تمام
شكرا جدا :)
هو مش مهيس عامة
بس مش بيوصل للأخر بس
هبقي افتح وأشوفها
عرض للطباعة
كتالوج العربية أهو عشان لو حد عايزه
http://fs2162d23.fileserve.com/file/...ual_ingles.pdf
حاول على قد ماتقدر ماتخليش ميكانيكى يقرب من العربية ويوم ماخلاص طالبة يقرب يبقى على التوكيل على طول
وتوكيل الدايو فى اللذيذ
الباور ماتحكمش عليه غير لما تجرب باور عربية تانية نفس النوع..لان واحد صاحبى معاه كورولا 2011 قالى ان عربيتك تقيلة مع انى راكب عربية نيسان 2008 لاقيتها نفس الباور ولما ركبت عربية لوجان2010 لاقيته باور سئ جداااا وماينفعش تلف الدركسيون بايد واحدة فحمدت ربنا على باور النوبيرا اللى مالاقيتش اخف منه فى العربيات اللى سقتها خالص
2- الفرامل بتاعة النوبيرا طبيعتها كدة مش تاتش.. لازملها مشوار ..انا كنت فاكرها ضعيفة فى الاول بس لاقيت ان دا احسن لان العربية وزنها تقيل ولما العجل بيقفش بياخد العربية ويكمل مسيرته العظيمة الى المالا نهاية ...كلها شهر وهاتتعود عليها وهتلاقى سرعة ايقاف العربية بقى اسهل ومن غير زحف..بس بصراحة فراملها فى احسن حالاتها مابتسعفش خالص فاعمل حسابك فى مسافات الامان
3- مش فاهمها بصراحة ..سيئين من ناحية ايه؟؟...انا مركب المراية اللى ناحيتى مراية عادية والناحية التانية مراية بتصغر ومقضيها ومش عاجبانى عشان حجمها نفسه صغير :(
4-ماخدتهاش فى الكلااااس :D
5-دى بقى بتاعتى يا جو...سيبونا ناخد فرصتنا بقى :)
(اخوك لسة ملسوع منها قريب جدا)
وحلها بسيط جدا جدا وكان هيكلفنى 40 جنيه وبعد الفصال بقوا 20 مع انها ماتستهلش 5 جنيه بكتيرها
الصعوبة كلها فى فك الكنبة الزبالة اللى قعدنا فيها ييجى ساعة عشان نعمل شغل ماخدش دقيقتين:(
انت تروح زى الشاطر لسروجى مثلا عشان يفكلك الكنبة ..هتلاقى مكان العوامة تحت الكنبة غطا مدور كدة اسود هاتفكه وتفك خرطومين البنزين وجاك الكهربا وتلف العوامة عشان تفكها من التنك باى شاكوش صغير لانها هتكون تبتت فى مكانها من كتر الركنة
هتلاقى العوامة(بالونة الهوا) زى اللى فى السيفون بالظبط ليها مجرى نحاسى ظاهر بيكون متوسخ هتنضفه بwd-40 او حتة صنفر صغيرة..الحكاية سهلة جدا باستثناء فك الكنبة المعفنة دى
وان شاء الله هتلاقيه بقى زى الفل
المشكلة دى كانت بتحصل معايا فى الاول وبعدين تطورت وبقى العداد بيقرا لما العربية تتفول واول ماييجى للنص يروح مصفر وجاى عالاحمر
6-بردو ماخدتهاش الكلاااس..خدت التانى ابو سلك
مع انى حاولت افك الزرار ده قبل كدة كنوع من الفضول وفشلت فشل ذريع مريع... اخرى افك الجزء اللى مغطى الفتيس وارجلش فرامل اليد غير كدة قلت هاسيبها ل"جو"..ماحنا مش هانحتكر كل حاجة بردو
وبلاش تقرص جامد عالغيارات عشان العربية ماتقرصكش جامد فى البنزين....دى سفااااااحة بنزين بمعنى الكلمة..يعنى حاول على قد ماتقدر تعود رجلك ماتضغطش على دواسة البنزين للاخر والا ....;)
يالا يا جو ورينا نفسك كدة ولعلع .. انت ماتعرفش انا اتحمست بوجودك هنا ازاااااى ...شكلى هاقلب العربية "بازل" قريب ..وهنبقى نجمعها مع بعض :)
يااااه..دانا رغاااى اوى..بس من فرحتى بيك معانا والله
أول حاجة أعملها في العربية كانت أمبارح :)
عملت كل حاجة بنفسي ... ماعدا حاجة واحدة
أبتديت بزرار المراية
انا قلت أتأكد ان المراية شغالة ومواتيرها شغالة
فكيت الفيشة بتاعتها وكان واصل بيها 7 سلوك
دورت علي الأرضي والباقي موتورين في كل مراية وتحويل مراية يمين وشمال مع الأرضي
قعدت أجرب بتوصيل سلوك لقيت كلهم شغالين كويس الحمد
رحت الحرفين ... ورجعت زي مانا :( ... أمبارح الحد :(((((
رجعت بقي عملت أزاز كهربا عندي كان تقيل جدا ... فكيت مكنته وأديتها wd-40 ... وبقي حلاوة
ونيجي بقي لأكتر حاجة تعبتني
الفرامل
جبت طقم تيل بتاع ليجانزا ... هو نفس اللي بيركب عندي
فكيت التيل القديم ... لقيت في كل فردة .. التيل اللي ناحية المكبس متاكل جامد والتاني فيه شوية حلوين
ببص علي البنزين اللي ماسكين في الكاليبرات ... محجرين جدااااا
معرفتش أعمل فيهم حاجة
فكيت الكاليبرات ببنزاتهم وروحت لواحد ميكانيكي ... يا ريتني روحت لسمكري
الميكانيكي مسكهم حطهم علي عدة نار ... ساعة بقي علي ما عرف يفكهم ويشحمهم
السمكري كان مسكهم بالباشبوري وفي 5 دقايق هيبقوا واقعين :)
ده كله كان عذاب والله
وصلت لأني أرجع المكبس عشان التيل بيبقي كبير عن اللي مفكوك
بتاع ساعة علي ما عرفت أرجعه ... مش لوحد كمان
وبعد كدة ركبت التيل وطلعت أجرب
الحمد لله
بقي في فراااااااااامل :)
دانا كنت ماشي من غير فرامل
دلوقتي الفرامل عالية وشديدة ... مع انها لسة ما طبعتش
معلش ماصورتش عشان كنت تعبان جدا
الف مليووون مبروك ربنا يديك خيرها ويكفيك شرها
مبروك يا جيو و بتبقى حاجة جامدة لما تعمل شغل العربية بنفسك
انت غيرت تيل نوعة اية ؟ في نوع اسمة جولد .. جامد جدا بس مش عارف النوبيرا 2 هيمشي معاك ولا مختلف
كان عندي بردو المرايات شغالة فوق و تحت بس .. و العيب طلع من الزرار بتاعهم و شغالين دلوقتي تمام
لو في حاجة تانية عندك اسال
حلوه النوبيره ربنا يملهالك بركه ويكفيك شرها