اصحاب العربيات 1000 سى سى وفيها تكييف !!!!!!!!!!!!!

**kh_talaat** · 15-05-2008 09:29 AM

الف شكر ليكم على المساهمة بجد

بس انا عايز اعرف اللى بيقول العربية بتبقى كويسة والتكييف كويس

ياترى بتبقى راكب لوحدك ولا معاك حد .... انا بيبقى معايا المدام و ولد صغير

أكيد طبعا وأنت راكب لوحدك العربية بتبقى أسرع لأن الحمولة أقل وكلما زادت الحمولة أثر ذلك على السحب بس برضه التكييف قوته متقلش في التبريد لكن تشغيله بيأثر على السحب لما تكون حمولة العربية كبيرة

اخ فولكانو ياترى فين اللى بيشحن ب 50 عشان

بالنسبة لموضوع شحن التكييف بالفريون بيختلف من عربية للتانية حسب موديل العربية ، فمثلا العربيات الحديثة بيبقى نوع الفريون بتاعها أغلى شوية عشان مبأثرش على الأوزون وصديق للبيئة

يعني أنا مثلا في الإيكو إللي كانت معايا كانت موديل 2000 وكان تكلفة شحن التكييف 120 جنية

**Yarisawy** · 15-05-2008 09:45 AM

شكرا يا استاذ خالد

طب مين ممكن يشحنوا وفين ... انا معرفش حد !!!!!!!!

**kh_talaat** · 15-05-2008 09:48 AM

طب مين ممكن يشحنوا وفين ... انا معرفش حد !!!!!!!!

لو ساكن قريب من منطقة الهرم أو فيصل أنا ممكن أوصفلك واحد كويس ومضمون

**nabil246** · 15-05-2008 10:05 AM

بالنسبة لعدد الركاب إللى حضرتك ذكرتهم لا يؤثر تاثيرا يذكر على درجة الحرارة داخل السيارة ، وذلك لأن التأثير الكبير يكون ناتج من اشعة الشمس.
شحن التكييف بالكامل من نوع فريون 12 لسيارة 1300 يتكلف 130 جنية فى المتوسط .هذه اسعار حديثة .
لكن تزويد كمية فريون ناقصة ( وليس شحن بالكامل ) يتكلف حسب الكمية . وغالبا هذا ما قصده العضو الذى قال 50 جنيه.
انصح بعمل صيانة وشحن لتكييفك وتقدر تشغله حينما تحتاجه وممكن تطفيه فى مطالع الكبارى لو اثر على سحب السيارة.

**kh_talaat** · 15-05-2008 10:08 AM

وممكن تطفيه فى مطالع الكبارى لو اثر على سحب السيارة.

صح ... أنا كنت بعمل كدة

**ehabradwan** · 15-05-2008 02:24 PM

انت منين يا فريكيكو لو من مدينة نصر يبقى عندي ليك واحد تحفة لسة فاتح جديد وبيربي زبون بس هو شاطر جدا كان شغال بقالو كام سنة في مركز تكييف كبير

**volcano12** · 15-05-2008 07:04 PM

المشاركة الأصلية كتبت بواسطة Freekiko

الف شكر ليكم على المساهمة بجد

بس انا عايز اعرف اللى بيقول العربية بتبقى كويسة والتكييف كويس

ياترى بتبقى راكب لوحدك ولا معاك حد .... انا بيبقى معايا المدام و ولد صغير

اخ فولكانو ياترى فين اللى بيشحن ب 50 عشان

اشحن تكييفك
كييف عربيتك
تكسب صحتك

على رأى احمد

وشكرا يا رجاله

أنا من اسكندريه.. مظنش حفيدك فى مكان....
السعر بتاع الشحن بيتحدد على كام انبوبه( و لا معرفش اسمها ايه) فريون حتحتجها.... و زى مالاخوه قالولك لو حتزود يبقى 50 (انبوبه واحده) لو من الصفر (اضرب فى 2 مثلا) يبقى حدود 100 على حسب المكان و الراجل و معرفتك بيه...

و لما تزود لازم تجربه يومين فى الشمس عشان لو لسه محتاج ارجعله عشان يزوده من غير ما تدفع...!!
تانى حقولك هو مش قوى أوى.. بس بيسعف فى الشمس و الرطوبه.. أكيد بيه أحسن من غيره (2 فى العربيه أنا و خطيبتى)
المشكله اللى كنت بواحهها هى السحب :( ضعيف
بس كده... ربنا يوفقك :)

**Akram** · 17-05-2008 12:46 PM

هو بيتوقف على نوع العربية ,
واحد صاحبي معاه تويوتا ستارلت 1000 سي سي و تكييفها جامد قوي و تأثيرة بسيط على الموتور ,
و فيه عربيات تانية التكييف بيأثر علي الموتور قوي أو بيكون ضعيف و مش عامل حاجة ,
يعني المقياس مش بس الـ سي سي لكن معاه نوع العربية ,
على العموم الموضوع محتاج محاولة بس المهم يكون مع واحد كويس جداً علشان ميعملش شغل مش اد كده و في الآخر تلاقي انك بتدفع فلوس على الفاضي ,
و لازم يتأكد ان كل التوصيلات سليمة و الكمبروسر تمام ,