الموضوع: لمبات فيليبس رالي ولا اوسرام نايت بريكر

ياجماعه الرالى ب 95 جنيه لو ب 130 طبعا محدش يشتريها بس الواحد لازم يسأل فى كزا مكان انا لفيت يوم كامل لحد مالقيتها فى شارع دمشق ب 95 جنيه من محل المدينه

المشاركة الأصلية كتبت بواسطة funnymickey

اي لمبه طالما الواط بتاعها اعلي من 55\60 وخد بالك من الواط عشان فيه ناس بتكتب عاللمبات cp
مش واط
لازم تحتاج كتاوت عشان تديك كفاءه اضاءه وفي نفس الوقت متسيحش دراع النور

للعلم بس كل لمبات الكشافات شغالة علي كتاوت والدراع مابيتحملش تيار اللمبات لكن بيتحمل تيار تشغيل الكتاوت بس وبيكون تيار ضعيف جدا وده الهدف من وجود كتاوت في العربية وهي فبريكة بدون اي تعديلات
بالنسبة ان الكتاوت بتعلي الاضاءة فذالك مش بالظبط لان مش وظيفتها اطلاقا ولكنها وسيلة فصل ووصل تيار كبير (تيار اللمبة)عن طريق التحكم فيها بتيار صغير(تيار الزراع) ,
واللي بيكبر شدة الاضاءة عند اضافة كتاوت هو ان بيركب سلك اكبر للمبة علشان يكون فقد التيار اقل ويصل الجهد بالكامل الي اللمبة بدون فقد
ومن الممكن تغير اللمبة باخري اعلي في الوات بشرط التاكد من ان التيار للمبة اقل من تيار الكتاوت وذلك ممكن حسابه بتحويل الوات الي امبير والتاكد من ان الكتاوت الاصلي له نفس قيمة التيار للمبة او اكبر لكي يتحمل هذا التيار ومعادلة حساب التيار سهلة جدا وهي التيار = الباور بالوات / الفولت(12) يعنى لو لمبة 60 وات هايكون التيار =60/12=5 امبير لو هانغيراللمبة بأخري 110 وات هايكون التيار 110/12=9.2 امبير
لو الكتاوت بتاع العربية اكبر من 9.2 امبير اذن ممكن تركب اللمبة بدون تغيير كتاوت بدون ضرر علي الكتاوت اللي موجودة , ولكن يفضل تغير السلك بأكبر حتى لا يذيد الفقد وتستفاد بقدرة اللمبة بالكامل
يارب اكون قدرت اوصل المعلومة واي استفسار عن اي شيء يخص الكهرباء انا جاهز

المشاركة الأصلية كتبت بواسطة FunnyMickey

كلامك صح ياباشا
بس اللمبات كلها دلوقتي مكتوب عليها بيانات غلط
وبالتالي م حنقدر نعرف الامبير الحقيقي
ولا ايه

لو اللمبات اصلية بتكون الكتابة اللي عليها مظبوطة ومايقدرش يغش ويكتب رقم غلط
ولو هو كتب غلط هايكتب القدرة بزيادة عن الفعلي فده هايخليك تأمن وتجيب كتاوت اكبر فامافيش ضرر احتراق او خلافه وده الاهم
ولو نوع اي كلام ومش واثق في قيمة القدرة تبقي عايزة متخصص شويه ويجيب جهاز افوميتر ويقيس التيار علي وضع DC current ويتأكد من قيمة التيار

المشاركة الأصلية كتبت بواسطة wael_power

لو اللمبات اصلية بتكون الكتابة اللي عليها مظبوطة ومايقدرش يغش ويكتب رقم غلط
ولو هو كتب غلط هايكتب القدرة بزيادة عن الفعلي فده هايخليك تأمن وتجيب كتاوت اكبر فامافيش ضرر احتراق او خلافه وده الاهم
ولو نوع اي كلام ومش واثق في قيمة القدرة تبقي عايزة متخصص شويه ويجيب جهاز افوميتر ويقيس التيار علي وضع DC current ويتأكد من قيمة التيار

طب انا عندى لمبه h3 زى بتاعه الفوجات وهى اوسرام عاديه بس 55 وات وعندى لمبه 100 وات مكنوب عليها انها كوورى

هل لو ركبت ال 100 بدل ال 55 دراع النور حيسيح او السلك والضفيره ممكن تسيح ؟؟؟
هى العربيه موديل 2000 ومش متأكد فيها كتاوت ولالا

المشاركة الأصلية كتبت بواسطة misoalex

طب انا عندى لمبه h3 زى بتاعه الفوجات وهى اوسرام عاديه بس 55 وات وعندى لمبه 100 وات مكنوب عليها انها كوورى

هل لو ركبت ال 100 بدل ال 55 دراع النور حيسيح او السلك والضفيره ممكن تسيح ؟؟؟
هى العربيه موديل 2000 ومش متأكد فيها كتاوت ولالا

هي اكيد فيها كتاوت والدراع مابيتحملش اطلاقا هذا التيار وليس عليه ايه حمل غير حمل الكتاوت الاساسية
بس لو ركبت 100 وات الافضل ان تركب كتاوت واسلاك اكبر تتحمل هذه القدرة حفاظا علي دفيرة العربية لأنها غير مصممة لحمل هذا التيار الاكبر ولكي تصل الجهد بالكامل للمبة وتستفيد من طاقة اللمبة بالكامل بدون ان تفقد جهد في الاسلاك الاصلية