الموضوع: انا جبت نوبيرا :)

المشاركة الأصلية كتبت بواسطة car's sniper

وجالك قلب يامفترى؟؟؟ :)
دانا لما باحط بنزين 92 من بنزينة تانية غير البنزينتين اللى باحط منهم، باحس انى حاطط فى العربية مية مش بنزين
لمجرد انه بنزين 92 مغشوش فمابالك ب80
تقريبا الناس اللى بتمون 80 بتعمل تظبيطات فى حاجات معرفش هى ايه
بس بلاش ياجو...العربية دى سفاحة بنزين جوة البلد اما فى السفر حلوة جدا
انت حاول تخلى سواقتك اقتصادية شوية يعنى انقل على اتنين ونص ار بى ام وحاول على قد ماتقدر تثبت ظغطتك على دواسة البنزين لان دى اللى بتخليها تاكل جوة البلد
حرام عليك ماتور العربية حلو جدا لما بيتفتح ويجرى على السريع فبلاش تبهدله عشان يسعفك فى السفر
ولو عايز توفر حولها غاز مع انه بردو هيبوظ الماتور بس اهو يبقى بوظان وتوفير جامد احسن من بوظان وتوفير خفيف يوم ماتيجى تعمل عمرة للماتور هتلاقى نفسك ماوفرتش حاجة
انا شفت اعلانات لغاز فى نفس كفاءة ال92 بس مش مصدق لغاية دلوقتى
كنت زمان باصرخ من استهلاك العربية للبنزين وكنت بافكر احولها ل80 بس لما شفتها على السفر لاقيتهاا كدة ممتازة جدا

يا حودة مش توفير
هي أستهلاكها كويس جوة وبرة
انا كنت بجرب بس ايه الوضع
انا صحيح نسيت أقول حاجة
انا لما العربية عملت كدة معايا ... قبل ما أغير الشكمان
قلت أبص عالبوجيهات
طبعا لازم أفك غطا الموتور الأسود
العربية ماشية 61 ألف كم
تخيل أن مسامير الغطا ماتفكتش قبل كدة !
كنت بفكهم وبسمع صوت طقة المسمار اللي أول مرة يتفك
وده معناه أن البوجيهات ده مشيت 61 أف كم !
فكيت البوجيهات
كانت مفاجئة بالنسبالي
البوجيهات زي الفل ... وخلوصها 0.7 ... ماعدا واحد كان فتح شوية !
العربية ده كانت برة مصر في أمريكا ل 2004
لا أتغيرلها بوجيهات ولا أتعمل فيها أي حاجة
ولما جت مصر أترفعت
طبعا بنزين برة ممتاز
جيت انا أحطلها 80 مخلوط !
لازم تعترض طبعا :)
انا كل اللي باتمناه انه يبقي بنزين بس :)
انا هحطلها 95 بس ماتزعلش تاني :))

اعتقد انى استحاله بنزين 80 يعمل كدا
هو ممكن يضعف السحب ويخلى العربيه تكركر انما مش يخلى العربيه متمشيش اصلا للدرجه اللى انت بتقول عليها دى
خصوصا ان العربيه ماتورها مش تكنولوجى حديث ونسبه انضغاطه مش عاليه و موصى ليه ببنزين 90

المشاركة الأصلية كتبت بواسطة blazer

اعتقد انى استحاله بنزين 80 يعمل كدا
هو ممكن يضعف السحب ويخلى العربيه تكركر انما مش يخلى العربيه متمشيش اصلا للدرجه اللى انت بتقول عليها دى
خصوصا ان العربيه ماتورها مش تكنولوجى حديث ونسبه انضغاطه مش عاليه و موصى ليه ببنزين 90

يا ريتها كانت سحب بس
ده في نتشة علي السلانسية
ورجرجة وكتمة شديدة جدا في بداية كل غيار
هو يمكن مش عشان 80
يمكن عشان مش 80 :)
ده أخره 22
البنزين كان مخلوط

مادام كانت بتقطع يبقى غالبا بنزين مغشوش بميه

المشاركة الأصلية كتبت بواسطة blazer

مادام كانت بتقطع يبقى غالبا بنزين مغشوش بميه

ربنا ينتقم منهم

شكلة مخلوط بمية او سولار .. او بنزينة مبتغسلش التانكات من اول ما فتحت و انت اخدت اللي فية النصيب
شوف كدا اخبار التفويلة الجديدة اية و ابعد عن منظف الرشاشات

المشاركة الأصلية كتبت بواسطة osama.m

شكلة مخلوط بمية او سولار .. او بنزينة مبتغسلش التانكات من اول ما فتحت و انت اخدت اللي فية النصيب
شوف كدا اخبار التفويلة الجديدة اية و ابعد عن منظف الرشاشات

هي مش حاجة من دول
هي كل دول :)
ماله منظف الرشاشات ؟
انا كنت هجيب منظف الدورة كاملة ... ولا قصدك أيه ؟

لو هتجيب يبقى تجيب من الحاجات النضيفة .. كان في نوع كويس بس مش فاكر اسمة دلوقتى للاسف
بس استنى لما تشوف اخبار التفويلة الجديدة