الموضوع: قطاقيط شيرازي 40 يوم

المشاركة الأصلية كتبت بواسطة love7amada

ههههههههههههههه
انا اللي خدت المشمشي
تعرف هديت ع طول و رضيت بالامر الواقع يمكن عشان عايزه تنام
كل شويه تنام و تغمض عينها و مع اول مطب تصحي
هوا انا بقي انيمها ع ايه ؟؟
يعني سجاده صغيره و لا سيراميك و لا ايه
و شكررا جدا لذوق حضرتك

الحمدلله
ربنا يباركلك فيها ان شاء الله
دا احسن حاجة في الصغار بيتعودو بسرعة
بالنسبة للنوم بلاش سيراميك الا لو الدنيا حر قوي لانو في البرد هيجيلهم حاجة كدا مش فاكر اسمها :d في لو حضرتك عندك اي صندوق قصير و علي اي ملاية تكون قطن مش محتاجنها لانها لما هتاخد علي البيت هتلاقيها بتنام علي السرير ولما تكون سقعانة هتدخل تحت البطنية
انا عندي كانو بيدخلو جوا رجل البنطلون :d او حتي علي السجادة كويس اهم حاجة يكون في مكان علي الجمب عشان يحس بامان واهم حاجة بردو الميه و الاكل عشان يحسو انهم مش في خطر بالنسبة للمية ممكن ميشربش كتير لكن اهم حاجة لبن عليه فينو و تونا عليها بردة حتت فينو صغيرة وزبادي دول اكتر اكل بياكلهم

المشاركة الأصلية كتبت بواسطة Dr_Mido

مبروك ربنا يباركلك فيها كنت ناوى اخدها بس انت سبقتنى هههههههه تتربى فى عزك لحد ماتبقى اسد صغير هفرجهم بقى تانى على صور البيض ينقو واحدة تانيه

علي فكرة الطبيعة احلي من الصور :D

بص انا اكلتها نستو و شربت ميا بس رفضت الزبادي و جايبلها التونه و الصبح هنزل اكمل حاجتتها
انا فجأه لقيتها عماله تتمشي و تعضعض ف علبه كرتون و تلف حوالين نفسها و مش فاهم عايزه ايه
بالنسبه للاكل اسيبه ف الطبق و هيا هتاكل و لا في طريقه معينه
و النوم بقي
هيا هتتجنن و تنام بس شكلها خايف تنام
كل شويه تغمض و تفتح
و عشان تنام طلعت ف السرير و راحت نامت جنب مخده لازقه فيها بس مقلقه و كل شويه تفتح و ترفع راسها
معلش انا ابيض فعايزك تفهمني كل حاجه لانها روح و خايف عليها

اه و بالنسبه للصندوق اللي فيه ملايه هيا فضلت تتمشي شويه و راحت قعدت فيه شويه و معجبهاش و مش مرتاحه ع السجاده ولا ف الصندق ف السرير بس
الرمله بقي عايز وصف للمكان عشان اجيبها
و عايز حضرتك كده تشرحلي كل حاجه اعملها
و اعرف ازاي انها جعانه عشان لما قامت و فضلت تتمشي حوالين نفسها انا مفهمتش هيا عايزه ايه
و اقفل النور و لا اسيبه مفتوح و لا نص نص

المشاركة الأصلية كتبت بواسطة love7amada

اه و بالنسبه للصندوق اللي فيه ملايه هيا فضلت تتمشي شويه و راحت قعدت فيه شويه و معجبهاش و مش مرتاحه ع السجاده ولا ف الصندق ف السرير بس
الرمله بقي عايز وصف للمكان عشان اجيبها
و عايز حضرتك كده تشرحلي كل حاجه اعملها
و اعرف ازاي انها جعانه عشان لما قامت و فضلت تتمشي حوالين نفسها انا مفهمتش هيا عايزه ايه
و اقفل النور و لا اسيبه مفتوح و لا نص نص

هو بالنسبة لحكاية انها بتغمض وتفتح فا دا طبيعي في السن دا لانها كانت عايشة مع اخواتها ومرة واحدة لقت نفسها في مكان تاني فهيا لما شافت انها في امان اطمنت بدليل انها ابتدت تاكل بس لسة مش واخدة علي المكان هي تخاف تنام تلاقي حد مش واخد بالو منها يدوس عليها ولا حاجة فهي بتروح في النوم وفي نفس الوقت مستعدة انها تقوم تجري :d بالنسبة للنوم هي مشكلة القطط الشيرازي انو ذو مبادي :d يعني مش اي حاجة ترضية بسرعة ممكن الكرتونة يكون حاسس انو مكشوف عشان كدا منمتش فيها هي اهم حاجة عندها تكون راسها مستخبية خليها تنام علي السرير عادي جدا و متخفش مش هتعض ولا هتخربش
بالنسبة بقي لما تعوز تاكل او تشرب هتلاقيها بتشمشم حوالين المكان اللي هي اكلت فيه و هتروحلة علي طول لو ملقتش اكل هتحاول تجذب النظر ليها ممكن تنونون او تيجي تصحيك وتجري علي المكان اللي فيه الاكل كدا تعرف انها جعانة او عطشانة بس انا بفضل انك تعملها مواعيد ثابتة في الاكل عشان تاكل مرة واحدة مش كل نص ساعة تاكل علي مزاجها مثلا هما بيجوعو قوي علي الساعة 6 7 كدا حضرلها مثلا اكل و حطو تصحي تاكل و الضهر هكذا
بالنسبة للرمل اول شارع الهرم في قسم شرطة العمرانية باين و جمبية محطة شيل قدامهم الناحية التانية محل حيوانات كدا نازل لتحت دا عندو شكاير رمل و اكياس الكيس بيبقي كبير فيه بتاع 10 كيلو بس الشكارة الكبيرة اوفر و عندة بردة دراي فود الكيلو ب30 علي ما اظن بس لو هتجيب دراي هات نوع اسمة فريسكس انضف
وخلي بالك متخليش حد يزعق في القطة او يضربها لما تعمل حاجة وحشة عشان متخفش من الناس و ممكن يجيلها اكتئاب لو عملت حاجة وحشة كلمها براحة و وديها مثلا عند المكان اللي هي عملت فيه الحاجة دي مثلا وقعت حاجة كدا و لما تيجي تنونولك متردش عليها و شيلها وديها المكان دا تاني عشان تعرف ان اللي عملتو غلط لمدة نص يوم مثلا و لو فيه اي استفسار تاني انا في الخدمة

بص عارف هيا ازاي كانت قاعده ف حضن امها و جنب اخواتها هيا عامله كده بالظبط مع المخده
الصندوق هجبلها واحد اكبر و اظبطه عليها
و الدري فودز و الرمل هجيبها الصبح ان شاء الله
(بس عايز اعرف هيا بتاكل كميه قد ايه عشان انا مبعرفش هيا كده شبعت و لا لا)
و هيا بتاكل من ع صباع اختي الجبنه و تفضل تلحسها عادي مش خايفه الحمدلله و راحت قعدت جنب والدتي و و من واحنا ف الطريق كنا سايبنها ع الكنبه قامت و جت قعدت ع رجل اختي من نفسها
و شكرا جدا لحضرتك و معلش بقي بتعبك معايا بس الواحد زيرو ف المواضيع ديه

اه و التونه احطهالها الصبح قطع و لا افتتها و كميه قد ايه يعني العليه كلها و لا قد ايه ؟؟

هيا دلوقتي رايحه ف النوم خالص الحمدلله