الطريق من المريوطية دائرى الى توكيل هيونداى بقليوب

**elbeheri** · 19-09-2011 01:23 PM

ممكن حد يوصف لى : الطريق من المريوطية دائرى الى توكيل هيونداى بقليوب .. وياريت بالتفصيل عشان منازل الدائرى الكثيرة

**kar!m** · 19-09-2011 01:52 PM

بص يا سيدى

انت هتاخد محور المريوطية من دائرى المعادى مثلا .. هتكمل محور المريوطية لاخره ..هتلاقى يافطة مكتوب عليها (محور 26 يوليو .. و طريق الاسكندرية الزراعى) .. هتاخد يمينك .. هينزلك على الدائرى القديم (اللى هو فيه باسوس و القناطر و الوراق و المرج) .. هتكمل فى الدائرى ده على طول (فى نزلة صفط اللبن على يمينك متاخدهاش) .. هتمشى على طول .. نزلة المحور على يمينك متنزلهاش .. بعدها ب 13 كيلو .. هتلاقى نزلة اسكندرية الزراعى .. تاخد أقصى اليمين قبلها ب 500 متر عشان فيه رصيف معمول لو فاتك هتتسوح .. كده انت نزلت نزلة اسكندرية الزراعى.

أول ما تنزل هتدخل نفق .. فيه فتحتين يمين و شمال مش مكتوب عليهم أى حاجه .. هتاخد يمينك .. هيطلعك على طريق قليوب .. التوكيل هتلاقيه على شمالك . تلف له من أول يو تيرن.

بالتوفيق ان شاء الله.

**elbeheri** · 19-09-2011 02:03 PM

جزاك الله خيرا

**kar!m** · 19-09-2011 02:29 PM

جزانا و اياك :-)

**ehab_mansour** · 19-09-2011 02:40 PM

المشاركة الأصلية كتبت بواسطة kareemz

بص يا سيدى

انت هتاخد محور المريوطية من دائرى المعادى مثلا .. هتكمل محور المريوطية لاخره ..هتلاقى يافطة مكتوب عليها (محور 26 يوليو .. و طريق الاسكندرية الزراعى) .. هتاخد يمينك .. هينزلك على الدائرى القديم (اللى هو فيه باسوس و القناطر و الوراق و المرج) .. هتكمل فى الدائرى ده على طول (فى نزلة صفط اللبن على يمينك متاخدهاش) .. هتمشى على طول .. نزلة المحور على يمينك متنزلهاش .. بعدها ب 13 كيلو .. هتلاقى نزلة اسكندرية الزراعى .. تاخد أقصى اليمين قبلها ب 500 متر عشان فيه رصيف معمول لو فاتك هتتسوح .. كده انت نزلت نزلة اسكندرية الزراعى.

أول ما تنزل هتدخل نفق .. فيه فتحتين يمين و شمال مش مكتوب عليهم أى حاجه .. هتاخد يمينك .. هيطلعك على طريق قليوب .. التوكيل هتلاقيه على شمالك . تلف له من أول يو تيرن.

بالتوفيق ان شاء الله.

كلام زي الفل كله صح ولكن في النهاية وانت علي طريق اسكندرية الزراعي مافيش يوتيرن غير بعد كتير فحضرتك لما تخرج من النفق و تمشي حوالي 2 كيلو هتلاقي دوران شمال و طريق قدامك في نفس اتجاه طريقك و اللي بيفرقهم بنزينة هتكمل انت طوالي في اليمين ومش هتدخل في الدوران الشمال ووبعد شوية منها تاخد شمالك و تلف من تحت كوبري قليوب و ترجع هتلاقي التوكيل علي يمينك

**ehab_mansour** · 19-09-2011 03:56 PM

المشاركة الأصلية كتبت بواسطة elbeheri

يعنى ادخل يمين بعد 2 كيلو مدخل قليوب عشان اخد شمال من تحت كوبري قليوب

مش هتدخل يمين هتكمل في طريقك علطول هو ده مدخل قليوب و هتلاقي معظم الطريق هو اللي داخل شمال بدوران
و قبليها خليك يمين عشان متلاقيش عربية نقل أجبرتك تكمل في الطريق شمال
وبعد متدخل قليوب هتاخد شمال بعد حوالي 200 متر عشان تعدي من تحت الكوبري و تاخد طريق الرجوع
وبالتوفيق ان شاء الله