الموضوع: انا جبت نوبيرا :)

كتالوج العربية أهو عشان لو حد عايزه
http://fs2162d23.fileserve.com/file/...ual_ingles.pdf

المشاركة الأصلية كتبت بواسطة Eng.Geo

تقرير رفيع كدة عنها وياريت مساعدتكوا بقي :)
انا أكتر حاجة عاجباني فيها هي ثباتها
1-الباور تقيل حبتين
التكييف ممتاز
2-الفرامل واطية وبتنضغط ... الهاند مترجلش وأخره 8 تكات وطلعت منها الهوا وبرضه لية مش مظبوطة زي مانا عايز ... هو كدة طبيعي ولا أيه ؟
3-المراية بتاعتها اليمين والشمال كعادة الدايو :( .... سيئين للغاية
الموتور ..... ممتاز ... كنت بشد مع فيرنا بالتكييف ...
علي الأول طلع مني ... مجرد جبت ال3000 rpm كان في نص عربيتي ... جبت تاني كانت بتفرك في الأرض وفرقت عنه حاجة بسيطة
والفرق كل شوية كان بيزيد
هي علي ال rpm القليل بطة للأسف ... انما أعدي ال3000 بتبقي غبية جري
4-عداد الحرارة مش في النص .... علي تاني شرطة بعد ال cold ! .. ده طبيعي ولا ايه ؟
5-لما بفول العداد مش بيوصل للأخر !
6-ذرار المرايات فيه مشكلة .. أجيبه منين
غير كدة الحياة جميلة :)

حاول على قد ماتقدر ماتخليش ميكانيكى يقرب من العربية ويوم ماخلاص طالبة يقرب يبقى على التوكيل على طول
وتوكيل الدايو فى اللذيذ
الباور ماتحكمش عليه غير لما تجرب باور عربية تانية نفس النوع..لان واحد صاحبى معاه كورولا 2011 قالى ان عربيتك تقيلة مع انى راكب عربية نيسان 2008 لاقيتها نفس الباور ولما ركبت عربية لوجان2010 لاقيته باور سئ جداااا وماينفعش تلف الدركسيون بايد واحدة فحمدت ربنا على باور النوبيرا اللى مالاقيتش اخف منه فى العربيات اللى سقتها خالص
2- الفرامل بتاعة النوبيرا طبيعتها كدة مش تاتش.. لازملها مشوار ..انا كنت فاكرها ضعيفة فى الاول بس لاقيت ان دا احسن لان العربية وزنها تقيل ولما العجل بيقفش بياخد العربية ويكمل مسيرته العظيمة الى المالا نهاية ...كلها شهر وهاتتعود عليها وهتلاقى سرعة ايقاف العربية بقى اسهل ومن غير زحف..بس بصراحة فراملها فى احسن حالاتها مابتسعفش خالص فاعمل حسابك فى مسافات الامان
3- مش فاهمها بصراحة ..سيئين من ناحية ايه؟؟...انا مركب المراية اللى ناحيتى مراية عادية والناحية التانية مراية بتصغر ومقضيها ومش عاجبانى عشان حجمها نفسه صغير :(
4-ماخدتهاش فى الكلااااس :D
5-دى بقى بتاعتى يا جو...سيبونا ناخد فرصتنا بقى :)
(اخوك لسة ملسوع منها قريب جدا)
وحلها بسيط جدا جدا وكان هيكلفنى 40 جنيه وبعد الفصال بقوا 20 مع انها ماتستهلش 5 جنيه بكتيرها
الصعوبة كلها فى فك الكنبة الزبالة اللى قعدنا فيها ييجى ساعة عشان نعمل شغل ماخدش دقيقتين:(
انت تروح زى الشاطر لسروجى مثلا عشان يفكلك الكنبة ..هتلاقى مكان العوامة تحت الكنبة غطا مدور كدة اسود هاتفكه وتفك خرطومين البنزين وجاك الكهربا وتلف العوامة عشان تفكها من التنك باى شاكوش صغير لانها هتكون تبتت فى مكانها من كتر الركنة
هتلاقى العوامة(بالونة الهوا) زى اللى فى السيفون بالظبط ليها مجرى نحاسى ظاهر بيكون متوسخ هتنضفه بwd-40 او حتة صنفر صغيرة..الحكاية سهلة جدا باستثناء فك الكنبة المعفنة دى
وان شاء الله هتلاقيه بقى زى الفل
المشكلة دى كانت بتحصل معايا فى الاول وبعدين تطورت وبقى العداد بيقرا لما العربية تتفول واول ماييجى للنص يروح مصفر وجاى عالاحمر
6-بردو ماخدتهاش الكلاااس..خدت التانى ابو سلك
مع انى حاولت افك الزرار ده قبل كدة كنوع من الفضول وفشلت فشل ذريع مريع... اخرى افك الجزء اللى مغطى الفتيس وارجلش فرامل اليد غير كدة قلت هاسيبها ل"جو"..ماحنا مش هانحتكر كل حاجة بردو
وبلاش تقرص جامد عالغيارات عشان العربية ماتقرصكش جامد فى البنزين....دى سفااااااحة بنزين بمعنى الكلمة..يعنى حاول على قد ماتقدر تعود رجلك ماتضغطش على دواسة البنزين للاخر والا ....;)
يالا يا جو ورينا نفسك كدة ولعلع .. انت ماتعرفش انا اتحمست بوجودك هنا ازاااااى ...شكلى هاقلب العربية "بازل" قريب ..وهنبقى نجمعها مع بعض :)
يااااه..دانا رغاااى اوى..بس من فرحتى بيك معانا والله

المشاركة الأصلية كتبت بواسطة mido51eg

مبروك عليك الدايو ياباشا.

الله يبارك فيك :)

المشاركة الأصلية كتبت بواسطة car's sniper

حاول على قد ماتقدر ماتخليش ميكانيكى يقرب من العربية ويوم ماخلاص طالبة يقرب يبقى على التوكيل على طول
وتوكيل الدايو فى اللذيذ
الباور ماتحكمش عليه غير لما تجرب باور عربية تانية نفس النوع..لان واحد صاحبى معاه كورولا 2011 قالى ان عربيتك تقيلة مع انى راكب عربية نيسان 2008 لاقيتها نفس الباور ولما ركبت عربية لوجان2010 لاقيته باور سئ جداااا وماينفعش تلف الدركسيون بايد واحدة فحمدت ربنا على باور النوبيرا اللى مالاقيتش اخف منه فى العربيات اللى سقتها خالص
انا معايا أوبترا وكان معايا صني وأكسيل
أحسنهم الأكسيل .. وبعده الصني وبعده الأوبترا
وجربت اللوجان ... هي أحسن من اللوجان شوية فعلا :)
2- الفرامل بتاعة النوبيرا طبيعتها كدة مش تاتش.. لازملها مشوار ..انا كنت فاكرها ضعيفة فى الاول بس لاقيت ان دا احسن لان العربية وزنها تقيل ولما العجل بيقفش بياخد العربية ويكمل مسيرته العظيمة الى المالا نهاية ...كلها شهر وهاتتعود عليها وهتلاقى سرعة ايقاف العربية بقى اسهل ومن غير زحف..بس بصراحة فراملها فى احسن حالاتها مابتسعفش خالص فاعمل حسابك فى مسافات الامان
ده كدة حاجة تزعلني :(
ربنا يستر بقي
3- مش فاهمها بصراحة ..سيئين من ناحية ايه؟؟...انا مركب المراية اللى ناحيتى مراية عادية والناحية التانية مراية بتصغر ومقضيها ومش عاجبانى عشان حجمها نفسه صغير :(
هما صغيرين جدا
غير اني بحب جدا المرايات المحدبة اللي بتصغر
انا عنددي زيك بالظبط .. الشمال حقيقية واليمين بتصغر
مشكلتهم ال blind zone كبيرة جدا
4-ماخدتهاش فى الكلااااس :d
ههههههههههه
المفروض الحرارة تبقي عقبل النص بشرطة
انا العربية عندي باردة جدا والحرارة في الأول :)
5-دى بقى بتاعتى يا جو...سيبونا ناخد فرصتنا بقى :)
(اخوك لسة ملسوع منها قريب جدا)
وحلها بسيط جدا جدا وكان هيكلفنى 40 جنيه وبعد الفصال بقوا 20 مع انها ماتستهلش 5 جنيه بكتيرها
الصعوبة كلها فى فك الكنبة الزبالة اللى قعدنا فيها ييجى ساعة عشان نعمل شغل ماخدش دقيقتين:(
انت تروح زى الشاطر لسروجى مثلا عشان يفكلك الكنبة ..هتلاقى مكان العوامة تحت الكنبة غطا مدور كدة اسود هاتفكه وتفك خرطومين البنزين وجاك الكهربا وتلف العوامة عشان تفكها من التنك باى شاكوش صغير لانها هتكون تبتت فى مكانها من كتر الركنة
هتلاقى العوامة(بالونة الهوا) زى اللى فى السيفون بالظبط ليها مجرى نحاسى ظاهر بيكون متوسخ هتنضفه بwd-40 او حتة صنفر صغيرة..الحكاية سهلة جدا باستثناء فك الكنبة المعفنة دى
وان شاء الله هتلاقيه بقى زى الفل
المشكلة دى كانت بتحصل معايا فى الاول وبعدين تطورت وبقى العداد بيقرا لما العربية تتفول واول ماييجى للنص يروح مصفر وجاى عالاحمر
حبيبي :)
يا مطمني يا مروقني :)
هنزل أعملها بنفسي الصبح :)
6-بردو ماخدتهاش الكلاااس..خدت التانى ابو سلك
مع انى حاولت افك الزرار ده قبل كدة كنوع من الفضول وفشلت فشل ذريع مريع... اخرى افك الجزء اللى مغطى الفتيس وارجلش فرامل اليد غير كدة قلت هاسيبها ل"جو"..ماحنا مش هانحتكر كل حاجة بردو
هو الزرار مكسور ... هدور عليه وشكله بيتركب سهل :)
وبلاش تقرص جامد عالغيارات عشان العربية ماتقرصكش جامد فى البنزين....دى سفااااااحة بنزين بمعنى الكلمة..يعنى حاول على قد ماتقدر تعود رجلك ماتضغطش على دواسة البنزين للاخر والا ....;)
انا بنقل علي 4000 وممكن 5500 :)
انا بقول أحوش بنزين في بيتنا الفترة الجاية :)
يالا يا جو ورينا نفسك كدة ولعلع .. انت ماتعرفش انا اتحمست بوجودك هنا ازاااااى ...شكلى هاقلب العربية "بازل" قريب ..وهنبقى نجمعها مع بعض :)
جيتلي :)
ده متعتي
كل شوية هتلاقيني نازل بتعديل جديد :)
مشوفتنيش في رابطة الأكسيل :)
يااااه..دانا رغاااى اوى..بس من فرحتى بيك معانا والله

والله انا اللي فرحان اني جبت نوبيرا زيك وبقيت وسط الناس اللي زي العسل دي :)

أول حاجة أعملها في العربية كانت أمبارح :)
عملت كل حاجة بنفسي ... ماعدا حاجة واحدة
أبتديت بزرار المراية
انا قلت أتأكد ان المراية شغالة ومواتيرها شغالة
فكيت الفيشة بتاعتها وكان واصل بيها 7 سلوك
دورت علي الأرضي والباقي موتورين في كل مراية وتحويل مراية يمين وشمال مع الأرضي
قعدت أجرب بتوصيل سلوك لقيت كلهم شغالين كويس الحمد
رحت الحرفين ... ورجعت زي مانا :( ... أمبارح الحد :(((((
رجعت بقي عملت أزاز كهربا عندي كان تقيل جدا ... فكيت مكنته وأديتها wd-40 ... وبقي حلاوة
ونيجي بقي لأكتر حاجة تعبتني
الفرامل
جبت طقم تيل بتاع ليجانزا ... هو نفس اللي بيركب عندي
فكيت التيل القديم ... لقيت في كل فردة .. التيل اللي ناحية المكبس متاكل جامد والتاني فيه شوية حلوين
ببص علي البنزين اللي ماسكين في الكاليبرات ... محجرين جدااااا
معرفتش أعمل فيهم حاجة
فكيت الكاليبرات ببنزاتهم وروحت لواحد ميكانيكي ... يا ريتني روحت لسمكري
الميكانيكي مسكهم حطهم علي عدة نار ... ساعة بقي علي ما عرف يفكهم ويشحمهم
السمكري كان مسكهم بالباشبوري وفي 5 دقايق هيبقوا واقعين :)
ده كله كان عذاب والله
وصلت لأني أرجع المكبس عشان التيل بيبقي كبير عن اللي مفكوك
بتاع ساعة علي ما عرفت أرجعه ... مش لوحد كمان
وبعد كدة ركبت التيل وطلعت أجرب
الحمد لله
بقي في فراااااااااامل :)
دانا كنت ماشي من غير فرامل
دلوقتي الفرامل عالية وشديدة ... مع انها لسة ما طبعتش
معلش ماصورتش عشان كنت تعبان جدا

مبروك يا جيو و بتبقى حاجة جامدة لما تعمل شغل العربية بنفسك
انت غيرت تيل نوعة اية ؟ في نوع اسمة جولد .. جامد جدا بس مش عارف النوبيرا 2 هيمشي معاك ولا مختلف
كان عندي بردو المرايات شغالة فوق و تحت بس .. و العيب طلع من الزرار بتاعهم و شغالين دلوقتي تمام
لو في حاجة تانية عندك اسال

المشاركة الأصلية كتبت بواسطة Eng.Geo

عملت كل حاجة بنفسي ... ماعدا حاجة واحدة
هايدا هو

فكيت الفيشة بتاعتها وكان واصل بيها 7 سلوك
لعيييييب ياجو.. عملتها ازاى دى...هو الزرار متركب كبس فى مكانه ولا لازم اشيل اطار الفتيس بالمسند عشان افك الزرار...جربت قبل كدة اشد الزرار من مكانه ماعرفتش:)
رجعت بقي عملت أزاز كهربا عندي كان تقيل جدا ... فكيت مكنته وأديتها wd-40 ... وبقي حلاوة
لأااااااااااااااااااااااا ااااااااااااااااااااااااا ه ...غلطت نفس غلطتى ....خمس ايام اسبوع بالكتير وهتلاقى تراب الدنيا فى مجرى الازاز والشاسيه ....حاول دلوقتى تنزل بمنديل وتمسح اثار الاسبراى قبل مايلم تراب وحط بداله بودرة تلك احسن منه ميت مرة

الحمد لله
بقي في فراااااااااامل :)
دانا كنت ماشي من غير فرامل

بتغرينى انت بحوار الفرامل ده بس من شب على شئ شاب عليه ...اتعودت عالفرامل المعفنة :d وماظنش انى لو طورتها هاقدر اوقف العربية فى المسافة اللى بوقفها فيها دلوقتى من غير ما الفرامل تقفش :(

وارحم الار بى ام شوية ياجو ...انت ماعندكش عربيات صغيرة :d....بالنسبالى قبل ماتوصل 3000 باكون ناقل

المشاركة الأصلية كتبت بواسطة hosar

الف مليووون مبروك ربنا يديك خيرها ويكفيك شرها

الله يبارك فيك :)

المشاركة الأصلية كتبت بواسطة osama.m

مبروك يا جيو و بتبقى حاجة جامدة لما تعمل شغل العربية بنفسك
انت غيرت تيل نوعة اية ؟ في نوع اسمة جولد .. جامد جدا بس مش عارف النوبيرا 2 هيمشي معاك ولا مختلف
انا عارف الجولد ... هو كويس
بس انا جبت نوع كوري اسمه hi-tec ب 65 جنيه
كان عندي بردو المرايات شغالة فوق و تحت بس .. و العيب طلع من الزرار بتاعهم و شغالين دلوقتي تمام
لو في حاجة تانية عندك اسال

قشطة :)

المشاركة الأصلية كتبت بواسطة car's sniper

لعيييييب ياجو.. عملتها ازاى دى...هو الزرار متركب كبس فى مكانه ولا لازم اشيل اطار الفتيس بالمسند عشان افك الزرار...جربت قبل كدة اشد الزرار من مكانه ماعرفتش:)
الزرار متركب كبس في مكانه
الزرار نفسه الجزء الأسود متركب في فبرة رمادي متركبة في الكونصول بتاع الفتيس
انت هتشيل الزرار بفبرته الرمادي
هو مفك عادة وتدبه في أي جنب وتطلع الزرار
بعد كدة هتفك الزرار من الفبرة ده بنفس المفك العادة اللي انت لسة سايبه :)
سهلة خالص :)
لأااااااااااااااااااااااا ااااااااااااااااااااااااا ه ...غلطت نفس غلطتى ....خمس ايام اسبوع بالكتير وهتلاقى تراب الدنيا فى مجرى الازاز والشاسيه ....حاول دلوقتى تنزل بمنديل وتمسح اثار الاسبراى قبل مايلم تراب وحط بداله بودرة تلك احسن منه ميت مرة
تفتكر كدة مايجيلهاش تسلخات ؟ :)
انا نازل أنضفها :))
بتغرينى انت بحوار الفرامل ده بس من شب على شئ شاب عليه ...اتعودت عالفرامل المعفنة :d وماظنش انى لو طورتها هاقدر اوقف العربية فى المسافة اللى بوقفها فيها دلوقتى من غير ما الفرامل تقفش :(
مانا عندي مابتقفشش
انت لو عندك زي ماكانت عندي الأول يبقي لازم تلحق نفسك ... ده مش فرامل ده
انا عندي بعد ما عدلتها حسيت اني قادر أتنفس :)
وارحم الار بى ام شوية ياجو ...انت ماعندكش عربيات صغيرة :d....بالنسبالى قبل ماتوصل 3000 باكون ناقل

انا لسة مفصلة مني النهاردة :)
هي عملت معايا جوة البلد بالتكييف والقرص 160 في الصفيحة