بسم الله الرحمن الرحيم
بالنسبه للي فازوا بحج القرعه بيبقي امته تحديد اماكن الفنادق و مستوي السنادي اسمع انه هيبقي احسن من السنين الي فاتت
يا ريت نتناقش في الموضوغ دة و امبارح وزير التضامن قال ان هيبقي في موفد من الوزاره مع ال 12 الف حاج
عرض للطباعة
بسم الله الرحمن الرحيم
بالنسبه للي فازوا بحج القرعه بيبقي امته تحديد اماكن الفنادق و مستوي السنادي اسمع انه هيبقي احسن من السنين الي فاتت
يا ريت نتناقش في الموضوغ دة و امبارح وزير التضامن قال ان هيبقي في موفد من الوزاره مع ال 12 الف حاج
للاسف مابتعرفش اسم الفندق بالظبط و المكان الا لما توصل هناك, و اذا لاقيت حد فى المطارهنا يستقبلك يبقى كويس, المهم حاول تسأل على كل الحاجات دى قبل ما تمشى من هنا, و اهم حاجة تعرف انت نازل على مكة ولا المدينة عشان تعرف هاتحرم منين ( بيتك اوالمطار و الطيارة لو مكة و من هناك لو المدينة) و حاول ماتاخدش شنط كتير لان اوحش حاجة هناك استلام الشنط و دور بقى على حاجاتاك., على العموم دا كلو بيهون لما توصل هناك . لو محتاج تسأل على اى حاجة تانية انا معاك و يارب تبقى حجة مبرورة و تدعلن هناك. ربنا يتقبل.
هو اكيد بيعرفو مكه ولا المدينه بس اسامى الفنادق لما توصلو ان شاء الله .... انسى محدش هيعرفك اى حاجه لأن المسئولين عن الموضوع ده هناك و ممكن فى لحظه الدنيا تتغير
وزارة التضامن ملهاش دعوه بحج القرعه ليها فى حج الجمعيات ... القرعه لأ ... القرعه تبع وزارة الداخليه
و من اللى شوفتو اماكن القرعه افضل من الجمعيات
المهم انسى كل ده و استمتع بالرحله و متتخانقش و متخليش اى حاجه تخرجك من الاحساس اليمانى العالى و احتسب اى حاجه تحصل انها من مشقات الحج و اضافه للثواب ام شاء الله ...
نسألك الدعاء
معلهش انا كان قصدي الجمعيات مش القرعه بتاعه الشرطه
اصل حج الجمعيات برضه بالقرعه
و والدتس هي اللس طالعه و مكنش ينفع اسجل مرافق معاها
ان شاء الله ربنا يرزقنا بيها قريب
محدش بقي يعرف الجمعيات دي بتنزل الحجاج في اني فنادق
يعني في شارع اجياد مثلا في فنادق قريبه زي الصفوة و ابراج زمزم
و في فنادق وسط زي ايلاف مشاعر و غيرها
و في حاجات بعيدة و لازم مواصلات و طبعا مع الزحام بيقفلوا الشوارع و بتبقي مشكله
اسعار حج القرعة والجمعيات كام السنة دي ؟؟؟؟
بص انا طلعت قرعة الداخليه من سنتين كده ... طبعا فى اماكن كتيره ... انا كنت فى اجياد و حواليا كتير قوى من اماكن حجاج قرعة الداخليه بس ملاحظتش خالص ان حجاج الجمعيات ليهم يفط فى المكان اللى كنت فيه ...
مره كنت ناحية سوق غزه (الناحيه التانيه من الحرم) و شفت كام يافطه لحجاج الجمعيات
طبعا مفيش مواصلات لأنها بتكون سرقه علنى و كده كده مبيوصلوش للحرم لأن الطرق كلها بتكون مقفوله او زحام شديد...
هى تشوف اللى معاها فى الغرفه و يتحركو مع بعض و يا سلام لو عارفاهم و مربطه معاهم من هنا
اللى والدتى كانت بتعمله بتروح قبل الفجر بساعتين مثلا و تصلى و تروح بعد الشروق ... و تروح على الضهر (او العصر) و تمشى بعد العشا ... كانت بتصلى عند باب المروه او باب الهجره او باب حنين لأن فى حمامات قريبه منهم
ربنا معاها ان شاء الله
شكرا لحضرتك بس لغايه دلوقتي الجمعيه مش عايزه تقول اي معلومات عن الرحله كانها سر حربي مثلا
حاجه من اتنين يا لسه مش عارفين يا عارفين و مش عايزين وجع دماغ لأن محدش بيعجبه حاجه فمثلا لو قالو فندق مكه فى xyz هتلاقى مليون واحد يقولو للمسافرين ده بعيد ده وحش و كده و اللى هيسافر هيرجعلهم و يطلب يغير المكان و كده و ده مش متاح على الاطلاق لأن التقسيمه بتتم مره واجده و ليها علاقه بعدد الناس و سعة الفنادق و مواعيد التفويج (يعنى مش فى ايد الجمعيه نفسها) فبيشترو دماغهم و مش بيقولو
طب الواحد يطمئن ازاي
لحسن الدنيا تكون صعبه و الخيم تبقي مش مكيفه و بهدله ما بعدها بهدله
رسوم حج القرعة الاقتصادي 15995 لحلوح مصري وده غير شامل تذكرة السفر بالطائرة
اما المستوى المتمير اعتقد انه ب 22000
انا نفسي اعرف ليه الحج من امريكا واوربا بنصف الثمن اللي من مصر ؟؟؟؟؟؟؟؟؟؟؟؟؟؟؟؟؟؟؟
شكرا لوزارة الداخلية
وياريت الحجاج يبقو يدعو عليهم هناك :_Alshmokh08[1]:
رسوم الحج من اوروبا و امريكا قريبه من القرعه قوى ... السياحه هى اللى غاليه عشان بيدفعو فلوس عشان ياخدو حصه من التأشيرات و بيحملوها على الحاج و طبعا المكسب .. كمان عشان احنا عندنا عاده ان لو نطول الفندق يكون جوه الحرم يبقى احسن فالاسعار بتبقى غاليه
بره مصر من اوروبا و امريكا معندهمش طلب على الفيزا فبتتوزع عادى و بيدفعو الاقامه و المواصلات و بيقعدو قريب زينا فاسعارهم بتكون مقاربه للقرعه ..
فى الدول الاسلاميه اللى عندهم طلب على الفيزا الدوله بتتحكم فى توزيعها و ساعات بتدعم و كمان بيقعدو بعيد شويه فاسعار الاقامه بتكون ارخص
الاخ الفاضل محمد سليم ...ان شاء الله طالع حج قرعه الداخليه انا ووالدتي المسنه رجاء تخبرني بتفاصيل الاشياء المهمه التي نحتاجهاهناك واي نصائح تنصحها حتي نيسر عليها مشقه الحج...بالتفاصيل الدقيقه.... ولك جزيل شكري وجزاك الله خيرا مقدما
انا معنديش نت حاليا ... اخر الاسبوع ان شاء الله ...
لو فى اسئله اجاوبك عليها هتسهل الموضوع ان شاء الله
شكرا علي الاهتمام ..عالعموم لسه فيه وقت لان التأشيرات والتذاكر لم تصل حتي الان الشنط بس موجوده وان شاء الله استلمهم بكره
انا رجعت للنت :)
بص يا سيدى ...لو فى رجاله مع بعض و ستاتهم مع بعض بيحطوهم فى نفس الدور بس حاول و انت بتسكن تكون فى الدور الاول او الارضى عشان زحمة الاسانسيرات لو هتطلع على رجلك
خليك مع البعثه عشان متبهدلش الوالده ... هيطلعوكو عرفات من يوم 8 (مش هتباتو فى منى) و دى واخدين فتوى بيها و فى حالتك الفتوى هتكون اقوى عشان انت معاك والدتك و ده سبب كافى عشان تساعدها ...
متمشيش من عرفات غير بعد ما المغرب يأذن ب 10 دقايق (ممكن تبدأ تتحرك بس العربيات بتركن خارج حدود عرفات فخلى بالك من الموضوع ده)
فى اى حته اتفق معاها على مكان تتقابلو فيه لو تهتو من بعض و خلى معاها ورقه فيها كل البينات بتاعة الفندق و المخيم فى منى و عرفات
افضل شيء تجيب خطين سعودى من هناك واحد معاها وواحد معاك عشان تلاقو بعض
خد معاك ادويتك و ادويتها بزياده و كمان مضاد حيوى لاحتقان الزور و البرد عشان الادويه هناك غاليه موت
بالنسبه للفلوس انا كنت مغير من هنا و هناك بيقبلو مصرى برضه فى الصرافه ... ساعات التغيير من هناك بيكون افضل و ساعات لأ ...
مش عارف اقوزلك ايه تانى؟ لو عندك انت اسئله قولها و انا احاول اجاوبك ... متنساناش فى الدعاء و ربنا يتقبل ان شاء الله
انت تقريبا قلت كل النقط المهمه خصوصا المبيت بمني .........جزاك الله كل خير علي النصائح الغاليه ...ياريت لواي حاجه جات علي بالك تقولها مثلا اللبس... انا جبت طقم احرام بالاضافه للطقم الموجود بشنطه الداخليه..كدا كفايه ولا اجيب واحد تاني ..وهل اخد شنط كبيره لحمل الهدايا معايا ولااجيبهم من هناك...ولو اخدت شنطتين بعجل حجم كبير في حدود ال32كيلو...عليهم مصاريف شحن وجمارك .....وافضل الادعيه المخصوصه بالمشاعر المقدسه ...وجزاك الله الخير الكثير ..ولن ننساك بالدعاء ان شاء اللــــــــــــــــه
اللبس ... احرام واحد كفايه ... هتعمل العمره و هتغسله و تلبسه فى الحج ... ملهاش لازمه الاحرام التانى (بس براحتك لو عايز تاخده)
اللبس تعمل حسابك ان الجو حر و هتعرق و هتحتاج غيارات كتير ... بس اكيد هتغسل (الفندق ساعات بيكون حاطط طبق غسيل فى الحمام فكل اللى بتحتاجه تشترى صابون او اريال ... لو مش موجود اشترى طبق غسيل من هناك ... فى ناس بتجيب معاها حبل طويل و تعمله منشر فى الغرفه و بصراحه بينفع لو غسيل ينشف او تهوى لبس او الاحرام)
الهدايا ... نصيحتى لما ترجع ابقى انزل اشترى سبح من الحسين و وزعها ... متضيعش وقتك فى الشرا و اللف ... على العموم اللى لاحظته ان لحد الحج الحاجات بتكون غاليه و الفصال مبيجبش نتيجه ... بعد الحج الاسعار بتنزل جامد
الوزن ... مصر للطيران من الاخر انت و الحاجه مع بعض لحد 60-65 كيلو مفيش مشكله (الميه بره الحسبه دى)
هما بيقولولك ليك 20 كيلو و نحسبلك 5 ميه يبقى 25 للفرد زائد جركن ميه بس ساعة الوزن لحد 30-32 مبيدقوش .... انا كان معايا مراتى و شنطنا كانت 68 كيلو و الموظف قعد يبصلنا و يفكر و عداها ...
لو وزنك زياده قوى اصبر و متدفعش ... على اخر الطياره بيدفع الناس 10 كيلو زياده و خلاص بغض النظر عن الوزن الزياده كام ... بس تانى نصيحه كل حاجه موجوده هنا و فرق السعر مش عالى قوى فمضيعش وقتك و مجهودك فى اللف و الشرا ... ركز فى الحرم و الدنيا المختلفه هناك ...
اه ... افتكرت حاجه مهمه ... هتلاقى مليون حاجه تحرق الدم و الاعصاب ... و هتقابل ناس تلاقى نفسك تولع فيهم و هتشوف تصرفات تنقط .... حط اعصابك فى تلاجه و احتسب اى مشقه (سواء بدنيه او نفسيه) انها ان شاء الله فى ميزان حسناتك مهما حصل ....
ربنا معاك و يتقبل ان شاء الله
جزاك الله خيرا ...وربنا يعيننا علي اي مشقه فهي تهون امام الهدف الاسمي ....وندعو الله ان يتقبله منا ومن الجميع وان يكون حجا مبرورا ان شاء الله
و الله يا باشا عشان مفتيش مقدرش اقول حاجه عن الجمعيات ... بالنسبه للقرعه انا بقول عن تجربه شخصيه
بس ممكن افتى و اقول بنسبه كبيره حج الجمعيات هيعمل كده برضه لأن المنظم جهه حكوميه (وزارة التضامن) فغالبا هيطلعو عرفات على طول ...
خلى بالك ان الكلام ده كان بيحصل نتيجة زحام شديد للطرق يوم عرفات و زنقه و فى ناس مبتوصلش ... الله اعلم ايه اللى هيحصل السنه دى بعد ما قطار المشاعر اشتغل
النصيحه للوالده انها تخليها مع الجماعه ... تشوف هيعملو ايه و تخليها معاهم عشان لا قدر الله لو حصل تأخير او توهان متكونش لوحدها
ربنا معاكم جميعا
السلام عليكم و رحمة الله و بركاته
الاخ ezzeldin و فقك الله و والدتك فى رحلة الحج
نصيحة خالصة لوجه الله تعالى رافق والدتك فى كل خطواتها لا تتركها لوحدها اثناء السير الى المسجد الحرام او الى المسجد النبوى و اثناء رمى جمرة العقبة الكبرى تولى انت الرمى عنها حتى لا تقع فى وسط ازدحام الناس للرمى و اذا كانت والدتك مسنة لا تستطيع السير اشترى لها كرسى معدنى قابل للطى من هناك تجلس عليه اثناء الصلاة و خذه معاك ضرورى فى عرفات و منى و كما قال لك اخونا فى الله ستقابل من الاشياء المستفزة و الناس كثيرا فتذكر دائما ان تعويض هذا الفرض صعب جدااااااااااااااااااااااا و استعن بالله و داوم على الاستغفار و التعوذ بالله من كل شئ يضايقك ..........الاهم من هذا و ذاك انك تقرأ عن الاخطاء التى يقع فيها الحجاج من الان و تدونها كى لا تنسى و تقع فيها و اهمها التمسح و التبرك بقبر النبى صلى الله عليه و سلم و نية الزيارة الى المدينة المنورة هى الصلاة فى المسجد النبوى لما فيه من ثواب عظيم و ليس زيارة القبر ........اذهب الى المزارات فى المدينة و ده بيكون على حسابك للرؤية فقط و الصلاة فى تلك الاماكن و ليس للتبرك بها ..على فكرة المزارات بتكون على حسابك و ليس لحج القرعة دخل بها
اذا اصبت باي شئ لا قدر الله توجه الى البعثة الطبية المرافقة لكم و سوف يقوموا بالكشف فورا و صرف علاج مجانى ...........اى مشكلة تحدث توجه الى رئيس البعثة المرافقة لكم و هو هيحلها باذن الله
لا تحاول الدخول فى اى مشكلة مع الطرف السعودى (المطوف و اتباعه ايا كان السبب عليك و رئيس البعثة هو يتفاهم معاهم )...........حاول تختار لوالدتك صحبة من سيدات من نفس البعثة عندهم طاقة و جدعنة و يفضل لو كان ازواجهم او ابنائهم المرافقين لهم يكونوا فى نفس غرفتك و يكون فى تواصل بينكم علشان تبقى مطمئن عليها ..............احرص على ان تصطحبها اكبر قدر من الصلوات داخل الحرمين و طبعا فى الطواف و السعى لا تتركها (فما اجمل و لا احلى من مصاحبة الام تلك اللحظات و رؤية الابتسامة على وجهها عند الانتهاء من كل مرحلة )
حاول تاخذ اكل جاف معاك فى ايام عرفات و منى لان الاكل اللى بتوزعه البعثة المصرية لا يغنى و لا يسمن من جوع و ده مش معناه انك تكتر فى الاكل علشان تقدر تواصل المناسك بسهوله ان شاء الله .......حج مبرور و ذنب مغفور باذن الله
متقلقش مش هيعرف يوصل لقبر الرسول ... هيشاور من بعيد :) زحام يا سيدى الفاضل ... عشان اصلى فى الروضه كنت بروح بعد معاد السيدات (بيخلصوا 1 صباحا) و استنى لما ينضفوا و اصلى على 2 30 كده و الفجر الساعه 5 :)
بالنسبه لللأكل بتاع البعثه بصراحه كانو مدينا اكل ليوم عرفات كفانا ايام التشريق كلها و كان فى وجبتين سخنين فى كل يوم فى منى و وجبه سخنه فى يوم عرفات ... مكانش فى مشكله فى الاكل خالص و الحمد لله
:x1[1]::B4_388:الاخوه الافاضلgogeوmohamed_selim جزاكم الله خيرا وتقبل الله منا ومنكم صالح الاعمال واعاننا علي ذكره وشكره وحسن عبادته
ربنا يتقبل
السنه الى فاتت كانت الاماكن كلها كويسه وقريبه من الحرم والسعوديه الصراحه بتقوم بالواجب وذياده رغم الكم الهائل وصعوبة الارضاء للجميع ربنا يبارك لهم
سبحانك اللهم وبحمدك ، أشهد أن لا إله إلا أنت أستغفرك وأتوب إليك