لو رجع بيك الزمن شوية .. كنت برضه هتجيب فلوانس ؟

**Miss_Pharma** · 18-09-2011 06:19 PM

ده بصراحة سؤال لملاك الفلوانس اجابته هتساعدني في اتخاذ قرار الشراء .. لاني محتارة جدا وكل لما اقول خلاص هستقر على عربية معينة الاقي فيها حاجة تخليني اعيد التفكير .. ودماغي هتنفجر ومش عارفة اخد قرار ..
فياريت اللي معاه الفلوانس يقولي بكل صراحة وامانة .. بعد ما اشترى العربية ومشي بيها شوية .. لو رجع بيك الزمن هتشتري فلوانس برضه ولا ندمان ؟ او مش ندمان بس حاسس ان كان ممكن بنفس السعر تجيب حاجة تانية افضل ؟

**shawkylotfy** · 18-09-2011 08:08 PM

هات اوبترا احسن وارخص

**iaibrahim** · 18-09-2011 08:18 PM

والنبى بلاش الرينو وقرفه خليكى فى اليابانى النيسان او اللانسر

**fdroubi** · 18-09-2011 10:26 PM

المشاركة الأصلية كتبت بواسطة iaibrahim

والنبى بلاش الرينو وقرفه خليكى فى اليابانى النيسان او اللانسر

متهيألي الألماني ثم الأوروبي أفضل للي يقدر على الصيانة و قطع الغيار والتوكيل بس في المقابل ركوبة وعمر ما يعرفوش غير اللي ركب الألماني وكان راكب قبل كده ياباني او كوري في نفس الفئة. طبعا ده بإستثناء الفيات اللي هي برضه اوروبي بس مش عارف@!#!@#$!@#$

ثم الياباني أكيد وبالترتيب هوندا، تويوتا، مازدا، والباقي مش فارق عن بعضه قوي

ثم الكوري ثم الصيني.

الترتيب ده على اساس حلاوة الركوبة والثبات والعمر وده طبعا عكس سعر إعادة البيع.

يعني العربيات االي تمنها فيها عند اعادة البيع للاسف مش الألماني ولا الاوروبي

**tarek_rcc** · 18-09-2011 11:09 PM

خدى بالك من موضوع اسعار قطع العيار وشوفى الموضوع دة ...
http://www.nilemotors.net/Nile/245807-a.html
أنا لسه راجع من التوكل الخبطه هاتكلف 8000 ده غير حاجة اسمها الدفرنتال الخلفيه كامله عاش العجله الشمال قلبت لبره وده واضح ده سعره حسب كلمهم مش بتصلح ده سعره لوحده 11928 يعني الأجماللي يايكن في حدود 23000 أو أكتر شوية...

**Ahmed Selim** · 19-09-2011 07:57 AM

هو طبعاً أستنى الناس اللى معاهم فليونس يردوا على حضرتك

بس لو سألتينى نفس السؤال على الميجان هقولك أينعم و بالثلث كمان.

الأوروبى ركوبة مختلفة تماماً عن اليابانى......ثبات و أمان و كماليات أعلى......
و قطع غيار أغلى فى مقابل عمر أفتراضى أعلى برضه.
يعيب الأوروبى فى مصر سعر إعادة البيع.

و بخصوص الموضوع اللى حطه الأخ tarek rcc
الدفرنشيال الخلفية دى القنطرة الخلفية بتاعة العربية اللى بتشيل العفشة كلها.....و دى حاجة مش بتبوظ غير بحادثة لا قدر الله و التوكيل مش بيصلح فيها حاجة.....بيغير على طول.....و قطعة زى دى فى العربية سعرها مش مبالغ فيه قوى من التوكيل.....ليس دفاعاً عن التوكيل........بس هى عبارة عن بلوك حديد كده مع شوية جلب و حاجات تانية.

عموماً برضه علشان تعرفى الفرق بين التوكيل و بره

أنا كان عندى فى الميجان جلبة مكانها فى طرف القنطرة الخلفية و كانت بايظة......و ده مش عادى.....و مش فاكر بصراحة أسباب بوظانها أيه.....المهم التوكيل قالى القنطرة تتغير.

أنا رحت جبتها من الحرفيين ب 300 تقريباً و رحت لعفشجى محترم بتعامل معاه من زمان فك القنطرة الخلفية بالكامل و غير الجلبة و أخد 150 جم تقريباً.......يعنى بأقل من 500 جم كان الموضوع خلصان.

و أنصحك لو هتأمنى على العربية اللى ناوية تشتريها أياً كان نوعها......توكلى على الله فى الفليوانس و لو مش ناوية تأمنى يبقى خليكى فى حاجة يابانى......هتلاقى قطع غيارها أرخص شوية

**fdroubi** · 19-09-2011 11:08 AM

تمام وعندك واحد
Like
للاستاذ عبد المقصود

إلا صحيح مافيش زرار (like) زي facebook ليه؟؟؟

**Ahmed Selim** · 19-09-2011 07:08 PM

المشاركة الأصلية كتبت بواسطة fdroubi

تمام وعندك واحد
like

للاستاذ عبد المقصود

إلا صحيح مافيش زرار (like) زي facebook ليه؟؟؟

يا فندم أعتير اللايك وصل :)

هو كان فى زرار شكر من فترة كبير و إتشال علشان كان عامل مشاكل تقريباً.

الموضوع: لو رجع بيك الزمن شوية .. كنت برضه هتجيب فلوانس ؟

LinkBack

أدوات الموضوع

عرض

-

-

المواضيع المتشابهه

لو رجع بيك الزمن هتجيب Gen2 تانى بصراحه ؟؟؟

لو رجع بيك الزمن قبل ما تشتري اللوجان ... كنت هتشتريها برضه؟

لما هابيعها هتجيب كام

لو لغو الجمارك هتجيب عربية اة؟

ياترى لو الزمن رجع للوراء كنت برضه هتشتري هيونداي(ياريت كل يقول رايه) ؟

الكلمات الدلالية لهذا الموضوع

المفضلات

المفضلات

ضوابط المشاركة