فيه محل فى أسكندريه بيبيع دبل فضة بالأشكال دى ؟

**MaNoLa** · 20-09-2011 03:44 AM

طبعا زى مانتوا عارفين أن الأهتمام بالدبل الفضة برضة لازم عشان مش الرجاله بس إلى بتجيب هدايا دا يمكن البنات دلوقتى اكتر
فحبيت أعرف بقى محل فى أسكندريه بيبيع دبل رجالى بس متكونش تقليديه
يعنى بصراحه قبل كدة شوفت كذا محل و كلهم تقليدى جدا جدا جدا و روتينى جدا
حسيت أننا من قرون قديمه و مفيش تطور

فهل يا ترى يا هلترى فيه محل متطور شوية ؟

و دى شوية نماذج كدة عن إلى شوفتهم على النت

**M.Alaa92** · 20-09-2011 04:41 AM

خدى لفة ف سان و سيتى سنتر الفضيات هناك تحفة
بس الاحسن دلوقتى الخواتم الاستانلس :)

**wallace** · 20-09-2011 06:08 AM

دي دبل فضة ولا تيتنيوم ؟

بص بخصوص الدبل الفضة هتلاقي كتير في محلات متخصصة وفي بعض محلات الدهب بيبيعوا فضة كمان

لكن الدبل التيتينيوم (معظمها اشكالها تحفة) دي ملقتلهاش محل في مصر لكن موجودة بالخارج وتقدر تشتريها من مواقع متخصصة والمهم بس تكون عارف مقاس صباعك وهتشتريها بفيزا إنترنت عادي جداً وببتشحن بريد مصري أو من أي شركة شحن

**MohssenRashed** · 20-09-2011 10:31 AM

بعد لف و دوران هتلاقي في الاماكن دي:

1- Iwatch اللي في كارفورو عندو دبل فضه و استنلس نفس الاشكال دي.
2- في ستاند بتاع فضه و استنلس في كارفور قدام سوني ( انا جايب من عنده).
3- ESPRIT كارفورو بس غالي شويه 300 و طالع

**amrrashed** · 20-09-2011 10:43 AM

في كارفور الصحراوي القاهرة في ستاندات فيها دبل وشبه دي

**kareemafifi** · 20-09-2011 12:34 PM

بصي يا ستي :
اولا i watch اللي في كارفور البوابة التالتة حرامي و اشكال استغفر الله العظيم
فيه واحد في مدخل بيتزا كينج شارع المعسكر الروماني بيبيعهم بس مش شبه دول اوي ( استانلس )
دول برة مصر مفيش هنا حد بيبعهم عشان نوعين تيتانيوم و تنجستن ديه انواع مواد بيصنعوا منها الخواتم و الدبل ديه مميزاتها انها بتعيش فترة كبيرة من غير خربشة او كسر او كده و ديه اغلي من الفضة طبعا ، و فيه سايتات برة في امريكا بتبعها غالية و فيه بتباعو سعرهم معقول ،
تقومي حضرتك طابعة من اي برينتر عندك ورقة المقاسات ( size chart ) و ديه موجود في موقع بيع الخواتم و تقيسي عليه الخاتم او الدبلة و تطلبي اللي انتي عايزاه
* سعرهم المعقول برة حوالي 20 دولار ، الغالي منهم ب 300 و يعدي 1000 دولار كمان

ارجو تقبل مروري.