هيونداى تطلق Eon 2012 الجديدة كلياً بسعر 4000 دولار فقط ، هل نراها في مصر

**meshmesh_egypt** · 21-09-2011 03:45 PM

في إطار مساعيها الواضحة لإقتحام تام للأسواق الناشئة كبيرة الحجم مثل السوق الصيني والسوق الهندي ، كشفت هيونداى رسمياً عن أول الصور والمعلومات الرسمية لطرازها الجديد كلياً ” إيون – Eon ” المنتمي لفئة السيارات الإقتصادية متناهية الصغر ، وهى الفئة التي تتسيدها في السوق الهندي بلا رحمة ، الصغيرة سوزوكي ألتو ، بجانب تاتا نانو الشهيرة .
السيارة الجديدة والتي كانت تسمي في الماضي بالمشروع ” HA 800 ” ستستفيد من منصة بناء صنعت خصيصاً لها ، وقد تتشارك البنية الهيكلية للسيارة مع بعض أجزاء الجيل الجديد من هيونداى I10 ، بالإضافة إلي طراز سانترو ، المعروف محلياً بإسم أتوس برايم .
تصميماً من الواضح تأثر هذا الطراز بفكر المدرسة التصميمية المتشارك بها كافة أشقائها الأكبر حجماً وهي مدرسة ” النحت المنساب ” ، وقد أطلقت عليه في بيانها الصحفي الرسمي أنها السيارة الإقتصادية اليومية للقرن الـ 21 ، ويأتي هذا بفضل ملامحها الجذابة ، فضلاً عن سعرها المنافس للغاية.
ومن المقرر أن تعتمد إيون 2012 الجديدة على نسخة معدلة من محرك ” iRDE ” المستعمل فى الجيل الأخير من هيونداى I10 ، ولكن تم إزالة أحد الرؤوس ليكون مكوناً من ثلاثة إسطوانات فقط بسعة 800 سي سي ، كما تم إعتماد نظام عامود الحدبات المفرّد ” SOHC “، وسيكون هذا المحرك قادراً على توليد قوة حصانيه تبلغ 56 حصان عند 5500 دورة في الدقيقة ، وهذا بالتوازي مع قدرته على توليد عزم دوران يبلغ 75 نيوتن متر عند 4000 دورة في الدقيقة .
إيون الجديدة من المنتظر أن تبدأ رحلتها التجارية في السوق الهندي منتصف شهر أكتوبر المقبل ، بثلاثة فئات من التجهيزات هي ، ” Era ” ، ” Magn ” ، ” Asta أو GL ” ، وستبدأ أسعار تلك الفئات من 2.50.000 روبية هندية، وصولاً إلي 3.00.000 روبية هندية ، وهى تقريباً موازية لـ ” 4 آلاف دولار حتى 5 آلاف دولار ” .

منقول من ظ‡ظٹظˆظ†ط¯ط§ظ‰ طھط·ظ„ظ‚ Eon 2012 ط§ظ„ط¬ط¯ظٹط¯ط© ظƒظ„ظٹط§ظ‹ ط¨ط³ط¹ط± 4000 ط¯ظˆظ„ط§ط± ظپظ‚ط· طŒ ظ‡ظ„ ظ†ط±ط§ظ‡ط§ ظپظٹ ظ…طµط± | Egy Speed

**shiko85** · 21-09-2011 04:24 PM

المشاركة الأصلية كتبت بواسطة meshmesh_egypt

تبدأ أسعار تلك الفئات من 2.50.000 روبية هندية، وصولاً إلي 3.00.000 روبية هندية ، وهى تقريباً موازية لـ ” 4 آلاف دولار حتى 5 آلاف دولار ” .

لو نزلت السوق المصريه اكيد هتبقى بنفسر سعر الأتوس برايم او i10
(تاتا نانو كانت بـ 2500 دولار و لما حسبوها فمصر طلعت بــ 40,000)

**Rsarabia** · 21-09-2011 04:40 PM

ال 4 الاف دولار يعنى 24 الف مصرى
ضيف عليهم 60 % جمرك يعنى 14.4
الاجمالى 38.5
ضيف عليهم مكسب الوكيل و مصاريف شحن و ضرايب و مستنقعات
هتلاقى سعرها 50 الف

**shiko85** · 21-09-2011 04:45 PM

المشاركة الأصلية كتبت بواسطة Rsarabia

ال 4 الاف دولار يعنى 24 الف مصرى
ضيف عليهم 60 % جمرك يعنى 14.4
الاجمالى 38.5
ضيف عليهم مكسب الوكيل و مصاريف شحن و ضرايب و مستنقعات
هتلاقى سعرها 50 الف

ممكن كمان 5000 over price
الغريبه الجمارك على ايه !!!!

**HOSSAM99** · 21-09-2011 05:09 PM

يا سلام لو تنزل 40_45 ألف هاتبقي تمام جدا و هاترحم ناس كتير من المستعمل و المواصلات
و يا سلام لو تتجمع في مصر علشان سعرها يقل شويه
.هي الفئه دي جماركه كام

**CryptonX** · 21-09-2011 05:12 PM

انا شايف ان مصر ممكن تعمل حركة صايعة علشان البنزين و الزحمة و تلغي الجمارك على السيارات اقل من 1000 سي سي ... حتفتح بيوت كتير !

**HOSSAM99** · 21-09-2011 05:47 PM

المشاركة الأصلية كتبت بواسطة CryptonX

انا شايف ان مصر ممكن تعمل حركة صايعة علشان البنزين و الزحمة و تلغي الجمارك على السيارات اقل من 1000 سي سي ... حتفتح بيوت كتير !

هي العربيات الصغيره هاتبقي عاملة زي التوكتوك في الإنتشار ... لكن ممكن يبقي فيه تعديل في سلوكنا و اللي يشتري عربيه يستخدمها في الضروره و يبقي فيه نظام car share بيننا و بين بعضنا
و منشوفش كل أسره فيها عربيتين تلاته من دول