اذيك ياباشا
الموضوع مش موضوع سن ... مش قاعدة يعنى ... وبرضة السن الصغير = سلملى على سطحية تفكير البنات ! ونادرا لما تلاقى واحدة اوائل عشرينات و فاهمة يعنى اية استقرار وبيت
عرض للطباعة
ربنا يعملك الصالح
ashouhdy باشا حبيب قلبى ....
طبعآ حضرتك عندك حق بس أنا شفت تجارب كتير فاشلة ....
لما يكون فرق السن بسيط ما بين الراجل والست ....
بيبقوا فوق روس بعض وبيتخانقوا كتير أوى ....
البنت بعد ال 25 سنة بيبقى ليها طباع معينة مستحيل أى راجل يغيرها ....
أنا فى رأيى أنة كل ما يكون سن البنت أصغر كل ما يكون التعامل معاها أسهل ....
دة غير أنى سمعت من دكتور قبل كدة أن البنت بعد ال 27 بتبقى كبيرة (طبيآ) ودة بيقلل فرص الحمل ....
صاحب الموضوع بيقول أنة جواز صالونات لكن لو كان قائم على حب كان هيبقى فى كلام تانى ....
وبعدين هو لسة صغير يقدر يتجوز بنت أصغر من كدة بكتير ....
ومادام هو متردد يبقى بلاااااااااااش أحسن ....
التردد لما بيدخل فى المواضيع دى ....
لازم بتبوظ ....
ههههههههههههههههه ياعم ههههههههههههه وقفت حال البنت ! ياعم مش كدة ههههههههه
مشكله السن دى مش مشكله كبيره
وكمان متنساش انك اكبر منها
فرق السن البسيط هيخلى العقليه قريبه
بس المهم البنت نفسها وعقليتها والاهم اهلها
مع اني مش بحب حد يتكلم في موضوع السن بس هي مش صغيره
30 سنه يعني يادوب عبال متتجوز وتجيب عيل هتبقي دخلت علي 35 يعني كلها كام سنه وشكرا
بص حضرتك
1- لو فيه حب...تنتفى كل القواعد
2-مافيش حب..يبقى لازم العقل يكون مقتنع..يعنى تكون مناسبه دينآ وشكلآ وسنآ
3-لازم ولابد تكون انت واهلك مقتنعون تماما بها وبأهلها...لان دول هايبقوا اسرتك التانيه
4-موضوع السن ليس له قاعده ولو ان الفارق يفضل ان يزيد عن 5 سنين..وده هايفرق جدا لما حضرتك توصل 40 وتبقى فى عزك بينما هى بتسلم نمر
5-زى ما قالك زميل هنا..طالما انت مش متحمس لها ومتردد..يبقى ربنا يوفقها مع غيرك
لا حول ولا قوة الا بالله
ياجماعة اتقوا الله ... ربنا هو الواهب والعاطى و هو الأخذ
يعنى البنت عشان نصيبها لسة مجاش تدفن نفسها بالحيا يعنى
والله العظيم ذعلت ان تفكيرنا بقى كدة ...