الموضوع: انا جبت نوبيرا :)

هو منظف stp سعره كام.؟

المشاركة الأصلية كتبت بواسطة blazer

هو منظف stp سعره كام.؟

في كذا حاجة منه
في منظف أنجكشن وفي دورة بنزين وفي كذا حاجة
انا هجيب اللي لونه فضي وده تنظيف الدورة كاملة ب 62 جنيه
بيتحط علي 45 لتر

المشاركة الأصلية كتبت بواسطة smalltoto10

ادخل معاكم بقا ف الحوار

انا كان زيي زيك كنت عاوز اجيب عربية ووقعت قدامي نوبيرا 2 سوقتها عجبتني وجبتها وبقالها معايا بتاع 5 شهور اهيه
مبروك عليك العربية ... ربنا يحفظهالك :)
اينعم انا كل يوم عند ميكانيكي او كهربائي بس ده لاني مش بحب الهوا ف العربية والصراحة العربية مأثرتش معايا

بس فى حاجه عاوز انبهك منها الفرامل
انا خبطت واحد (شخص مش عربية) بسبب ان الفرامل ماسعفتنيش خالص مع انى مكنتش ع سرعه .. بس الحمد لله جت سليمة
يعني تخلي بالك اوي من كل الطريق حواليك خصوصا لو انت زي حلاتي بتجري جامد جوا البلد جمبيك عربيات وناس بتعدى الطريق وكدا
مهما عملت ف الفرامل .. لو ركبت عربية تانية هتحس ان الفرامل احسن ..
هي تعتبر أقل عربية في أداء الفرامل من اللي ركبتهم
فين أيام الصني .... كانت بتتلكك عشان تقف :)
العربية بتجري جامد معاك لو هتحرق ع الغيارات وهتلاقيها بتاكل ف بنزين جامد (لو هتحسبها صح) عمرها ما هتعدى 150 كيلو ف الصفيحة ..
انا موتوري غير موتورك .... انا 1500 وأستهلاكه أفضل كتير من بتاع النوبيرا 2 أو الأوبترا اللي هي بتاعتي برضه :)
وعلي فكرة 150 ده قليل قوي
ده الأوبترا بتعمل 320 علي الصحراوي علي سرعة 90
انما لو حرقت ممكن مكملش ال 100 في الصفيحة .... عشان انا بنقل علي 6500 ... لازم تفصل :)
ثبات العربية كويس جدا بس بردة مش امان اوي زي الاوروبي
كنت مرة ع 140 وبفادي بلاعة ف نص الطريق وكنت ماسك الدركسيون بايد واحده حدفت العربية جامد والعربية كانت هتعوم وربنا سترها وساسيتها ولحقتها
فخلي بالك وربنا يستر طريقك يا ريس
ربنا يستر .... مع اني شايفها كويسة وكنت باخد غرز ديقة علي 160
بس برضه الأمر مايسلمش
مون 90 مش 92 ومع تفويله والتانية هتلاقي الاستهلاك اتحسن معاك ف الحرق ع الغيارات و المشي العادى عن تجربة اكتر من شهرين .. بس 90 من بنزينة محترمه
أيوووووة
أموت وافهم ليه ؟
كذا واحد قالي 90 أحسن من 92
انا عمري ما حطيت 90 غير مرة واحدة !
هتفرق جامد ولا أيه ؟
انت بتمشي ع طرق ايه بقا .. وعربيتك فيها اى حاجه مميزه عشان اعرفك بيها

يمكن نتقابل ع طريق ولا حاجه ونشد مع بعض ههههههههههههه

انا العربية نبيتي ومكتوب ورا ع الازاز بخط واضح www.rwa2an.net

ههههههههه
انا لسة ماعلمتهاش بحاجة
بس انا كنت جايبها من أسكندرية وصاحبها كان معلق شبكة ( شبكة صيد بس علي صغير ) في القاطرة اللي ورا ... الشبكة لونها نبيتي والعربية لونها فضي
انا بمشي يوميا دائري وشارع بورسعيد :)

المشاركة الأصلية كتبت بواسطة smalltoto10

ثبات العربية كويس جدا بس بردة مش امان اوي زي الاوروبي
كنت مرة ع 140 وبفادي بلاعة ف نص الطريق وكنت ماسك الدركسيون بايد واحده حدفت العربية جامد والعربية كانت هتعوم وربنا سترها وساسيتها ولحقتها
فخلي بالك وربنا يستر طريقك يا ريس

اولا الف مبروك العربية
بس زي ما جورج قال 160 وغرز ديقة ومش بتقول لا فا كدا ظبط الكاوتش بتاعك و العفشة عشان النوبيرا 2 ثباتها كويس جدا جدا

المشاركة الأصلية كتبت بواسطة smalltoto10

اها فعلا واحد صاحبي معاه فيرنا بيمون 90 وبيحس ان العربية زي الفل معاه ف السحب والاستهلاك

ومع ذلك اما بيروح صيانة ف التوكيل بيحذروه من الـ 90 وبيقولوله مون 92 !!!

سمعت الحكاية دى كتير ومحدش فادنى بيها غير واحد حسيت انه بيفتى وكان بيقوللى ان 92 بيخلص بسرعة عشان بيطير بسرعة..على اساس انى هاسيب غطا التانك مفتوح ومافيش جوه حاجة بتمنع رجوع البنزين...ما علينا
انا باحط 92 لانه مابيفرقش كتير عن سعر 90 فى مقابل بنزين انضف والسبب الاجمد اللى بيخلينى باحط 92 انى باقول اكيد بنزينات برة مش زى عندنا و90 برة اكيد هيساوى 92 عندنا :)

المشاركة الأصلية كتبت بواسطة osama.m

اولا الف مبروك العربية
بس زي ما جورج قال 160 وغرز ديقة ومش بتقول لا فا كدا ظبط الكاوتش بتاعك و العفشة عشان النوبيرا 2 ثباتها كويس جدا جدا

اول ماجبتها كنت فرحان بيها اوى وجبت فى اول طلعة ليها 185 وكانت مستعدة تجيب اكتر بس الطريق كان خلص وكنت هالبس فى الطيارة اللى وسط ميدان الكلية الجوية فى مفارق العاشر بلبيس القاهرة
ويومها انا فاكر كويس وانا رايح العاشر من رمضان وماشى عالشمال على سرعة 170 فجأة ظهر قدامى سِن حرف الU ليوترن فى الطريق...كان داخل في وسط العربية بالظبط وكان بينى وبينه 15 ل20 متر مش اكتر ساعتها خدت غرزة يمين على السرعة دى والعربية تقريبا شبه ثابتة لانى ماحستش فيها باى تعويم خالص مع اننا كنا 3 اشخاص رفيعين فى العربية
العربية دى فى السفر لا يعلى عليها لكن جوة البلد ،،،،،عايزة ضرب النار :d

المشاركة الأصلية كتبت بواسطة smalltoto10

انا بمشي ع الدائري وانا راجع والكورنيش وانا رايح .. ده كل يوم

حوار البنزين ال 90
فالعربية فيشة اوكتانها مظبوطه عندنا ف النوبيرا 1 او 2 على 91

يعني الاحسن ف الاستهلاك الـ 90 .. لو حطيت 92 هتزيد شوية بسيطة ف الاستهلاك مش هتبان لحد غير الناس الى بيجروا زي حلاتنا

انا مش متاكد اوي ان فى فيشة اوكتان ف النوبيرا 1 ولا .. انا عندي ف النوبيرا 2 .. فيشة الاوتكان ديه الى بتظبط شرارة الاشتعال زي الاسبراتير كدا ف العربيات القديمة اما تظبطه

بس عموما هي لو عندك

اظبطها ع 95 .. ومون 92 او 95 .. هتحس انك راكب عربية تانية خالص ف الجري

لو مش عارف فيشة الاوكتان .. ابحث عنها هتلاقي هنا ف القسم مواضيع كتيره اوي عنها ديه بتقلب كيان العربية

عارفها كويس :)
مفيش لانوس بتاعة أي حد أعرفه الا وبظبطهاله :)
بس هي تقريبا مش عندي
هدعبس تاني وأشوف هي فين ... يمكن مستخبية هنا ولا هنا :)
بس انا كنت أقصد ب 90 حاجة تانية
في ناس ماعندهاش فيشة أساسا ... زي فيرنا وغيره كتير وبيقولولي ال 90 بيمشي العربية أكتر