متردد في الزواج

**memoo305** · 20-09-2011 08:05 PM

منذعدة أشهر مرت بتجرية خطوبة فاشلة. المهم من اسبوعان اتعرفت على بنت في زواج صالونات واتكلمنا مع بعض مرتين .
احساسي ناحية البنت عادي مش اعجاب أوي . والبنت أنا شايف منها قبول.
اناعندي 32 وهي عندها 30 . وطبعاسنها مش عاجب الأهل. وده مخليني متردد في الدخول بالموضوع بجد. .وكمان لأني ما قايلتش اهلها وماعرفش عنهم أي حاجة
أعمل ايه لاني صليت استخارة . ومتردد جدا

**أحمد كمال** · 20-09-2011 08:11 PM

فكك من السن ........ فيما عدا السن اخبارها ايه؟

و الاهم من اي حاجة - بعد الدين و ده مش محتاج كلام اساسا - حاسسها طيعة و لينة و لا شخصيتي و استقلالي و قراري و لازم تاخد رأيي ولازم تقنعني و الحوارات الفاكسة اللي بتخرب البيوت دي؟

**ashouhdy** · 20-09-2011 08:16 PM

اذاى متعرفش الأهل ؟؟

الاهل = البنت = جواز

**party_0000** · 20-09-2011 08:28 PM

الاهل ثم الاهل ثم الاهل وطبعا الدين قبل كل شي هوا ده الفيصل للحكم والجواز الناجح ان شاء الله مش السن والكلام ده

**Ghosts** · 20-09-2011 08:29 PM

أوعى تفكك من السن ....
لما يكون عندك 32 سنة تقدر تتجوز بنت فى أوائل العشرينات ....
لكن لما يكون فرق السن بينك وبينها صغير دة لة سلبيات كتيييييييييير أوى ....

**ashouhdy** · 20-09-2011 08:31 PM

المشاركة الأصلية كتبت بواسطة memoo305

لمعرفة الأهل لابد من زيارة منزلية وده أنا لسا ما عملتوش

طالما التعارف تم عن طريق صالونات يبقى فى مقدرة تعرف كل حاجة عن اهلها ... وبناء عن المعرفة دى تقدر تحدد طريقك فى انك تنزل تتعرف عليها ام لا

لأن ممكن جدا تتعرف عليها وترتبط عاطفيا وبعدين تقابل الاهل ومتظبتش والموضوع ميكملش وتدايق اكتر

**r0xer** · 20-09-2011 08:36 PM

راجل جديد وضحية جديدة للجواز من المصريات :(

إن لله وان اليه راجعون :(

خدلك بصة في الاجتماعي و هتعرف ان 99% من اعضاء المنتدى المتجوزين كارهين نفسهم :(

**أحمد كمال** · 20-09-2011 08:38 PM

المشاركة الأصلية كتبت بواسطة memoo305

لغاية دلوقت أنا مش شايف شخصييةمستقلة والحاجة دية. لعلمك في المرتين الي شفتهل فيهم كانت بتيجي مع اخوها الكبير. بتتكسف شوية &مش هادية قوي & مخنوقة من مديرتها في الشغل & بتحب اخواتها & مش مع الي بيحصل اليومين دول في الثورة & صريحة.... ده الي فاكرة

فر منها فرارك من المجذوم ....... لو عملت لها كباية شاي بمعلقة سكر زيادة ممكن تهب في وشك .......

المشاركة الأصلية كتبت بواسطة r0xer

راجل جديد وضحية جديدة للجواز من المصريات :(

إن لله وان اليه راجعون :(

خدلك بصة في الاجتماعي و هتعرف ان 99% من اعضاء المنتدى المتجوزين كارهين نفسهم :(

انا لله و انا اليه راجعون قلت اللي في نفسي بس انا ما رضيتش اسد نفسه

-

-

الموضوع: متردد في الزواج

LinkBack

أدوات الموضوع

عرض

متردد في الزواج - انشر الموضوع فى :

-

-

-

-

-

المواضيع المتشابهه

محتار و متردد

النتائج المترتبة على الزواج الثاني ردا على موضوع منافع الزواج الثاني

متردد...اشتري ال byd ولا لا؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة