مخنوق اوي
A.Yakout
رقم العضوية : 83058
تاريخ التسجيل : 07Dec2010
المشاركات : 185
النوع : ذكر
الاقامة : cario
السيارة: honda civic.....isa
السيارة[2]: lancia dedra
دراجة بخارية: no
الحالة :
لو حاسس انك مش مبسوط اعمل اللى تحت ده و شوف النتيجةاشتري علبة شوكولاتة مستوردة غالية و كلها.
...
بص على بنت حلوة و إعرف أنها لو عرفتك كويس أكيد هتحبك.
إلعب لعبة مالعبتهاش من و إنت صغير.
إعرق و إنهج و حس إنك عايش.
إطفي نور أودتك شغل التكييف إسمع أكثر مزيكا بتحبها و إسرح معاها.
بص لأهلك و عرفهم قد إيه بتحبهم.
بص للي تحتك و إعرف قيمة كل حاجة معاك.
بص للي فوقيك و إعرف إن رغبتك إنك تبقى زيهم هي اللي مدية طعم لحياتك.
إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك..
روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..
في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.
إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.
إعرف إنك كائن مهم و في كل لحظة بتغير إتجاه التاريخ.
بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”
سلم على واحد صاحبك و خدوا بالحضن.. و زود مدة الحضن ثانية زيادة.. هتقوله حاجات كثير.. – بس إتأكد إن نيته مش وسخة و إنه عارف إنك “مستقيم” –
بص لبنت مغرورة و إضحك من جواك.
بص لبنت وحشة و عاكسها بنظراتك و إعرف إنها هترجع البيت مبسوطة.
بدون سبب إبعت رسالة لأي حد بتحبه قوله حاجة حلوة.
إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.
إضربها جزمة.
خلى اللي يكره يكره و اللي يشتم يشتم وإعرف إنهم مضيعين وقتهم.
إتأكد إنك لو عارف إنك هتموت بكرة هتعمل نفس اللي بتعمله دلوقتي.
حب جامد قوي حتى لو حبك مش هيستمر لحد بليل.
كل أكلة حلوة قوي.. بس ماتخليهاش تشبعك.
إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.
ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.
بطل خمرة و مخدرات.. و إتعلم إزاي تستمتع بحتى أوحش الحاجات حوليك.
أكسب نفسك و حب حد بيكرهك.
إكسب نفسك ثاني و حب حد بتكرهه.
إكسب نفسك ثاني و إنسى حد لسه بتحبه من غير ما تكرهه.
إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك.
إنزل شجع مع الزملكاوية لما يكسبوا.. حتى لو إنت مش زملكاوي.
إقرا الكلام ده من غير ماتعلق عليه و لو مش عاجبك بطل قراية.
شوف فيلم الكيف و ماتتفرجش على آخر ربع ساعة فيه.
إتفرج على الناظر من أول ما بيظهر محمد سعد.
لما تقابل واحد مش فاكر إسمه و مش بتسلم عليه عادة خده بالحضن و قوله واحشني جدا يا معلم..
إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.
جرب أكلة جديدة في مطعم فخم.. ثمنها يخرب بيتك.. و روح و إنت مبسوط.
شد مع عربية سيات.
إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.
إشتري ورد لواحدة تعرفها عادي.. و قولها أصلك زي أختي و بعزك قوي.. هتتجنن.
إرقص حتى لو في أودتك و إنت قافلها بالمفتاح.. ممكن تغني كمان و إنت ماسك الفرشة على إنها ميكروفون.
إفتكر قبل ما تنام كل الكلام الحلو اللي سمعت الناس بتقوله عنك.
كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.
كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا.
شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.
فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب.
سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.
إستحمى في نص ساعة.. خلى المية تنزل على وشك و إسمع صوتها كويس.
جيب لنفسك هدية و إستنى لحد عيد ميلادك و إديها لنفسك.
جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.
إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.
إشرب مية كثير.
ماتغضبش مهما حصل.
أشكر كل الناس بسبب و من غير سبب.
لو حد إتريق عليك إضحك.. حتى لو من جواك بتضحك عليه.
لو حد شتمك حط ده في تانك البنزين بتاعك علشان يبقى طاقة تحركك لقدام.
لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.
لو لقيت نفسك لوحدك شوية ده معناه إنك فريد و نادر من نوعك.. و مين في الدنيا يقول إن نوعك غلط أو وحش.. بس إنت تقدر تتأكد إن ده النوع المناسب ليك.. و إتبسط بيه.. و لو نفسك تغيره غيره.. مافيش حاجة بتلزق حتى إسمك و دينك.
بص لإمبارح.. و شوف إتعلمت منه قد إيه..
خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحدش في الدنيا يقدر يعرف إيه اللي هيحصل فيها..
إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح..
إسمع أغنية مدحت صالح وانا ويايا بعيش زي المليونيرات و شوفها على اليو تيوب و إضحك منها أو عليها.. بس في الحالتين هتضحك.
لما حد يحكيلك حاجة مملة علشان يبين مواهبه في الحياة إعمل نفسك متهم آخر حاجة و لما يخلص إعمل نفسك منبهر آخر حاجة برضه.. و كمان إسأله عن تكملة الحكاية.. بس ماتعملش كده كثير.. مرة كل فين و فين..
إفتكر أيام لما كنت بتصحى بدري علشان المدرسة.. و لما كنت بتذاكر فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.
إتبسط.. و لو مش عايز تتبسط.. مش هتعرف تعكنن عليا.
رقم العضوية : 19019
تاريخ التسجيل : 15Sep2008
المشاركات : 3,697
النوع : ذكر
الاقامة : Assiut
السيارة: Peugeot 504 Mo.79 GR
السيارة[2]: Skoda Octavia 2013 M/T
دراجة بخارية: ...
الحالة :
رقم العضوية : 110509
تاريخ التسجيل : 15Aug2011
المشاركات : 201
النوع : ذكر
الاقامة : Egypt
السيارة: --
السيارة[2]: -
دراجة بخارية: لا يوجد
الحالة :
فيديو جميلة ..
ربنا يدخل السعادة والرضا في قلوبنا
رقم العضوية : 105559
تاريخ التسجيل : 28Jun2011
المشاركات : 867
النوع : ذكر
الاقامة : Middle East
السيارة: Car # 2
السيارة[2]: Car # 1
الحالة :
انت جامد
انا بعمل كدا كتير اوي و ببقى عايز اضحك على نفسي و انا في نص الشارعإنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.
People who worship money are very easy to spot, their favourite colour is green
[shr71=http://i55.tinypic.com/15g9lk9.jpg]Physics[/shr71]
رقم العضوية : 107043
تاريخ التسجيل : 08Jul2011
المشاركات : 99
النوع : انثى
الاقامة : alex
السيارة: Logan
السيارة[2]: Logan
دراجة بخارية: لايوجد
الحالة :
عندى احساس باكتئاب شديد انى مخنوقة من كل حاجة الشغل والبيت والحياة الضغوط عليا شديدة جدا وماحدش حاسس بيا ولا مقدر الضيقة اللى فيها ولا حتى بيفكر ازاى يساعدنى حتى اقرب الناس ليا فاكرين ان سبب الضيقة هما وبدل ما يخففوا عنى بيزودوا عليا الضيقة
رقم العضوية : 8697
تاريخ التسجيل : 10Apr2008
المشاركات : 9,041
النوع : ذكر
الاقامة : alex
السيارة: فيات الجديده
السيارة[2]: فيات القديمه
دراجة بخارية: شبرا فيات
الحالة :
شكرا جدا فيه فى الموضوع نصائح كويسه فعلا
رقم العضوية : 11181
تاريخ التسجيل : 21May2008
المشاركات : 5,568
النوع : ذكر
الاقامة : NULL value in a database
السيارة: BMW E34 - 518i
السيارة[2]: Toyota Starlet EP80
دراجة بخارية: Toktok Coupe
الحالة :
موضوع حلو
فيه حاجتين لسه عاملهم امبارح مع بعض .. خرجت بالليل متأخر اشتريت شيكولاتايه .. أو بمعني أدق لووح شيكولاته وفتحت الشبابيك و طلعت علي الطريق ..
بس عجبتني بتاع خد صاحبك بالحضن ههههههه .. مبقاش حد فاضي .. ده الوحيد اللي موجود في بيته واخد اجازه مرضي جاله غضروف من الشقا
Mohamed Samir
'
رقم العضوية : 13237
تاريخ التسجيل : 19Jun2008
المشاركات : 1,304
النوع : ذكر
الاقامة : Nasr City
السيارة: ^بتاعت الحاج^
السيارة[2]: Hyundai Verna 2007
دراجة بخارية: No
الحالة :
جامده جدااااااااااا
الف الف شكر و يا رب تبقى مبسوط :)
محمود ابو السعود
لا تقلق كثيرا بشأن الماضي / ولا تحمل هم الغد / الان هو حياتك عيشها
رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
لسه شاري مانجه علشان افترسها وترفع من روحي المعنويه
بس وانا راجع واحد حرق دمي وعلي ضغطي
ربنا يوعده بمسمار مصدي يجيبله الكاوتش 30 حته
ماشي قدامي في زفه وعمال ارعشله وازمرله ولا عاوز يتحرك وحاجزني وراه
لولا ان والدتي معايا كنت رشقت فيه
بس اكلت المانجه برضه :))))
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
رقم العضوية : 83058
تاريخ التسجيل : 07Dec2010
المشاركات : 185
النوع : ذكر
الاقامة : cario
السيارة: honda civic.....isa
السيارة[2]: lancia dedra
دراجة بخارية: no
الحالة :
انا برده كنت مخنوق اوى قبل مشوف الفيديو ده بس دلوقتى حاسس انى مبسوط وان الدنيا مش وقفت لما كنت مخنوقمخنوق اوي
a.yakout
اولا
شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.
وبعد كده شوف ممكن تعمل ايه من النصايح الى فوق تخليك سعيد
أمينفيديو جميلة ..
ربنا يدخل السعادة والرضا في قلوبنا
انا برده بعمل كده كتير اوى امى بتقعد تقلى فى مهندس محترم ينزل كده الشارع بس انا ببقى مرتاح كده فكنى من الناس علشان كده بحب اوى المصيف فببقى عايش المصيف طول السنهانت جامد
إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.
انا بعمل كدا كتير اوي و ببقى عايز اضحك على نفسي و انا في نص الشارع
[quoteعندى احساس باكتئاب شديد انى مخنوقة من كل حاجة الشغل والبيت والحياة الضغوط عليا شديدة جدا وماحدش حاسس بيا ولا مقدر الضيقة اللى فيها ولا حتى بيفكر ازاى يساعدنى حتى اقرب الناس ليا فاكرين ان سبب الضيقة هما وبدل ما يخففوا عنى بيزودوا عليا الضيقة][/quote]
اولا
شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.
ثانيا بص لأهلك واقرب الناس ليكى و عرفهم قد إيه بتحبهم.
بعد كده هتلاقيهم بيبدلوكى نفس الشعور وهيحسو بيكى اكتر
اتمنى حضرتك تطبق حاجه منهشكرا جدا فيه فى الموضوع نصائح كويسه فعلا
المهم دلوقتى مبسوط بلى عملتهموضوع حلو
فيه حاجتين لسه عاملهم امبارح مع بعض .. خرجت بالليل متأخر اشتريت شيكولاتايه .. أو بمعني أدق لووح شيكولاته وفتحت الشبابيك و طلعت علي الطريق ..
بس عجبتني بتاع خد صاحبك بالحضن ههههههه .. مبقاش حد فاضي .. ده الوحيد اللي موجود في بيته واخد اجازه مرضي جاله غضروف من الشقا
فى حجات كتير صغيره فى حيتنا وسهله لو فكرنا نعملها هتبسطنا اوى ومش هتاخد وقت لو عملنها
انا الحمد لله مبسوطجامده جدااااااااااا
الف الف شكر و يا رب تبقى مبسوط :)
يااارب الناس كلها
المفضلات