اسعار الكاوتشات والاماكن اللي ممكن اشتري منها

**modey_qa** · 14-05-2008 04:10 PM

بعد اذنكم يا شباب عايز اعرف حد كويس اشتري منه كاوتشات وعايز اعرف الاسعار التقريبيه هي العربيه هيونداي اكسنت القديم

**Ahmed Selim** · 14-05-2008 04:37 PM

حسب معلوماتى أن الكاوتش مقاس 13 و اعتقد ان سعر الكاوتش حسب النوع والأبعاد اللى أنت هتركبها هيكون فى حدود ال 300 جنيه للفردة ( ممكن اكتر شوية وممكن اقل شوية حسب نوع الكاوتش والمقاس )

أنت عاوز تشترى من حد موجود فين ؟

مصر الجديدة \ م.نصر\المهندسين ؟؟؟

**modey_qa** · 14-05-2008 04:58 PM

المشاركة الأصلية كتبت بواسطة Ahmed A.Maksoud

حسب معلوماتى أن الكاوتش مقاس 13 و اعتقد ان سعر الكاوتش حسب النوع والأبعاد اللى أنت هتركبها هيكون فى حدود ال 300 جنيه للفردة ( ممكن اكتر شوية وممكن اقل شوية حسب نوع الكاوتش والمقاس )

أنت عاوز تشترى من حد موجود فين ؟

مصر الجديدة \ م.نصر\المهندسين ؟؟؟

شوف هو انا عايز كاوتش في الطبيعي وبالنسبه للمكان مدينة نصر -عباسيه شغال وياريت لو التوكيلات

**Ahmed Selim** · 14-05-2008 05:51 PM

لو توكيلات معرفش غير
بريدجستون ( عمارات العبور و عباس العقاد )
كونتيننتال ( مساكن شيراتون ) بس بيبقى غالى نسبياً عشان ألمانى

لو محلات عادية عندك اتنين معروفين فى أحمد سعيد بس مش فاكر غير أسم واحد منهم ( علاء الدين تقريباً )

وفى فى ميان السواح واحد معروف أسمه الرومانى

وم.نصر فيها 3 أو 4 قدام الباب الخلفى لجامعة الأزهر ( أول مصطفى النحاس خالص من ناحية نادى مدينة نصر ) ال 3 أو 4 دول منهم أشرفكو وده أكتر واحد بثق فيه منهم كلهم بس بقاله فترة معندهوش غير نوعين أندونيسى عشان واخد توكيلهم أما باقى الأنواع موجودة برضه بس مش كل المقاسات