ابتدي بنفسي
عفشه زباله
عرض للطباعة
ابتدي بنفسي
عفشه زباله
بعد اذن حضرتك
انا مش من ملاك السيراتو ولا بفكر اشتريها بس موضوع عدم الرضا على اداء السيارة ده موضوع نسبى يعنى ممكن حضرتك كنت راكب عربية نظام العفشة فيها احسن من السيراتو لكن بالنسبة لواحد كان راكب عربية اقل تكون عفشة السيراتو ولا اروع وعشان كده يا ريت حضرتك توضح مثلا فئة عربيتك وممكن حضرتك شايف انها وحشة بالنسبة لعربية تانية زى ايه مثلا
عشان بس الانتقاد المطلق لاى عربية بيخلى الموضوع يبعد عن محاولة ايجاد علاج للمشكلة الى حرب بين طرفين بين مؤيد ومعارض
تقبل مرورى
انا معايا سيراتو جنط 16 وخليجي مافيش فرق بينها وبين الهاي لاين غير الجنط وال سمارت كي
وكل شء موجود
الخامات مش اد كده بس اقول مقبوله
المشكله العفشه ثم العفشه وانا مش من هوات اللعب في العربييات
كنت راكب لانسر شتان
زميلي معاه اسكوده لما بركب معاه بكره نفسي
لما بركب تاكسي لانوس بقول ارحم
بنزل من العربيه حالتي النفسيه سيئه ممكن واحد يقول مش للدرجه >بالنسبه ليا شئ مهم<
والحاله ماشيه كنت غيرت من بكره لكن لازم استحمل
مفيش عربية كاملة من كلة ... حاول تتعايش بجد مش كدة متكرهش نفسك فيها .....
طب متبيعها وتركب حاجة تانيا متزهقكش نفسك يعنى
لوجان - فيرنا - اكسنت اربي - لانسر
اختيارات كتير
المهم متكرهناش احنا فى عربيااتنا
انا عن نفسي راضى عنها جدا وشايفا صفقة مربحة بالنسبة لعربية ب 120 الف
مش من ملاكها .. بس احب اضحككم
زميلي كان معاه الاكسنت 2010 و واحد من ولاده الاتنين كان بيرجع اللي فبطنه لم يسوق صاحبي عالدائري بسرعة شوية
باعها و جاب سيراتو ... الاتنين بيرجعو.. ههههههههههه
اعتقد قبل ما تشتريها كنت عارف العيب ده ومع ذلك جبتها
السؤال ...ليه ؟
اجابتك عن السؤال هتكون اجابة اغلب الاعضاء
عيوب مقابل ايه مميزات
بيعها وريح دماغك
الحكاية ومافيها اساسا راحة نفسية مش أكتر
ياجماعه هى عفشه الكارينز فيها نفس عيوب عفشه السيراتوا؟؟؟؟؟؟؟
انا كمان هرجع ركبوا ليها جنط 14 ولا 15 وارتاحوا من العفشه وقطم الظهر
باشا مش القصد ...
انا راكبها و جابت كبالن و اسكترا و مساعد و جنوط اتعوجت و انا بسوق عليها و بحسس و بتفادي المطبات ولا كاني بلعب بلاي ستيشن ...
و الي بيركب ورا بيقعد يتنطتت .. ولا طلعات الكباري و نزلتها بتقعد تقول معلش اسف يجماعة كل شوية ...
بس نعمل ايه مخلاص الفاس وقعت في الراس و قببل ما نجيب كنا عارفين برضك ... بس هيا احسن من الي موجود بالنسبة للسعر و الشكل و اللمميزات ...
باشا لو مش هتبيعها بيع الجنط ال16 و هات 4 جنوط حديد 15 مع كواتش bridgestone turanza ان شاء الله هيكون في فرق
بيع العربية او انزل بالجنط درجة (مفيش حل تاني للأسف)
اسمها سيراتو
العربيه زى الفل لو جبت اى عربيه وحطيت جنط 16 ولا 17 ظهرك هيتقطم ومش هتحس بالراحه
السلام عليكم
انا زهقان بردوا من العربيه بس بسبب مختلف
العربيه دى وخده عيييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي يييييييييين
كبييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييييره
اخر 90 حاجه.و مش كده بس لا دى كمان مطمع جامد للحراميه عشان منتشره
عمرى ما شفت سيراتو ماشيه سليمه ,لازم الاقى فيها خبطه تريحه,حاجه من الحجات دى ,خرابيش و اللذى منه.
و حاجه كمان
العربيه دى بمزاج
فى الصيف مثلا بالليل لما تكون الدنيا طراوه و الغزاله رايقه اتفرج يا عم على النعومه و العفشه الطريه و الثبات و بتحسسنى انى راكب فيرارى هههههههههه جنط 17 هاى لاين و ضغط 32 نيتروجين .و مش انا لوحدى اللى لاحظت كده لا كمان الناس اللى ركبو معايا.و الله العظيم بجد و مش بهزر و لا ببالغ .و مره فى مشوار و انا رايح ناشفه و زفت و انا راجع ملبن ههههههههه.و الله بحس انى راكب عربيه تانيه و بحس انى مركب جنوط 13 او 15 و طاسات لانها بتبقى طريه جدا بجد زى عربية صحبى الانسر الطاسات و يمكن احسن و الله اعلم.
و اوقات تانيه فى النهار و ممكن يكون تانى يوم مثلا الاقى العكس هههههههههه سبحان الله .
و سعات الاقيها عاوز تطير من على الارض و بتجرى و سعات بحس انها بطه بلدى ,و اللى يغيظك انها بتبقى نفس الظروف ممكن فى يوم واحد و ممكن فى يوم اه و يوم لا هههههههههه
لو حد عنده تفسير يتصل على 09000900087654321
و لو حد جاوب صح يبقى يقابلنى .
سبحان الله.
هو تقريبا الموضوع ليه علاقة بدرجة الحراره و نقطة الندى و الرطوبه النسبيه.و الله اعلم ,لان المساعد غاز و يمكن الحجات دى بتاثر فيه .
مالقوش عيب في الورد قالوا احمر الخدين,,,,,,,,, دا تعليقي.
الي بيفرق فعلا في موضوع نعومية العفشه هي العربيه الي كنت راكبها قبل السيراتو.
انا معايا النترا ولما بسوق عربية صاحبي السيراتو بالجنط ال17 بنزل منها ضهري واجعني وجسمي كله واجعني.
بس في الاول والاخر الطريق هو الي بيحكم, لو الطريق محترم مش هتحس بالعفشه الناشفه.
انما غير كده عربيه محترمه وماشفتش فيها عيوب تذكر.
ربنا يباركلكم فيها
انا عايز اضيف نقطه صغيره
جميع الطرق والشوارع في القاهره وضواحيها ومصر بصفه عامه لاتصلح للعربيات
مفيش شارع ولا طريق الا مايكون مكسر او في نقر ومطبات
ولا مطلع او منزل كوبري او فواصل الكباري تلا قيها مفتحه ومكسره
وحتي لو في حفر سابق في الاسفلت لتوصيل غاز او كهربا مثلا بتم معالجه الحفر بطريقه معفنه
يتم لحام الاسفلت وكانه بيعمل مطب غاطس او مطب بارز
بامانه
العيب مش في العربيات العيب في الطرق بتاعتنا
على اساس انوا عيب سواق مش عيب شوارع ولا بلد ... ياراجل قول كلام تاني .. تلاقيك سايقها و طالع بوزها و انتا مش فارقة معاك تتكت في بوش في الطارة الجنط معوج في دردرة ...
عادي ناس كتير مش بتفرق معاها الي بيكتشف العيوب ده بيبقى الركيب .... و مع احترامي الكامل لحضرتك
داخل علي سنه و راضي بيها و بحبها لان مفيش عربيه كامله
انا كان معايا بومة و حاليا معايا ميجان و بسوق باستمرار سيراتو بتاعة خالى و فعلا العفشة ناشفة جدا و من انشف العربيات يعنى لما بركب فيرنا بتاعة عمى او حتى تاكسى شاهين او بيجو قديم او لانوس اريح بكتير
فى السفر كارثة بقا العربية بتقعد تنط و مش مريحة للراكب الخلفى و الامامى الكراسى ناشفة اوى
أنا معايا نيو أكسنت و ركبت النيو سيراتو و فعلا فى عامل مشترك أن العفشة ناشفة شوية و دة أنا شايفة ميزة مش عيب ,,,ميزة فى الثبات و فى المواقف المفاجئة...مرة كان فيه هبوط فى الطريق و كنت راكب نيو سيراتو على سرعة عالية و خدت الهبوط دة و العربية بسبب أن عفشتها ناشفة ..تحت العربية مالمسش ألأسفلت و لو عربية من زوات العفشة الناعمه كانت اتشلفطتت من تحت لأنها هاترد فى ألأسفلت لما العربية تترزع فى الهبوط و دة اللى ماحصلش فى النيو سيراتو ولا هايحصل فى النيو أكسنت بسبب "ميزة" العفشة الناشفة
مبدأيا اسف لو طريقة كلامي مش عاجبه حضرتك .. لكن انا شايف مفيهاش حاجة تدل اني بقول انك مش بتعرف تسوق و اني ميكل شوماخر الي مقطع السمكة و ديلها ...
انا بقول انوا الاغلبية العظمة مش بتفرق معاها ... و طلاما بيحط المفتاح و تدور و يدوس بانزين يبقى العربية فله شمعة منورة و لما تقف يبقى باظت ... لكن تتهز تتنط تطير مش فارقة ...
و اكيد انا مش غلطان في النقطة ديه ...
مفيش داعى للاسف
بس لعلمك انا بركب عربيات من اكتر من 13 سنة والحمد لله فاهم كويس يعنى ايه عربية
والزاى احافظ عليها واخر عربيتين كانو جولف96 امريكي 1800 سي سي -170 حصان ستوك فابريكا برا وجوا وبعتها على كده بردو الحمد لله
ورينو رينبو بعتها وكان ماتورها ماشى 280 الف كم تقريبا والعربية كانت بحالتها
اللى بيركب ويمشى ويدوس وملوش دعوة بحاجة ده حاجة من اتنين
الاولانى معلوماته ضعيفة او العربية بالنسباله لو عطلت هيرميها وياخد تاكس او مش هيفتح كبوتها لغايط متقف
التانى انه مش تعبان ف الفلوس اللى جايب بيها عربيته
والحمد لله انا مش منهم انا لو فيه تكه ممكن مسافرش لغايط معرف دى من ايه
ولو العرببية اتحكت منى بتعب نفسيا
بص ياسيدى الفاضل فيه كزا حل لحوار نشوفيه العفشة دى ممكن تجرب بقا لو فاضى ومستعد تتنازل عن شىء مقابل شىء
حوار المساعدين اليبانى دى انا معرفتش حد عملهم بس ناس ف المنتدى هنا اتكلمو عليه
تانى واحد
الديفرنز الخلفى للسيراتو على كلام عفشجى هوا هوا بالملى بتاع الالنترا 2010 والشكل ده كله ممكن تجيب واحد استيراد بمساعدينو وتعايش مع الملبن وضحى بثباتك
والعفشجى ده موجود عند مرور البساتين واللى قالى عليه محمد مصطفى هنا زميلنا فى المنتدى لو تعرفو
فبدل متكره العربية اوى كده وتبيع وتخسر عشرة ولا عشرين الف ممكن تقابل العفشجى ده وتحاول تجرب عربية من اللى عدلهم وتشوفها وتشوف الحوار هيتكلف كام اعتقد مش هيعدى 2000 او 3 بالكتير بمصنعيته