الموضوع: تحذير من هيشتري طقم دبرياج الفاليو

أنا حبيت قولكم الحكايه ديه علشان محدش يقع في المشكله اللي وقعت فيها انا عربيتي اوبترا عامله 40000 كم المهم لقيت الدبرياج عندي تقيل وعالي اوي و فيه دردره في الطالع وتحتاج بنزين معاه روحت لكزا ميكانيكي والتوكيل قالولي محتاج طقم دبرياج لأن اللي عندك ضرب طبعا استغربت هوفيه عربيه طقم دبرياج بيضرب بالسرعه ديه قالولي في التوكيل اصلك تلاقيك بتحرك كتيرلا بالعربيه وده السبب المهم خد كلامهم وانا مضايق وروحت سألت عندهم في قطع الغيار عن طقم لقيت البليه ب 508 وال اسطوانه ب 342 والديسك 295 وال مصنعيه ب 550 جنيه ياعني كله بالضريبه بالزيت التروس والباكم ب 1910 جنيه ياعني تقريبا 2000 طبعا طلعت من التوكيل وانا محروق قولت اسأل بره فيه اصلي لأ في فاليو طيب ايه الفاليو ده طقم دبرياج كوري بس مش اصلي بس كوري بكام ب 560 جنيه ويمكن اقل جاتلي لحظه زهول وقولت لنفسي طيب الفرق الكبير ده فين وعالفكره ده بيبقى طقم على بعضه البليه والأسطوانه والديسك في علبه واحده فرحت قولت تمام طبعا قبل ماشتريهم سألت عن الأصلي وكل واحد يقولي ماعنديش لأما عنده ومعندوش بليه طبعا بعض لف ودروان كتير مافيش بره التوكيل بليه gm اصلي كله فاليو المهم روحت ركبت الفاليو وانا فرحان بالسعره ده وطبعا انا كنت متوقع ان يكون الأداء بتاعها هيرجع زي مكاكان وكانت المفاجأه ان العربيه في رعشه في الأول وفي العكسي دايما تحس انك العربيه هتبطل طبعا الأحساس قرفني اخر قرف وزهقت من العربيه والمفجاه التانيه ان سحب العربيه مش زي الاول كانها اتكتمت ماتت في السحب طبعا قعدت شهر على ميكانيكيه في الوموضوع ده وطله في ألخر ان طقم فاليو طقم تعبان موت العربيه فقولت نفس ي وانا زهقان انا هروح التوكيل وخليهم يغيروه ويركبوه وقدرت ان المبلغ اللي دفعته في الطقم الفاليو كانه وقع من جيبي او ضاع وقلت في نفسي حسبي الله ونعم الوكيل في الغش اللي بيحصل المهم ركبت الطقم الأصلي في التوكيل وجيت اجربها لقيت العربيه حاجه تانيه بسم الله ما شاء الله كانها فاقت ورجعت زي الأول واحسن والرعشه راحت والسحب لقيته جامد واحسن من الأول الفبريكه قولت الحمد لله انا حبيت احزركم من طقم الفاليو لأن قعدت شهر وحش بسبب الحوار ده وللعلم كل الأطقم الدبرياج الفاليو والأصلي بره التوكيل مضروبه

المشاركة الأصلية كتبت بواسطة medo500

ربنا يعوض عليك ياباشا في الي دفعته بس لي سؤال بعد اذنك ياترى الميكانيكي الي ركب لحضرتك الطقم صنايعي شاطر ولا خايب علشان انا حصل معاي الكلام ده بس في عربية كورولا وغيرت اسطوانة وديسك 3 مرات ورا بعض بسبب خيابة الصنايعي

لأ الصنايعي اللي مركبلي الطقم الفاليو كان شاطر ومركب لعربيات كتير قبل كده اطقم طقم الفاليو طقم مضروب وهو اللي كان عامل المشكله