ممكن أسقط فى عربية بيجو 505 GR مو 1980 , موتور زلمكة موديل 1990

**MASERATI** · 19-06-2010 11:02 AM

السلام عليكم و رحمة الله و بركاته

معلش يا جماعة, كان عندى سؤال:

هو أنا ممكن أسقط فى عربية بيجو 505 GR مو 1980 , موتور زلمكة موديل 1990 فما فوق و لا ماينفعش؟؟؟؟

السؤال التانى :

موتور الزلمكة الموديل 1990 فما فوق ده , ممكن يتسقط فى عربية مرسيدس معدل 230 موديل 1984 , لأن أنا كان من أحلام حياتى أنى أشترى مرسيدس معدل 230 مو 84-85 و أسقط فيها موتور زلمكة200 موديل 1990 فأعلى و كنت ناوى أجيب الموتور بالتكييف والفتيس حتة واحدة .

شكرا و جزاكم الله كل خير

maserati

**M_Nabil** · 19-06-2010 07:33 PM

ينفع تسقط ماتور مرسيدس في عربية مرسيدس مع اختلاف الشكل والموديل انما ماتور مرسيدس في البيجو لأ

**TAG_Turbo0** · 19-06-2010 07:37 PM

قانون المرور الجديد منع تغير موتور العربيه غير بموتور من نفس الشركه المصنعه
يعني تركب اي موتور بيجو على عربيتك البيجو غير كده لأ

**disha_2020** · 20-06-2010 02:33 AM

لو معاك واسطه انسا المرور لو معكش بتروح ترخص العربيه سنين كتير قدام و بتسقط بعدها برحتك
كده مكشله المرور اتحلت شوف لو ينفع بقه ينزل

**khaled_sabry** · 20-06-2010 08:59 AM

اللى اعرفه انك ماينفعشى تسقط موتور من ماركه غير ماركه العربيه
يعنى عاوز تسقط موتور فى البيجو سقطلها من بيجو تانى

وعلشان ترخص لعربيه سنين كتير لقدام ... انتا اخرك 3 سنين اصلا
يعنى حترخص 3 سنين من الناهرده مثلا و تروح تسقط موتور من عربيه تانى و بعد 3 سنين ترجع تانى تسقط موتور عربيتك !
يعنى حتسقط مرتين فى خلال 3 سنين و حترجع لموتورك القديم !!!!!!!!!
ليه ياعم هى كتر فلوس و لا ايه .. ولو فلوسك كتير اوى كده اشترى عربيه جديده احسن

**MASERATI** · 20-06-2010 09:35 AM

السلام عليكم و رحمة الله و بركاته

انا متشكر اوى يا جماعة على الردود الجميلة الموجزة دى, أنا فعلا كنت سمعت أن البيجو ماينفعش يتسقط فيها موتور الا يكون بتاع بيجو, بس كنت بسأل من حلاوة الروح يعنى .

أنا كنت سمعت أن فيه مركز معتمد متخصص بتاع المرسيدس ممكن يسقط موتور الزلمكة موديل ال 90 فى مرسيدس معدلة 230 , ماحدش يعرف فين المركز ده؟؟؟

لأنى شكلى كده هعمل عمرة للبيجو ال 505 موديل ال 1980 بتاعتى و أبيعها و أشترى بدل منها مرسيدس معدل 230 مش 200 عشان سعرها بيبقى أقل من ال 200 و مابتبقاش متهانة و بعد كده - ان شاء الله - أسقط فيها موتور و تكييف و فتيس بتاع زلمكة 200 موديل ال 90 أو أعلى .

ربنا ييسر الأمور يا رب.

maserati

**sterio_504ever** · 07-07-2010 03:54 PM

السلام عليكم
انا سمعت عن وتور 504 ديزيل امريكانى 2300 سى سى ده ممكن يركب عندك
هوا مرمى فى بور سعيد انا سمعت انو بيتباع على 7000 الاف

**MASERATI** · 08-07-2010 04:11 AM

المشاركة الأصلية كتبت بواسطة sterio_504ever

السلام عليكم
انا سمعت عن وتور 504 ديزيل امريكانى 2300 سى سى ده ممكن يركب عندك
هوا مرمى فى بور سعيد انا سمعت انو بيتباع على 7000 الاف

السلام عليكم ورحمة الله وبركاته

و الله أنا ماسمعتش بالموتور الديزل بتاع البيجو 504 ده خالص .

بس منين مرمى فى بورسعيد و منين ب 7000 جنييييييييييييييييه ؟؟؟؟

أنا شايف أن السعر ده كتير شويه و لا يمكن عشان ديزل؟؟؟؟

طاب و هو فى المرور سامحين بأن العربيات البنزين تقلب ديزل ؟؟؟؟

طاب و أنا ليه ماقدرش أغير موتور البيجو ال505 مو 1980 بتاعتنا بموتور زلمكة 200 مو فوق التسعين , ده كان هيبقى عليها ايه , قشطة !!!!!

آه و الله .

بس أنا كنت سمعت عن ميكانيكى فى الحرفيين سقط موتور عربية بى ام 2500 سى سى فى عربيته الفيات ال 131 , طاب عملها ازاااااااااااااااى ؟؟؟ و عمل ايه مع المرور ؟؟؟؟؟؟

عاوزين نسأل على الحوار ده لأن أنا بصراحة بحب البيجو ال 505 بتاعتنا أوى و مش عاوز أغيرها و نفسى أسقط فيها موتور زلمكة 200 موديل فوق ال 90 بفتيسه و بتكييفه بتاع بلاده اللى راكبين عليه .

و الله العظيم فى بلاد بره المحترمة ماحدش بيقولك أنت بتعمل ايه , المهم أنك تراعى كل أساليب و نظم السلامة و خلاص لكن فى بلاد جوه اللى مش محترمة لازم يطلعوا البلا الأزرق على جتتنا لحد جتتنا ما اشتكت .

يالله , ربنا ييسر الأمور لينا و للجميع.

مازيراتى كواتروبورتيه

**khaled_sabry** · 08-07-2010 08:39 AM

المشاركة الأصلية كتبت بواسطة maserati

السلام عليكم ورحمة الله وبركاته

و الله أنا ماسمعتش بالموتور الديزل بتاع البيجو 504 ده خالص .

بس منين مرمى فى بورسعيد و منين ب 7000 جنييييييييييييييييه ؟؟؟؟

أنا شايف أن السعر ده كتير شويه و لا يمكن عشان ديزل؟؟؟؟

طاب و هو فى المرور سامحين بأن العربيات البنزين تقلب ديزل ؟؟؟؟

طاب و أنا ليه ماقدرش أغير موتور البيجو ال505 مو 1980 بتاعتنا بموتور زلمكة 200 مو فوق التسعين , ده كان هيبقى عليها ايه , قشطة !!!!!:ta_clap[1]:

آه و الله .

بس أنا كنت سمعت عن ميكانيكى فى الحرفيين سقط موتور عربية بى ام 2500 سى سى فى عربيته الفيات ال 131 , طاب عملها ازاااااااااااااااى ؟؟؟ و عمل ايه مع المرور ؟؟؟؟؟؟

عاوزين نسأل على الحوار ده لأن أنا بصراحة بحب البيجو ال 505 بتاعتنا أوى و مش عاوز أغيرها و نفسى أسقط فيها موتور زلمكة 200 موديل فوق ال 90 بفتيسه و بتكييفه بتاع بلاده اللى راكبين عليه .

و الله العظيم فى بلاد بره المحترمة ماحدش بيقولك أنت بتعمل ايه , المهم أنك تراعى كل أساليب و نظم السلامة و خلاص لكن فى بلاد جوه اللى مش محترمة لازم يطلعوا البلا الأزرق على جتتنا لحد جتتنا ما اشتكت .

يالله , ربنا ييسر الأمور لينا و للجميع.

مازيراتى كواتروبورتيه

فيه بالفعل 504 ديزل و منتشره كتير كمان فى مصر
بس يتهيألى انك حتدخل فى متاهه علشان تغيير نوع الوقود الى ديزل
و بالنسبه للى سقط موتور بى ام فى فيات ... فالفيات بالذات مش بيدققو فيها بشكل عام معرفشى ليه ؟؟
و كمان الفيات و الشاهين و الدوجان و الريجاتا بيبدلو مواتير بعض و ماحدش بيتكلم عليهم فى المرور فى الماركات دى بالذات برضه معرفشى ليه ؟؟

**MASERATI** · 08-07-2010 01:28 PM

السلام عليكم ورحمة الله وبركاته

أصل بيقولك من زمان و عيلة فيات دى عيلة كبييييييييييييييييرة و ليهم قرايب كتير فى الشرطة , سواء الايطالية ولا التركية ولا المصرية و بيقدروا يخلصوا أمورهم فى ادارات المرور بسهولة .

و بعدين , ممكن تعتبر أن كل الفيات و الشاهين و الريجاتا , دول كلهم فيات و بيبدلوا مواتير مع بعض , عيلة واحدة بقه .

أما مسخرة والله العظيم , ماهى الفيات زى البيجو , حاجتها مرمية فى كل مكان , اشمعنى البيجو ال 505 اللى مش عاوزينى أبدل الموتور بتاعها بموتور زلمكة 200 مو فوق ال90 , حااااااجة غريبة .

مازيراتى كواتروبورتيه

الموضوع: ممكن أسقط فى عربية بيجو 505 GR مو 1980 , موتور زلمكة موديل 1990

LinkBack

أدوات الموضوع

عرض

ممكن أسقط فى عربية بيجو 505 GR مو 1980 , موتور زلمكة موديل 1990 - انشر الموضوع فى :

-

-

-

-

-

المواضيع المتشابهه

للبيع بيجو 305 موديل 1980

للبيع بيجو 305 موديل 1980

محتار جدا عايز اغير المرسيدس 200 موديل 1978واجيب زلمكة 1990-1994

عايز اعرف ايه التعديلات اللى ممكن اعملها فى المازدا 626 موديل 1980

بيع بيجو 504 Sr-موديل 1980

الكلمات الدلالية لهذا الموضوع

المفضلات

المفضلات

ضوابط المشاركة