اشتري اللانسر 2011 و لا لا

**arateb** · 19-09-2011 11:52 AM

افيدوني يا رجاله دلوقتي انا محتار بين الاانسر 2011 اتوماتيك و جنط ب 117 و الصني سوبر صالون ب 103 انا ميال جدا للانسر بس انا لما دخلت المنتدي شفت الشكاوي من دياموند و اسعاره و انا كان معايا هيونداي و غبور طلعوا عيني لكن علي العكس الناس بتشكر في السبع بتاع نيسان يعني مش عاوز اشتري اللانسر اللي هي اصلا اغلي و بعدين يسرقوني في التوكيل و يا ريت لوحد معاه 2011 يقولنا رايه فيها انا محتاااار

**Rsarabia** · 19-09-2011 12:28 PM

خلاص بقا زمن الانسر راح عربية من 2003 و هى بتنزل يعنى داخلة فى 10 سنين و تكنولوجيا قديمة و شكل محرووووق
الصنى كمان عفشتها ناشفة جدا جدا و شكلها كلاسيكى جدا
انصحك تبص على السيراتو او الالنترا او الاكسنت rb

**ahmed_eng2001** · 19-09-2011 01:03 PM

شكل الانسر بقى معتاد جدا بس عربية كويسة جدا . الصنى بتجرى و تسحب اكتر و بتاكل بنزين اكتر . قطع غيارها ارخص من الانسر شوية . الانسر اوسع شوية من جوة . توكيل الصنى افضل كتير من توكيل الانسر , الصنى افضل فى السعر .... موضوع محير جدا .. الله يكون فى عونك

**abo_anas** · 19-09-2011 02:11 PM

صنى سوبر صالون ثبات ممتاز وعربيه يعتمد عليها، وفيها كماليات لابأس بها.
ممكن تبص على التيدا سيدان بلس 123500
وهاتشباك فتحه سقف 126500

**medociv** · 20-09-2011 12:37 PM

اعادة البيع في اللانسر افضل شكل افضل قطع غيار متوفرة اكثر وباسعار افضل اوسع واشيك اللانسر توفير بنزين لصالح اللنسر -ياباني 100% مش داخل فيها التقفيل المصري
الوكيل الجديد في الصيانات العادية جميل جدا
توكيل صني كله اجمع انه حلو جدا
بس اللانسر اغلى بفرق ملحوظ
انا كنت في حيرتك بس مقدرتش ابلع الصني ابدا
والصني برضه جميلة وبالتوفيق

**Ahmed_selmy** · 26-09-2011 03:55 AM

التيدا هى الحل
انا قاعد ادور من فتره فى موضوع العربيات ده واليك الاتى:
-التيدا صناعه يابانى وتقفيل مكسيكى وده نفس المصنع اللى بينزل لامريكا.
-اوسع من الصنى من الداخل بس الشنطه بتعتها اقل من الصنى شويه.
-استهلاك بنزين معقول جدا وده حسب رأى الزملاء فى المنتدى اللى معاهم العربيه.
-توكيل نيسان المحترم جدا على راى كل الزملاء اللى اتعامله معاه وده اللى ملقتوش فى اى نوع تانى من السيارات انهم يشكروا فى التوكيل.
-صالون جيد وعلى حسب كلام المالكين ليها انها تحترم كل من بداخلها يعنى اللى قاعد قدام مبسوط واللى قاعد ورا مبسوط.
-قطع غيار متقربه جدا من اللانسر
-سعر اعاده البيع طبعا اللانسر افضل يعنى لو ناوى تبيع بعد سنه حتكون النقطه دى فى صالح الانسر لو ناوى تقعد بيها فتره هيكون الفرق مش كبير

وحقولك حاجه مهمه انت كل اما تدور كل اما تلاقى اقاويل متضاربه تخليك تروح وتيجى كتير
شوف انت عايز العربيه فى ايه وحتستخدمها فى ايه وايه اللى يهمك وايه اللى مش فارق معاك وحتلاقى نفسك وصات للحاجه اللى انت عايزها
واهم حاجه متنساش الاستخاره