انهارده روحت السبع عشان كان عندي مشكله في التكيف و هي انه على الطوالي و بالذات في الحر بيعمل تلج على ماسورة الضغط الواطي و السربنتينه الي جوه لدرجة ساعات الهوايه بتطلع حتت تلج في وشي و طبعا لما التلج يقفل السربنتينه الهواء بيقل المهم روحت اكشف عليه على الجهاز و كلمت صاحبي و حبيبي مهندس محمد عبد المنعم و هو خلاني اشوف ازاي التكيف بيتشحن على الجهاز من اول قياس الضغوط و بعدين بيعملوا recover و يقيسوا كان في الدائره كام كيلو فريون و الحمد لله الجهاز عمل recover لنفس رقم الفريون الي حطناه المره الي فاتت و بعدين vacuum و ده لسحب اي هوا في دائرة التكيف و ضمان انها فاضيه و بعد ما يخلص يبصوا على مؤشر الفاكيوم و المفروض انه ميتحركش عن -30 لو اتحرك يبقى فيه تسريب و الحمد لله متحركش المهم شحنا التكيف و برضه عمل تلج افتكرنا انه expansion valve بس قولنا نفكر الاول و اكتشفنا في الاخر بعد تجارب دامت لمده 7 ساعات و كمان دخل معانا مهندس خالد و مهندس محمد عمر و مهندس محمد عبد المنعم ان الترموستات مبيفصلش خالص و عشان كده كمان التكيف مكنش بيشتغل حلو اوي و يفصل الا بليل الصبح لأ و موضوع التلج ده مكنش بيحصل غير الصبح و الحمد لله المشكله اتحلت