"فكرة تصميم سيارة مصريه بالكامل حتى لو تحت البيت"
فكرت بقى فى فكرة مش عارفة هتعجبكم ولا هتقولوا دى مجنونه
و بما أنى شايفة أن الحكومة نايمه و مديها الحنان و شكل مفيش عربيات أسمها تحرير ولا حتى معتقل قولت لازم أجرب على الأقل النقاش فى الموضوع دة
برة كتير فى الدول الأجنبيه ناس بتجيب هياكل عربيات متدمرة من سنين فاتت
و بتعملها تعديل و تحطلها مواتير قوية جدا لدرجة إنها بتطلع نار لما بتمشى دا غير صوتها الفظيع
أنا فكرت بقى بما أنى نفسى أشوف حاجة فى مصر بتتعمل و طرحت الموضوع على ناس كتير صحابى و طبعا هما الحماس أخدهم من زمان و فكرنا كالاتى بدون مقدمات أو أى تجهيز و طبعا عايزة أعرف أية المطلوب زيادة عن إلى هقولة
أن واحد هيصمم شكل عربيه على ورق و نختار أحسن تصميم و ليكن زى شكل الجين تو
العربيه أية غير صاج و شوية حديد يعنى أكيد محتاجين سمكرى و صاج و شوية حديد
و زى مافيه سمكريه بتعمل أكصدامات و أبواب و عتب و تعديل فى الكبوت تقدر تعمل عربيه كامله
بالنسبه لوسائل الأمان ممكن يتعمل دعامات حديد مابين الصاج و الفرش أو تحت الرفرف مش شرط تبقى وسائل الأمان بتقنيه حديثة
بالنسبه للميكانيكا ربنا يخلينى المواتير الأستيراد و مكونات العربيات إلى بتبقى مرميه على الرصيف
بالنسبه للتابلوه أسمع أن فيه ناس بتصب تابلوه كامل فايبر فمفيش أى خوف منه
على فكرة أنتوا هتقولوا أنا بتكلم بسهوله لأن أحنا لسه مجربناش الواقع
و كمان فيه مشاكل فى التراخيص و المرور طيب ماهى نانو أيجيبت المسخره إلى مضحوك على الناس فيها و أخرها توك توك أصلا و مفيهاش مارشدير نزلها ترخيص ملاكى
أنا عارفة طبعا أن الموضوع أتعمل منه فى كليه فنون جميله و كانت عبارة عن شاسيهات فقط و الميكانيكا كلها من بره و دا إلى أكيد هنعمله شاسيهات بس لأن الميكانيكا صعبه طبعا دى محتاجة شركات بس على الأقل هيبقى شكلها كويس غير إلى فنون جميله عملوها
لكن عايزة أقولكم أننا نونوت فى دماغى أنا وصحابى و هنحاول ننفذ الموضوع دة
من وجهات نظركم
يا ترى أية أفكاركم بقى و هل بجد الفكرة دى هتنجح ؟
و أية التكلفة المبدئيه للمشروع دة ؟
هل هيتم المشروع بالكامل ولا هيتنسى زى باقى المشروعات ؟