احساسي ان الكلام كان ماشي في اتجاه ان العفشة بتاعة السيراتو مميزة زي الفيراري ...احنا بنهرج ياعم و شكلي حاجيب يا سيراتو يا كارينز قريب علي فكرة
عرض للطباعة
احساسي ان الكلام كان ماشي في اتجاه ان العفشة بتاعة السيراتو مميزة زي الفيراري ...احنا بنهرج ياعم و شكلي حاجيب يا سيراتو يا كارينز قريب علي فكرة
هههههههههههه الموضوع دخل تاااااااانى فى كورى و يابانى والمانى
مفيش فايدة ... شعبنا دماغة كدة !
انا بظلمش عربية انا عامل موضوع فى قسم الهوندا على اللانسر ومتهيألى دية يابانى ومطلع فيها عيوب الدنيا والحمد لله ملاكها واللى جربوها محدش فيهم قال حاجة
وعموما بردة السيفيك مش خالية من العيوب وفيها عيوب واقولهالك لو عايز
1- موضوع الانخفاض دة مش عيب العربية دة عيب البلد مش هقدر اقول علية عيب لكن الكلمة الاصح لاتناسب طبيعة شوارع البلد
2- عفشتها بردة ناشفة بس مش سيراتو يعنى
3- سعرها مبالغ فية جدا وخصوصا ال vti
4- السيارة غير مريحة فى الكنبة الخلفية وضيقة شوية
5- فراملها مش بالقوة الكافية + فيها عيب ضعف خفيف فى الكهرباء اثناء تشغيل التكييف ولما بيفصل ويشتغل
6- وبردة عشان تبقوا عارفين خاماتها لاترقى ابدا الى خامات الموديلات السابقة وخصوصا من 92 الى 2000
معلش انتوا بس المشكلة انكوا متعصبين اوى لموضوع الكيا مش عارف لية , خدوا الموضوع ببساطة شوية مش كدة دية عربيات فى الاول وفى الاخر وانا قولت التجربة بكل ثقة وقولتلكوا كمان عيوب السيفيك مش موضوع انخفاض وبس لأ انا قولتلكوا اللى اغلبكوا مايعرفوش
ياباشا هو انت شايف غير كدة ولا انا بتحامل على العربية لو انت شايف ان العربية خاماتها ممتازة يبقى ربنا يحليها فى عينك كمان وكمان ويباركلك فيها , دية حرية شخصية وانا قولت اللى انا شايفة
طيب تمام ماحنا كلنا عارفين ان المحرك دة مابينزلش غير فى مصر وشرق اسيا
عموما ياباشا عشان تبقى عارف حاجة يمكن كتير مايعرفهاش ان السيفيك يابانى كقطع غيار وتقفيل واللى يقولك غير كدة يبقى مايعرفش حاجة بس كل جلد العربية + القواعد انتاج تايلاندى غير كدة مافيش
وبالنسبة للسيفيك فهية محركها 1800 سى سى فقط لاغير بقوة 138 حصان بالظبط
اما ال2000 سى سى فدة بينزل فى السيفيك الكوبية وسيدان او ماتسمى بال si ودية قوتها 197 حصان وشكلها مختلف تماما
عموما مافيش سيفيك تركى ابدا واللى قالك كدة يبقى مايعرفش حاجة حتى لو التوكيل معلش السيفيك كلها وارد اليابان , السيتى اللى اقولك اة ببتقفل خارج اليابان لكن السيفيك لايمكن
عموما دة رأيى ومهما قولتوا وعملتوا دية تجربة وانا بحكيها وبشوفها لحد وقتنا هذا بعد 18000 الف كيلو بالعربية
ومعلش كلمة اخيرة ياريت ياملاك الكيا يبقى عندكوا روح تتقبلوا نقض السيارة اكتر من كدة لان حتى الفيرارى فيها عيوب لان الكمال لله وحدة وعمرك ماهتلاقى حاجة كاملة فى الكون مهما عملت دية فى الاول وفى الاخر عربية وعربية كورى سعرها لايتعدى ال125 الف جنية وفيها اوبشن قد كدة متخيل تبقى راكب عربية عاملة ازاى هل هتبقى بالكفاءة اللى انت متخيلها كان كلة جابها وساب بقى البى ام والمرسيدس
بغض النظر عن الكلام اللي أنا مختلف فيه مع أصحابه و معنديش استعداد لمناقشته زي إن العفشة الناشفة دايماً معناها ثبات أعلى و إن البي إم تطيح بأي مرسيدس أرضاً ما عدا في العفشة.
أنا هقول كلام أريح بيه ضميري و اللي يزعل يزعل (اعذروني)
العربية فعلاً عفشتها ناشفة بالذات بالجنط الـ17 و حسيت بيها و أنا قاعد قدام مش بس ورا في Test drive السنة اللي فاتت
العفشة الناشفة بتقلل الـ Roll motion في الملفات بس في اعوجاج الأسفلت و المطالع و المنازل بتزود قوي الـ Pitch motion و بيبقى فيها تنطيط غريب
الخامات السيئة ممكن نخليها تقتصر على الفئة الأولى لأني كنت بتكلم مع واحد زميلي في المركز وبقوله ايه التابلوه ده ..رد عليا و قاللي "بلاستيك شفاشق (تييييييت)"... والله ده حصل!!!
الصالون جميل و مريح بجد وسواء قاعد ورا أو قدام هتقعد مرتاح (ما عدا الفئة الأولى اللي مافيهاش مخدع أمامي)
التكييف أكثر من رائع و جالي برد قبل كده بسسبه و دي مش مبالغة
أداء علي و محرك قوي
صاج سئ جداً
أمان ...... أمان يالالاللي!!!!
قطع غيار (أصلية) متوفرة في السوق عادي جداً... وكيل بيعرف يوفر احتياجات الصيانة
و بالنسبة لمشكلة البلالين كان للعبد الفقير إلى الله اقتراح في مشاركة قديمة
العربية حلوة و كويسة لكن مش هترضي كل اللي راكبينها و مش معنى ان في واحد أو أكثر "طهقان" منها يبقى نقنعه بالعافية انها حلوة و نسفه من رأيه .... نختلف معاه مفيش مشكله
و الله أعلم
في رعاية الله
طيب السيراتو عفشتها ناشفه زى 523 bmw بالظبط
بس الفرق ان مع ال bm
مفيت تنطيط و لا عومان بعد 160 و لا وضعيه خلوس مش مريحه
انا امتلكت الاتنين و عارف انا بقول ايه
ها ال bmw وحشه برضو الا ايه
انا عايزافهم احنا عايزين ايه من عربيه بالسعر ده اكتر من كده ياعنى ثبات معقول كمليات تكيف شكل حلو ماتور محترم و خلاص
اسواء حاجه بس فى السيراتو عوامل الامان غير كده ممتازه
واضح ان نشوفية العفشة دا صفة مشتركة في عربيات كيا عموما ماعدا الكارينز ، يعني السيراتو و الريو و البيكانتو عفشتهم ناشفة و متعبة و خصوصا مع شوارع مصر الهايلة لكن دي فعلا تعتبر ميزة و عيب في نفس الوقت و ليها حلول
انا شايف ان خلاصة الموضوع ان كل واحد بيشترى على قد مقدرتة مش شارى السيراتو وسايب السيفيك لانة فضلها على السيفيك ونفس الكلام فى المرسيدس والبى ام اللى مفيش مقارنة بينهم وبين السيراتو فى شىء يذكر واظن ان العربية كانت نازلة بسعر مناسب واوبشن كتير ودة بيجذب كثير من الناس للشراء بخلاف الشكل
الاهم فى الموضوع : لما يكون احد الاعضاء بيشتكى من مشكلة مش معناها انة بيقلل من عربية حد ولا بينصح حد انة ميشتريهاش والله دة ملكية شخصية وهو حر يكتب اللى حاسة من خلال تجربتة باسلوب منطقى اللى انا شايفة فى الموضوع هنا ان مفيش تقبل للراى الاخر وبيتم تسفية للراى واتهامات بعدم الخبرة ودايما العربية على حق يا جماعة مش بالاسلوب دة حد حيقتنع وحيروح نازل راكب العربية بتاعتة ويقول لا كدة الحمدلله وارد جدااا انة يقابلة مشكلة حتى لو معاة سوبارو ويشتكى من مشاكل مش من مشكلة يبقى الرد وقتها مش اتهامة لا بالتوضيح ولو هو مش مقتنع بالحل يبقى قدامة حلول اخرى تناسبة غير ما تم عرضها علية لاكن مش بالاسلوب دة اوانا استغربت فعلا ان فى ناس لحد دلوقت مش بتتقبل راى مخالف لرايهم وبتتهم الاخرين وبتقلل من كلامهم فى السيارة الموضوع مش مستاهل كل دة ....