حدث في دار من دور القوات المسلحه

**icehearted girl** · 21-09-2011 02:23 PM

هي من امتي اللحية مرتبطة بالاسلام

في ناس كتير ملتحين من باب الكسل

وفي ملتحين من ديانات أخري...وأكيد بردوا بيتم منعهم....ولو كان اضطهاد اسلامي

كان من باب اولي ميدخلش محجبات بقي بالمرة

ولا ايه..!!!!

انا برده شايفة انه من باب الحفاظ علي الامن... زي مفي اماكن بتمنع الموظفات داخلها ملنقاب زي المستشفيات مثلا ودا مش لعيب ف النقاب حاشا لله..وانما احترام لقوانين المكان

وف الاول وف الاخر دا مكان بدخله يا اما احترم قوانينه وأطبقها يا اما الله الغني

**shaddadfalcon1** · 21-09-2011 03:42 PM

المشاركة الأصلية كتبت بواسطة icehearted girl

هي من امتي اللحية مرتبطة بالاسلام

في ناس كتير ملتحين من باب الكسل

وفي ملتحين من ديانات أخري...وأكيد بردوا بيتم منعهم....ولو كان اضطهاد اسلامي

كان من باب اولي ميدخلش محجبات بقي بالمرة

ولا ايه..!!!!

انا برده شايفة انه من باب الحفاظ علي الامن... زي مفي اماكن بتمنع الموظفات داخلها ملنقاب زي المستشفيات مثلا ودا مش لعيب ف النقاب حاشا لله..وانما احترام لقوانين المكان

وف الاول وف الاخر دا مكان بدخله يا اما احترم قوانينه وأطبقها يا اما الله الغني

استاذن حضرتك تراجعي معلوماتك بخصوص اللحيه لانها من الأسلام وهي فرض علي كل رجل بالغ عاقل مسلم ومش معني ان في حد مربيها كسل او مربيها ومش ملتزم انها متبقاش من الدين

وبرده مش معني ان في حد استتر تحت النقاب عشان يسرق ولا يقتل يبقي نمنع النقاب - المفروض تبقي عقوبته مضاعفه عشان محدش يفكر ياخده ساتر لافعال مشينه لان الواحد زهق من نوعية الكلام بتاع ده النقاب بيلبسوه عشان يسرقو وعشان يدارو البللاوي اللي بيعملوه والبت بتبقي مش محترمه وتلبسه ولما تمشي بعيد تقلعه والكلام الكتيير اللي مضمونه مجرد تخويف وتشويه للنقاب

ومن الأولي المناده بمنع هذه القوانين الغبيه بدلا من الدعوه لأحترامها

**icehearted girl** · 21-09-2011 07:51 PM

علي فكرة حضرتك مقرتش كلامي ومفهمتوش

فيه فرق ان الاسلام فرض اللحية علي كل مسلم عاقل

وفرق اني بقول مش مرتبطة بس بالاسلام

يعني وارد ان كل مسلم يربي لحيته

لكن اللي اكيد ان مش كل من ربي لحيته مسلم..ولا ايه؟؟؟

بدليل كثير من القساوسة ان مكنش كلهم بتكون ليهم لحي

**hugan** · 21-09-2011 08:50 PM

المشاركة الأصلية كتبت بواسطة تامر.محمد

يا ترى يا صاحب الموضوع شايف ان (الجيش) بيحب الاسلاميين ؟
بالمناسبة الكلام ده (منتقبات و ملتحين) قائم كمان في معهد اللغات و الكمبيوتر !

ولو انا اعترض علي الصفه المنتشره للتفريق بين مصري ومصري هذا اسلامي وغيره غير اسلامي
وغير اسلامي تعني انه خارج الاسلام
انا شايف ان اللفظ الاصح
هو من يحب تطبيق الشريعه
ومن يكره تطبيقها
كده يكون الوصف اصح
الجيش مكوناته بجنوده وصف ضباطه وضباطه متديينن زي كل المصرييين
لكن من في دائره الحكم منهم
يكون الكلام عليهم
انا شايف ان تعاملاتهم مع من يريد تطبيق الشريعه من المصرييين
سواء اخوان او الجماعه الاسلاميه او السلفيين
ما هو الا توازنات الي ان يظهر الشخص اللي عليه العين
واللي لن ترضي امريكا ولا اسرائيل بديلا عنه
نرجع لمرجوعنا وهو دخول سيده منتقبه الي الي مكن تابع للقوات المسلحه
الحجه اللي البعض يدافع عنها
وهي انا مش عارف مين اللي داخل ولا نواياه عامله ازاي
وطبعا الحل بسيط
سيده من سيدات القوات المسلحه تكون قائمه علي تفتيش السيدات
الا اذا كان الامر كله تعنت ورخامه
ومن الممكن ان التعليمات دي تكون تعليمات قديمه من العهد البائد تماشيا مع محاربه مبارك ونظامه لكل ما يمت للاسلام بصله
وانا متاكد انها هاتتغير مع الايام الجايه
لان زي ما قولت كان في رجاله ملتحيين وبجلا ليب ومفيش حد منعهم

**shaddadfalcon1** · 21-09-2011 10:24 PM

المشاركة الأصلية كتبت بواسطة icehearted girl

علي فكرة حضرتك مقرتش كلامي ومفهمتوش

فيه فرق ان الاسلام فرض اللحية علي كل مسلم عاقل

وفرق اني بقول مش مرتبطة بس بالاسلام

يعني وارد ان كل مسلم يربي لحيته

لكن اللي اكيد ان مش كل من ربي لحيته مسلم..ولا ايه؟؟؟

بدليل كثير من القساوسة ان مكنش كلهم بتكون ليهم لحي

جايز مفهمتش وجهة نظر حضرتك لكن انتي قولتي :

(هي من امتي اللحية مرتبطة بالاسلام

في ناس كتير ملتحين من باب الكسل)

عشان كده فهمت الكلام اللي علي اساسه رديت

**samyyousef** · 23-09-2011 02:00 AM

المشاركة الأصلية كتبت بواسطة hugan

امس كان عندي فرح في دار الاسلحه والذخيره
الفرح كان فرح الاخ الاصغر لزوجتي
تم لبس الملابس اللي علي الحبل والاولاد حطو جيل في شعرهم وعملو سبايكي
والبتنين مامتهم لبستهم وعملو شعرهم علي الموضه
ونزلنا من البيت ودورت العربيه وكلو تمام التمام
ووصلنا الدار القاطنه في صلاح سالم ودخلت من البوابه بعد السؤال طبعا عن اسم العريس والقاعه المراد اقامه الفرح فيها
داخل علي البارك بعد حوالي 50 متر من البوابه لقيت فرد امن بيقولي
ممنوع
ايه يابني اللي ممنوع
انا معزوم مش جاي علشان اتعشي
والعريس اخو مراتي
ممنوع
دخول المنتقبات
نعم
ايوه ممنوع دخول المنتقبات
التعليمات كده
نسيت اقولكم ان زوجتي منتقبه
وايه الحل
روح للمقدم حازم مسؤل الامن
لفيت طبعا علي المقدم حاتم
اتعرفت وقدمت نفسي ليه
وبعد المداولات والمحاورات
ممنوع يافندم
انا عندي تعليمات مش بايدي
قولت له
يعني لو واحده داخله لابسه علي العريان وكل جسمها باين تدخل بالسلامه

ايوه تدخل ومانقدرش نقولها حاجه

يمين شمال وكلام في كلام

هي دي التعليمات اللي عندي
وبعد البحث والمدواله
تم التوصل الي نائب مدير الدار
وبعد التهديد من العريس واجتماع الاهل وارتفاع الصوت تم السماح بالدخول
وطبعا كان في اكتر من قاعه
ورجع كتير من المعازيم في قاعات تانيه
يعني الفكر المتخلف وصل بينا لحد فين
ونعتب علي فرنسا لما تمنع الحجاب ونكون احنا اول ناس نحاربه

السلام عليكم
أنا أعتقد أن منع المنتقبة من الدخول في بعض الأماكن و بالذات في الأماكن التابعة للقوات المسلحة سواء كانت دور أفراح أو معاهد تعليم
لا يرجع الى محاربة النقاب مثل فرنسا كما ذكرت حضرتك
و إنما يرجع الى معايير الأمن لدى القوات المسلحة
فالأمن لدى أي جهة كالقوات المسلحة له معايير, النقاب يخل بها ( و هذا وجهة نظرهم و ليس رأيي )

**youssefmustang** · 23-09-2011 05:27 AM

انا اول مرة كنت اخش نادى القوات المسلحة اللى فى الزمالك هو انهارده وقريت لوحة التعليمات فعلا كانو كاتبين ممنوع دخول المنقبات ولما سألت نقيب كان واقف على البوابة قولتله بعد اذن حضرتك ايه الشرط الغريب اللى مكتوب ده ؟؟؟
رد على بأحترام شديد وقالى انهم مش ضد النقاب ولا حاجة بس فى اسباب امنية منها انهم قفشو راجل وكان لابس نقاب وكان داخل يقتل لواء فى الجيش عشان حبس ابنه المجند !!! وقييييييس على ده كتير
فهو السبب دواعى امنية
اخوكم يوسف

-

-

الموضوع: حدث في دار من دور القوات المسلحه

LinkBack

أدوات الموضوع

عرض

-

-

-

المواضيع المتشابهه

دليلك لعناوين دور القوات المسلحه

الي سكان مدينة نصر القوات المسلحه والشرطه

سؤال -- هي القوات المسلحه خايفه من حد؟

نداء الي القوات المسلحه

من المعادى الى جاردينيا القوات المسلحه

الكلمات الدلالية لهذا الموضوع

المفضلات

المفضلات

ضوابط المشاركة