الموضوع: لعشاق الصني ( مدعم بالصور) .. تغيير عفشة نيسان صني ... ^_^

السلام عليكم ورحمة الله وبركاته

للتوضيح الموضوع ده مجمع لبعض المواضيع والصور من اكتر من موقع ومصدر
والغرض الاساسي منه ان في بعض الاعضاء ميعرفوش كيفيه تغير بعض قطع منظومه التعليق
(العفشه) وتغيير اداء السياره على الطريق سواء للتصليح او لزياده الاداء
والموضوع مقسم ل 3 اجزاء

الاول : تغيير المساعدين الاماميين
الثاني :تغيير المساعدين الخلفيين
الثالث : تغيير جلب المقصات وبيض المقصات
بس قبل الكلام ده كله لازم نعرف عفشه الصني متكونه من ايه

الجزء الامامي :
مثلها مثل معظم السيارات ذات الدفع الامامي تتكون من نظام تعليق ماكفيرسون بهذه المكونات
(مساعد - سوسته حلزونيه - الدشمه اللي بيركب عليها الصره و الطنبوره وهيا اللي بحركتها بتتحرك العجله معاها - المقص وده بيثبت في الشاسيه بجلبتين على ركبتين وبيضه مقص في اسفل الدشمه


ودور المقصات هنا هيا بتتحرك بطريقه عموديه عشان تخلي العجله ثابته و موزونه مع المطبات وطبعا لما الجلب بتاعتها بتبوظ الزوايا والتهبيد وعدم الراحه بيظهر


----------------------------------------------------------------------------------------------
التعليق الخلفي ::

نظام تعليق غير مستقل (الدنجل )
يعني كمر فولاذي بالعرض ويثبت ب شدادين من الجوانب بالطول على ركب في الشاسيه
ويثبت فيه المساعد والسوسته بشكل عمودي على الشاسيه

وده معناه ان لو العجله اليمين اتحركت ..لازم تتاثر العجله الشمال معاها
وده السبب الرئيسي اللي بيخلي الصني بيبقى فيها احساس بلعب في الخلف على الطريق
ولكن النظام ده معمر جدا وخصوصا في الصني بيديها متانه كويسه
وبيخلي رد فعل العربيه مع المطبات كأنها بتتحرك كلها حته واحده مش سايبه او ملخلخه

وباين جدا من الصوره ان لو العجله اليمين اتحركت لفوق لازم الشمال تميل للخارج شويه

ودي صوره للدنجل ..بس معمول له تعديل وهو عمود اتزان مشابه للي موجود في الشاهين
(السوبر صالون مدمج فيها عمود اتزان اصلي وتصميمه مخالف لده تماما)



ودي صوره للدنجل بالشدادات بتاعته بالركب اللي بتركب في الشاسيه و لكن استيراد(مفكوك من عربيه قديمه)




وبكده نبقى وضحنا منظومه العفشه للصني شكلها ومحتوياتها ايه

-------------------------------------------------------------------------------

التغيير والتصليح..
الادوات المستخدمه
1- مفتاحين 12 و 17
2- wd40 مزيل الصدأ
3- 4 زرجينه للسوست

الاول: تغيير المساعدين الاماميين
------------------------------------
هيتم تبديل المساعدين بمساعدين KYB
KYB 332116
KYB 332117



اول خطوه نفك البطاحات كالأتي



وبعد كده نركب الزراجين على السوسته عشان نلمها ونعرف نطلعها بره




نرش رشتين محترمين من wd40 عشان المسمير ال17 تبقى سهله في فكها




نفك المسمارين ال 17 اللي مثبتين المساعد في الدشمه




هنلاقي المساعد والسوسته نقدر نطلعهم بسهوله مع عدم نسيان خراطيم الباكم اللي راكبه على المساعد




ده مكان ماسوره الباكم



يتم تبديل المساعدين و تركيبهم على السوسته مع الحرص على اعاده تركيبهم صح فوق وتحت كالاتي في الصورتين اللي جايين







ونرجع نركب اللي فكيناه بالترتيب الاتي (البطاحه الاول - مسامير الدشم - فك الزراجين عشان السوسته تريح -خراطيم الباكم)
وده بعد التركيب والتأريط النهائي





وبكده خلصنا اول جزيئيه ونخش في التانيه
---------------------------------------------
المساعدين الخلفيين

شوف الصوره الاول




بنفس الطريقه اللي فكينا فيها المساعد الامامي هنفك الخلفي مع تغير اماكن المسامير لكن الخطوات واحده
1- فك البطاحه
2- تركيب الزراجين للسوسته
3- فك المسمار السفلي للمساعد
4- نخرجهم بره ونبدل المساعدين ونتاكد ان السوست راكبه في مكانها صح
5- ركب البطاحه
6- ركب المسمار السفلي
7- فك الزراجين و قرط كويس

الحقيقه دي مساعدين للصني بس نوعم صيني








وبكده نبقى خلصنا موضوع المساعدين
-----------------------------------------------------------
نيجي بقى للجزئيه المهمه اللي معظم العربيات بتعاني منها في طرق مصر
جلب المقصات واعراضها .... دربكه في المطبات والزوايا مش مظبوطه مهما عملتها

بس الاول محتاجين نعرف ان المقص الامامي فيه جلبتين وبيضه

الجلبه الاولى الصغيره وهي الخلفيه





وبعد التركيب في المقص هي اللي ورا الصغيره



الجلبه التانيه وهيا الكبيره الاماميه

الرجاء عدم الرد لحين استكمال الموضوع

ودي صوره نظام التعليق من كتالوج التجميع الخاص بالمصنع
الامامي




الخلفي