عرض للطباعة
ده بصراحة سؤال لملاك الفلوانس اجابته هتساعدني في اتخاذ قرار الشراء .. لاني محتارة جدا وكل لما اقول خلاص هستقر على عربية معينة الاقي فيها حاجة تخليني اعيد التفكير .. ودماغي هتنفجر ومش عارفة اخد قرار ..
فياريت اللي معاه الفلوانس يقولي بكل صراحة وامانة .. بعد ما اشترى العربية ومشي بيها شوية .. لو رجع بيك الزمن هتشتري فلوانس برضه ولا ندمان ؟ او مش ندمان بس حاسس ان كان ممكن بنفس السعر تجيب حاجة تانية افضل ؟
هات اوبترا احسن وارخص
والنبى بلاش الرينو وقرفه خليكى فى اليابانى النيسان او اللانسر
متهيألي الألماني ثم الأوروبي أفضل للي يقدر على الصيانة و قطع الغيار والتوكيل بس في المقابل ركوبة وعمر ما يعرفوش غير اللي ركب الألماني وكان راكب قبل كده ياباني او كوري في نفس الفئة. طبعا ده بإستثناء الفيات اللي هي برضه اوروبي بس مش عارف@!#!@#$!@#$اقتباس:
المشاركة الأصلية كتبت بواسطة iaibrahim
ثم الياباني أكيد وبالترتيب هوندا، تويوتا، مازدا، والباقي مش فارق عن بعضه قوي
ثم الكوري ثم الصيني.
الترتيب ده على اساس حلاوة الركوبة والثبات والعمر وده طبعا عكس سعر إعادة البيع.
يعني العربيات االي تمنها فيها عند اعادة البيع للاسف مش الألماني ولا الاوروبي :N_no[1]:
خدى بالك من موضوع اسعار قطع العيار وشوفى الموضوع دة ...
http://www.nilemotors.net/Nile/245807-a.html
أنا لسه راجع من التوكل الخبطه هاتكلف 8000 ده غير حاجة اسمها الدفرنتال الخلفيه كامله عاش العجله الشمال قلبت لبره وده واضح ده سعره حسب كلمهم مش بتصلح ده سعره لوحده 11928 يعني الأجماللي يايكن في حدود 23000 أو أكتر شوية...
هو طبعاً أستنى الناس اللى معاهم فليونس يردوا على حضرتك
بس لو سألتينى نفس السؤال على الميجان هقولك أينعم و بالثلث كمان.
الأوروبى ركوبة مختلفة تماماً عن اليابانى......ثبات و أمان و كماليات أعلى......
و قطع غيار أغلى فى مقابل عمر أفتراضى أعلى برضه.
يعيب الأوروبى فى مصر سعر إعادة البيع.
و بخصوص الموضوع اللى حطه الأخ tarek rcc
الدفرنشيال الخلفية دى القنطرة الخلفية بتاعة العربية اللى بتشيل العفشة كلها.....و دى حاجة مش بتبوظ غير بحادثة لا قدر الله و التوكيل مش بيصلح فيها حاجة.....بيغير على طول.....و قطعة زى دى فى العربية سعرها مش مبالغ فيه قوى من التوكيل.....ليس دفاعاً عن التوكيل........بس هى عبارة عن بلوك حديد كده مع شوية جلب و حاجات تانية.
عموماً برضه علشان تعرفى الفرق بين التوكيل و بره
أنا كان عندى فى الميجان جلبة مكانها فى طرف القنطرة الخلفية و كانت بايظة......و ده مش عادى.....و مش فاكر بصراحة أسباب بوظانها أيه.....المهم التوكيل قالى القنطرة تتغير.
أنا رحت جبتها من الحرفيين ب 300 تقريباً و رحت لعفشجى محترم بتعامل معاه من زمان فك القنطرة الخلفية بالكامل و غير الجلبة و أخد 150 جم تقريباً.......يعنى بأقل من 500 جم كان الموضوع خلصان.
و أنصحك لو هتأمنى على العربية اللى ناوية تشتريها أياً كان نوعها......توكلى على الله فى الفليوانس و لو مش ناوية تأمنى يبقى خليكى فى حاجة يابانى......هتلاقى قطع غيارها أرخص شوية
اى عربيه تصليحها فى التوكيل غالى و مبالغ فيه كمان
رينو + امن عليها = :)
تمام وعندك واحد
Like :tumb:
للاستاذ عبد المقصود
إلا صحيح مافيش زرار (like) زي facebook ليه؟؟؟
يا فندم أعتير اللايك وصل :)اقتباس:
المشاركة الأصلية كتبت بواسطة fdroubi
هو كان فى زرار شكر من فترة كبير و إتشال علشان كان عامل مشاكل تقريباً.
يا جماعه صاحب الموضوع طالب طلب محدد من مالكى الفلوانس فياريت بلاش فتى على الفاضى وكلام على العربيه بدون علم مع احترامى للجميع
شكرا على الردود .. جزاكم الله خيرا
اسمحى لى انقل لك تجربتى وارجوا انها تساعدك فى قرارك وهنقل لها لك بكل حياديه انا من مالكى العربيه من الدفعات الاولى من اول مايو 2010 يعنى تقريبا داخل على سنه و نص و استهلاك حوالى 22500 كيلو الحقيقه قبل ما اشتري العربيه كنت فى نفس حيرتك وخياراتى كانت اوكتافيا او جيتا الحقيقه الفلونيس حققت لى معادله صعب ان اى عربيه تحققها مقابل القيمه المدفوعه لعربيه اوروبى صانع متميز زى رينو العربيه اقل من مثيلاتها و فئتها زى الاوكتافيا و الجيتا ما بين 40 الف الى 60 الف ورغم الفروق الماليه الكبيره الا انه لا توجد فروق تقنيه كبيره بل بالعكس توجد مميزات فى الفلوينس عن منافساتها و العكس يعنى الامور متساويه فنيا سواء تكنولوجيا او اداء يمكن الميزه الوحيده فى الاوكتافيا مثلا سعر اعاده البيع و ان كانت الفلوينس و اللوجان اعادا تقييم المستعمل من جديد و الرينو هيكون سعر اعاده البيع منها بعد كده افضل بكثير عن الاول و اعتقد بشده انه سيكون فى الطبيعىاقتباس:
المشاركة الأصلية كتبت بواسطة miss_pharma
اداء السياره ممتع جدا انا بشبهه بالبلاي استيشن من دقه توجيه العربيه وسهولته مع انظمه فرامل متميزه جدا (انا عملت تست درايف للجيتا و الاوكتافيا و شخصيا ركبت عربيات كتير ) الرينو عموما من العربيات ذات الشخصيه لها طعم مختلف فى قيادتها علشان كده معظم مالكى الرينو بيحبوا عربياتهم و لما بيغيروا غالبا ما بيكون للرينو الاولويه
ما على العربيه: حجم العربيه كبير شويه ومساحه الرؤيه من مرايه الصالون غير جيده و ان كان مرايات الجنب اكثر من ممتازه لكن العربيه محتاجه حرص شويه لو قائدها لسه بيتعلم او مستواه مش قوى
اكسوارات العربيه زى كل الجديد غاليه جدا لا قدر الله فى حاله الحوادث تكلفتها بتكون كبيره لو حضرتك مش هتأمنى على العربيه هتكلف كتير فى حاله الحوادث
الموتور ادائه مش رياضى على السرعات البطيئه وطلعه العربيه زى اى عربيه اوروبى تقيله شويه لكن العربيه بتقدم اداء رائع لو تم قيادتها بشكل رياضى شويه لان الفتيس به ثلاث انظمه قياده منها القياده الرياضيه و بيتحول لها من اسلوب قيادتك للعربيه
غير كده العربيه شيك جدا اداء و ثبات رائع جدا انا مشيت بالعربيه على 180 و مثبت السرعه لفتره مش قليله و اخدت بيها ملفات (طبعا ملف عادى ) بدون اى قلق
والاهم من كل شىء حضرتك لازم تعملى تست درايف على العربيه علشان تقدرى تحكمى على العربيه من وجهه نظرك و رينو بتوفر خدمه التست درايف
اشكرك على ردك الوافي .. انت كده رجعتلي الحيرة تاني بعد ماكنت صرفت نظر عنها ..
ربنا يقدم اللي فيه الخير ..
الحمد لله مش ندمان خالص ..... العربية بسم الله ما شاء الله 10\10 :tumb:اقتباس:
المشاركة الأصلية كتبت بواسطة Miss_Pharma
نصيحة لوجه الله هاتى نيسان بلوبيرد سيلفى او هوندا سيفيك الجديدة اللى لسة هتنزل و بلاش فرنساوى خالص و لا رينو ولا بيجو ولا سيتروين دى نصيحة والله و حضرتك زى منتى عايزة انا معايا فلوانس 2011 بس مش عايز اتكلم علشان انا كل متكلم هنا الناس تهاجمنى و ابلها كان معايا نيسان سوبر صالون مش هقولك غير انى ندمان و بس افهمى انتى الباقى و ربنا يوفققك ان شاء الله فى الاختيار
ماهو حضرتك لازم تقول اسبابك. و مافيش حاجة اسمها الاعضاء تهجمك ! احنا هنا علشان نفيد بعض. بس لازم توضح الاسباب لان العندك عيب ممكن يكون بالنسبالي عادي ، زي مثلا تقل السحبة على الاول، انا مش فارق معاية بس انت فارق جدا معاك. و في النهاية احنا بنتشارك الخبرات مش اكثر
يا عم اتق الله حرام عليك بقى .. ده سادس رد ليا عليك في مواضيع زي كدهاقتباس:
المشاركة الأصلية كتبت بواسطة alumni
يا جماعة الراجل ده مستهدف موضوعات الفلونس في المنتدى عشان يسوء سمعتها و تقريبا كل الناس هنا عارفين كده ... راجعوا مشاركاته وانتو تتاكدو
اما انا عن نفسي طبعا كنت هجيب الفلوانس من غير لحظة تردد :)
بصي من الآخر ..... فلوينس حققت كل المعادلات الصعبة في عربية أوروبية وتقنية حديثة وأوبشن عالي القيمة والجودة وسعر أكثر من رائع مقارنة بالسيارات في نفس فئتها وتوكيل محترم ...
هاتيلي عربية واحدة فيكي يا مصر فيها كل ده وبالسعر ده .....
أنا مش لو رجع بي الزمن بس انا هاشتري ان شاء الله واحدة لحماتي في القريب العاجل ......
ردا على اخونا الفاضل انا و الحمد لله باركب عربيات من اكتر من 20 سنه من كل الانواع اليابانى و الاوروبى و الكورى و الحمد لله اخيرا الرينو فليونس اللى احب اشهد انها من احسن العربيات اللى ركبتها و محتاجه لواحد بيفهم يعنى ايه عربيات و بالنسبه للى بيشتكى من تقل الطلعه اوعى يركب فليونس و فيكترا او فانتازيا عليه و على الفيرنا وش !!!!!!!!!!!!!!!!!!!!!!!!اقتباس:
المشاركة الأصلية كتبت بواسطة alumni
:_Alshmokh08[1]::_Alshmokh08[1]::_Alshmokh08[1]:
انا ركبت الفلونس مع زميلى ربنا يكفيه شرها
اولا المميزات من وجه نظرى سيارة ممتازة من حيث المظهر الفخم-الصالون الواسع-الثبات على الطريق-التابلوه انيق-سهولة التحكم بالكاسيت من الدريكسيون
ثانيا العيوب الشنطة بها مفتاح بالضغط عليه يتم فتح الشنطة بكل سهولة فيمكن ان يتم فتحها من قبل اى شخص وانت واقف فى الاشارة مثلا -ضعف التكييف-ثمن قطع الغيار غالى شويه- اعادة البيع بيقل سعر السيارة كتيير
ودى ملاحظاتى البسيطة من الركوب مرة واحدة
رغم انى قبل ما اركب معاه كنت باتريق عليه انه جاب فرنساوى لان قطع الغيار غالية قوى وسعر اعادة البيع سىء والتوكيل غالى وقطع الغيار اغلى وقلتله حرام عليك فلوسك لكن بعد اول ركوب غيرت رايى 180 درجه
وعلى فكرة انا معايا لانسر بومة 2009 وهى ممتازة جدا وانا مرتاح معاها جدا لكن لو فكرت اغير قريب هاجيب فلونس
وشكراعلى مشاركاتكم الايجابية
اقتباس:
المشاركة الأصلية كتبت بواسطة WaleedAlGam
تحياتي ......