الموضوع: ممكن مساعده فى عربية 316 i موديل 92

السلام عليكم ورحمة الله وبركاته

انا معايا عربية 316I اوتوماتيك مو 92 بالمكنة الاصلية بتاعتها
دلوقتى انا عندى كام حاجة وعايز استفسر من حضراتكم عن الحاجات دى:-
الاول لو انا عايز اسقط مكنة تانية علشان صوت المكنة مش كويس خالص وعرفت من الاخوة فى المنتدى هنا ان المكنة دى بتاكل كامات ومشاكلها كتير ولما سألت الميكانيكى قالى ان المكنة خفيفة والاحسن انك تغيرها فأنا عايز اجيب مكنة تانية واركبها مكان دى بدون ما اغير فى العفشة او فى اى اجزاء تانية

. ثانيا انا من فترة لما كنت بسافر بالعربية كنت بوصل 160 واوقات 170 دلوقتى العربية اخرها 150 واستحالة تزيد عن كده وشوية كمان وتتخانق معايا والصوت بقا عالى اوى وكأن فى صوت وووووووووووووووووو
ده غير ان مؤشر الاربى ام عمره ما وصل للاحمر حتى لو حرقت على الغيار ولو انا ماشي وكابس بنزين وهيا حرقت على الغيار مش بتنقل لوحدها لازم انا اشيل رجلى من على الدواسة سنة علشان تنقل .
ثالثا الزرار اللى هو خاص بتغير القيادة من رياضية لاقتصادية ليدوى المهم المفروض ان الزرار دة وانا ماشي ممكن اغير من وضعية لاخرى بس ده مش بيشتغل الا لما افصل العربية وادورها بينور الوضع اللى انا اخترته

ومتشكر جدا ياجماعه على المجهود وعلى المعلومات
الواحد بدونكم اكيد كان هيكون زى التايه

المشاركة الأصلية كتبت بواسطة fahd_628

هية العربية ماشية كام كم ؟؟؟؟؟؟؟؟

و هل حضرتك جربت تعمل طقم سيرفس ؟؟؟؟؟؟

يعنى تغير بوجيهات و فلاتر هواء و بنزين و تغيير زيت و فلتر ؟؟؟؟؟؟؟؟؟؟؟

بالنسبة ل 160 و 170 دة مش اخر العربية طبعا انا عندى بتجيب 200 بس هية مانيوال

و تقريبا انت عندك مشكلة فى الفتيس

انا الصراحة مش حقدر افيدك غير فى انك تروح لحد كويس اوى يظبطلك العربية

العربية ماشية 250 الف كم
انا غيرت بوجيهات وفلتر هوا وزيت من فترة بس المشكلة انى فى الاسماعيلية ومعرفش هنا اى ميكانيكى تمام
فأنا كنت عايز اعرف مين اللى ممكن يفيدنى فى المواضيع دى ويكون ميكانيكى محترم وميشتغلنيش حتى لو هسافر يوم