كمبيوتر ال fsv

**amaboubakr** · 18-09-2011 12:36 PM

الأخوة الأفاضل ملاك الجميلة fsv
أخبار كمبيوتر العربية ايه وامكانياته ايه يعني مثلا هل بيعرفك كمية البنزين تكفي لغاية كام كيلوا مثلا والمعلومات دي ياريت تفيدونا

**akramesg** · 18-09-2011 01:53 PM

لا الاوبشن دة بيبقى فى نص التابلوة بس اللى بتنزل عندنا مفيهاش (ساعة بس)

**bassem.kamal** · 18-09-2011 02:11 PM

اكيد الساعة دي ممكن تنزل بعد كدة اكيييد .... منهم لله
اعتقد ممكن تتجاب ... زيها زي ال جي بي اس
استاذ اكرم !!
انا كنت في التوكيل امبارح .. كان في واحد معاه fsv اتوماتيك .. مركب سماعات في الباب الخلفي
و قاللي لما ركبتها برا و كدة الكهربائي قاله دة في سلك ممدود للباب اللي ورا .. كل اللي عمله انه ركب السماعة و بس ! طبعاً حاجة كويسة .. بس قاللي الموضوع دة موجود في التوماتيك بس .. اي فئة تانية لأ
بس العربية كان مستلمها ايام ما كانت ب 98000 و صعب عليا والله و قلتلة كنت تستنا شورية و لونها ابيض
بس فالصوت كان حلو والله عشان الصوت كان متوزع جوا العربية حلو

و قاللي علي حوار التكييف الللي في سنسور يقفل لوحدة عند زيادة العزم باين حاجة كدة و دي حاجة ميزة جدا مش موجودة في اي عربية

**akramesg** · 18-09-2011 02:42 PM

أستاذ باسم ربنا يخليك ليا دى اخبار ممتازة انا كدة اروح اركب سماعات ورا وانا مطمممممن لو لقيت السيلك
المشكلة فى فك الباب بكليبسات مش مسامير الصراحة مش هاعرف افكه ازاى
موضوع التكييف بيفصل اظن اه لو قاعد فى العربية سلانسية مستنى حد بتشوف ال rpm بيسلى نفسه وده نتيجة تغير العزم بسبب التكييف اللى بيفصل ويشتغل تانى وحده

**amaboubakr** · 18-09-2011 04:09 PM

أولا شكرا على الرد السريع
ثانيا طبعا انا لازم استغل الفرصة طالما أ/اكرم وا/ باسم ردوا عليا فلازم اسأل تاني عن موضوع العزل داخل العربية وبخاصة لما تكون قافل الزجاج وانت عالسريع بالذات اخباره ايه

**bassem.kamal** · 18-09-2011 07:40 PM

كلة في التمام والله .. حتي كمان بالتكييف الجو بيبقي تمام اوي و عزل و عزم تمام :)
الاهم هو الحفاظ علي العربية جدا جدا جدا .. لو حبيت تخليها 100 سنة قدام زي ما استلمتها

**amaboubakr** · 18-09-2011 08:28 PM

المشاركة الأصلية كتبت بواسطة bassem.kamal

كلة في التمام والله .. حتي كمان بالتكييف الجو بيبقي تمام اوي و عزل و عزم تمام :)
الاهم هو الحفاظ علي العربية جدا جدا جدا .. لو حبيت تخليها 100 سنة قدام زي ما استلمتها

ربنا يباركلك في عربيتك وشكرا على الرد
وعقبالنا يارب لما نستلم

**amaboubakr** · 20-09-2011 02:07 PM

المشاركة الأصلية كتبت بواسطة bassem.kamal

و قاللي علي حوار التكييف الللي في سنسور يقفل لوحدة عند زيادة العزم باين حاجة كدة و دي حاجة ميزة جدا مش موجودة في اي عربية

أ/ باسم بعد إذنك ايه حوار التكييف ده؟؟؟

**madamada2070** · 20-09-2011 03:14 PM

انا عندي التكييف بيفصل الكمبريسور (لمبة الكمبريسور بتطفي) بس مش بيشتغل تاني الا لو شغلته انا تاني و بيكون الكلام ده ساعات في السلانسيه او لو بزود عزم العربيه في مطلع مثلا بس لما بشغل التكييف تاني بعد ما اللمبه تطفي مش بيحصل كده تاني

كمان عندي مشكله ان التكييف بلليل تلاجه و الصبح بدري كمان لكن في الشمس بيبقى تبريده ضعيف ورحت التوكيل و كشفو و مفيش تسريب و الشحن تمام هل دي مشكلة اكسبانشن او ثرموستات؟

حد عنده تفسير عشان في التوكيل مش فاهمين حاجه

**bassem.kamal** · 20-09-2011 03:52 PM

دة مش عيب دي ميزة .. التكييف موجود في سنسور !! تخيل دي مش هتلاقيها في اي عربية ... عشان ميحملش علي الموتور جامد و بيفصل اول مرة بس في اي عزم جامد علي الموتور .... طبعا حاجة جامدة جدا
و تكييف الصبح دة عادي جدا و في اي عربية كدة ... يمكن الحل معاك بقي انك تجيب الفامية اللي هو عازل الحرارة ... ساعتها هتستمع بالتكييف زي باليل بالظبط