس فبعتها وانا دلوقتى بركب الاتوبيسات زى البوبى
وزعلان قوى انى مشيت بيها اكتر من سنة بعيبها واول ما صلحتها وعرفت العيب بعتها...بس يالله حلال على اللى اشتراها
شكرا على اهتمامكم مرة تانية ومشاركتكم
الله يبارك فيك
كانت 79 gl
دواخل فابريقة واساسات سليمة مرشتش دواخل ...وكنت عامل لها فرش جديد وكاسيت سونى اكسبلود سى دى وتكييف وبطارية جافة وكاوتش بريدجستون ومساعدين جديدة ورا ورخصة سنة...احنا العربية ديه عندنا من ايام والدى الله يرحمه من سنة 88 ، بس المالك الاول بتاعها كان مغير لها موتور ...فى واحد جه اتفرج عليها مرة قال لى ديه a14 معناها كانت جايه من فرنسا بموتور جاز والمالك الاول مغير الموتور بواحد بنزين..فرقم الموتور فى الرخصة غير رقم الشاسيه ..بس الموتور بتاعها كان جامد جدا وعامل من اول ما ركب لغاية ما بعتها 180 الف كيلو بس ..عشان احنا كنا بنسافر برا كتير ونرفعها فى جراج ..اترفعت حوالى 15 سنة
بس كان فيها خبطة فى الشاسيه الشمال من قدام ورا الاكصدام والسمكرى عاملها لى وحش فكانت باينة شوية من الحوض ..غير كده مفيهاش غلطة
المهم بعتها ب 35 الف لناس من بلقاس