الموضوع: ده ازاى كده !!

المشاركة الأصلية كتبت بواسطة OmaR_FekrY

مش عارف يا رجاله العربيه مالها ... بتدور صوتها عالى جدا .... مكتومه فى المشى
بتكركر .. و مأخره كهرباء
الدخان بقى يا سمسم ... انا دورتها 3 مراات و كل مره لون

يعنى اول مره كان الدخان رصاصى فاتح
تانى مره كان اسود و الشكماان بيعرق بس اسود برضو و لما اكبس بنزين يقل مش يزيد !!
النهارده مفيش دخان خالص ولا حتى فى الكبس ... بس فى ريحه بنزين نى جامد

المشكله بقى ان لو العربيه فضلت كده ... مش هينفع اجى المقابله
و خصوصا كمان ان السيتى مش هتبقى موجوده فى اليوم ده

الموضوع بسيط جدا ماتقلقش

اعمل اللى هاقولك علية

1- هتدور العربية عادى

2- هتشيل سلك كل بوجية وتشوف المحرك اية اللى هيعملة هل هيبرجل او هيبطل المفروض ان كل واحد يتشال يبرجل المحرك , لو فية سلك شيلتة ومافيش اى تأثير على المحرك حصل يبقى العيب من البوجية دة

3- والحل انك تجيب طقم بوجيهات جديد لان ممكن امبارح مع الجرى الشديد حصل تكوين شربون على البوجية خلاة يهبب الحرق بتاع البوجية كان ضعيف مقدرش يحرق البنزين اللى داخلة فعمل ترسبات كربونية علية

4- وبردة خلى بالك ان بلف الايدل كنترول ممكن يكون طرف فى الموضوع دة + البوجيهات

يعنى بكرة كدة عايزك تنزل تجرب اللى بقولك علية , وتنظف الايدل لو تعرف بwd-40

وان شاء الله الموضوع يتحل ماتقلقش