رابطة ملاك كيا سبكترا وقطع غيارها

**ahmedb1977** · 18-10-2011 12:33 AM

المشاركة الأصلية كتبت بواسطة omarelshamy

شكر خاص جدا الى الاستاذ احمد و احب اقول لكل اعضاء الرابطة ياريت كل واحد عنده اسعار قطع غيار يحطها لنستفيد كلنا و عايزين نكبر الرابطة عشان تدى مكانة للسبكترا فى مصر و بتوع كيا ايجيبت يحسوا بينا بقى عشان كده بجد حرام,,,,

عمر الشامى مدير الرابطة

العفو يا أستاذ عمر الشكر ليك انت اللي عملت الرابطة بس اتمنى يكون في مشاركات اكتر من كدة و اعضاء أكتر

**mohmmedzohier** · 18-10-2011 07:19 PM

يا جماعه محدش رد عليا فى المشكله بتاعه العربيه

**omarelshamy** · 13-02-2012 08:12 PM

يا ريت حد يجيب سعر لوحة تحكم الزجاج الكهربائى و سعر الزرار الصغير

**ahhazem** · 14-02-2012 12:52 PM

يا جماعة انا معايا سبيكترا ٢٠٠٥ وعاوز ابيعها وبصراحة مش عاوز أخسر فيها كتير ومواصفاتها:

كيا سبكترا موديل ٢٠٠٥ - كاملة - مانيوال - اللون فيراني ميتالك فابريكا دواخل وسقف وشنطة وجنب-الحالة العامة جيدة ( تحتاج وش نظافة ) - جميع الصيانات في التوكيل أو مراكز خدمة معتمده - السعر قابل للتفاوض بشرط الجدية والتسجيل - السيارة موجودة بالهرم - تكييف وباور ستيرنج 4 زجاج كهربائية - سنتر وإنذار وريموت ووحدات رفع - للبيع أو للبدل بسيارة أصغر

للأمانة فيها خبطة في الجانب الأيسر من فوق باب السواق ( انا اشتريتها كده) هيا شكلها وحش بس مش مؤثرة ومش محتاجة تتعمل

وبصراحة العربيه عامله صياناتها لحد ١٢٠٠٠٠ في التوكيل

لو ممكن تنصحوني إزاي ابيع العربيه لأن ناس كتير بتبعد عن السبيكترا بالتحديد لندرتها زي ما الأخوه قالوا قبل كده

شكراً للإفادة

**osoo22** · 23-02-2012 12:05 PM

المشاركة الأصلية كتبت بواسطة ahhazem

يا جماعة انا معايا سبيكترا ٢٠٠٥ وعاوز ابيعها وبصراحة مش عاوز أخسر فيها كتير ومواصفاتها:

كيا سبكترا موديل ٢٠٠٥ - كاملة - مانيوال - اللون فيراني ميتالك فابريكا دواخل وسقف وشنطة وجنب-الحالة العامة جيدة ( تحتاج وش نظافة ) - جميع الصيانات في التوكيل أو مراكز خدمة معتمده - السعر قابل للتفاوض بشرط الجدية والتسجيل - السيارة موجودة بالهرم - تكييف وباور ستيرنج 4 زجاج كهربائية - سنتر وإنذار وريموت ووحدات رفع - للبيع أو للبدل بسيارة أصغر

للأمانة فيها خبطة في الجانب الأيسر من فوق باب السواق ( انا اشتريتها كده) هيا شكلها وحش بس مش مؤثرة ومش محتاجة تتعمل

وبصراحة العربيه عامله صياناتها لحد ١٢٠٠٠٠ في التوكيل

لو ممكن تنصحوني إزاي ابيع العربيه لأن ناس كتير بتبعد عن السبيكترا بالتحديد لندرتها زي ما الأخوه قالوا قبل كده

شكراً للإفادة

السلام عليكم ,,,

حضرتك طالب فيها كام ؟؟ انا سامع ان العربية السبيكترا ممتازة لية عايز تبيعها ؟؟ على العموم لو انتا ناوى بجدقولى فى واحد صحبى كان بيدور على واحدة

**mohmmedzohier** · 23-02-2012 03:49 PM

بجد نفسى نعمل رابطه كبيره بس الواضح ان كل واحد بيخش يشئر ويمشى قبل كدا حاولت اعمل رابطه بس فشلت على العموم انا اعرف اسعار معظم قطع الغيار الجديده تقربيا + ان صاحب محل الجندى صاحبى اوى وساكن جانبى وبيقولى اشترى ايه وما تشتريش ايه غير الاصلى وكمان انا انا اشتريت من الخارج كتاب hayns sephia and spectra فلو حد عاير يعرف اى جزء فى العربيه ان شاء الله هعرفهوله بس يا ريت الناس تشارك وبالمناسبه دى كنت عايز اسئل دلوقتى العربيه لما تسخن المروحتين بيتشتغلوا ولا واحده بس لانى كنت اعرف انها واحده بس ولما تكون جى من مشوار طويل الاتنين بيشتغلو دلوقتى العربيه على طول الاتنين شغالين فهل دا طبيعى ياريت حد يشفها ويقولى

**ahhazem** · 24-02-2012 09:31 PM

المشاركة الأصلية كتبت بواسطة osoo22

السلام عليكم ,,,

حضرتك طالب فيها كام ؟؟ انا سامع ان العربية السبيكترا ممتازة لية عايز تبيعها ؟؟ على العموم لو انتا ناوى بجدقولى فى واحد صحبى كان بيدور على واحدة

الحقيقة انا عاوز ابيعها لأني اشتريت عربية تانية ففكرت ابيعها واجيب عربية صغيرة للمدام ( انت عارف ان السبيكترا كبيره على الستات)
العربية مواصفاتها زي مان كنت كاتب فوق
ومطلوب فيها ٤٧٠٠٠ ان شاء الله
لو حابب تشوفها كلمني ونتقابل ان شاء الله
وربنا يقدم اللي فيه الخير

**osoo22** · 26-02-2012 03:20 PM

شكراً يا باشا لو ناوى حقولك انا كمان ناوى اشوف عربية سبكترا بس عايزها أوتوماتيك ميين هنا يا جماعة عندة سبيكترا أوتوماتيك يفيدنا

**mido_fiat_128** · 27-02-2012 02:40 PM

اخيرا لقيت رابطة للاسبيكترا انا معايا واحدة 2003 ودى بعض اسعار قطع الغيار جديدة
طقم كستبانات بالبلوف 800 جينيه
طرمبة زيت 300 جينيه
فلتر هواء 25 جينيه
فلتر زيت 35 جينيه
سير كاتينة 90 جينيه
سير دينمو وتكييف 50
طقم بلي شداد كاتينة 110
و بالنسبة للعربية فانا عن تجربة هى احسن عربية تتركب فى فئتها السعرية واى حاجة انا تحت امركم

**nawar_132** · 27-02-2012 03:17 PM

السلام عليكم
انا لسه جايب سبكترا 2004 بره وجوه auto عامله 75 الف كيلو العربيه ماشاء الله ثابته فى ماشيها بس عيبها صوت شكمانها وسألت فى التوكيل قالو هى نزله كده و فيها عيب كمان ان كراسى الموتور بتبوظ بسرعه وده فى الاتوماتك بس ودلوقتى خوفتونى فعلا بأسعار قطع الغير وعدم توفرها بشكل كبير كدة.
ليا واحد صاحبى راكبها بقالو 3 سنين قالى بالنسبه للتصليح فى واحد كان شغال فتوكيل كيا وبيفهم اوى ويطلعلك سبب العطل بسرعه هو فى الملك الصالح هتأكد لكو من العنوان اكتر واقولكم.

بالمره حد عندو فكره فلتر التكيف الاقيه فين و بكام ؟