فرصه ماتتعوضش..

**semsemakeshta** · 14-05-2008 05:00 PM

عربيه نوبيرا وان موديل 97 ,اوتوماتيك,فبريكه وارده الخارج بحاله الزيرو وكامله من كل حاجه,باور ,سنتر ,تكييف,زجاج كهربا,مرايات جانبيه كهربا,1600 سي سي,مفتاح ريموت, كاسيت سي دي, فرصه فعلا بمعنى الكلمه وان شاء الله سعر نهائي 52 الف جنيه وده لانى والله العظيم مستعجله جدا علشان عندى ظروف..

**kimo-nubira** · 14-05-2008 05:04 PM

العربيه عامله كام كيلووو ؟؟ ولونها ايه ؟؟

**semsemakeshta** · 14-05-2008 05:10 PM

هى عامله 215 الف بس والله كانها بورقتها,ولونها دهبى ميتاليك

**ابو سيف** · 14-05-2008 05:12 PM

اوتوماتيك و لا مانيوال؟

**semsemakeshta** · 14-05-2008 05:14 PM

اوتوماتيك..

**kimo-nubira** · 14-05-2008 05:14 PM

المشاركة الأصلية كتبت بواسطة semsemakeshta

هى عامله 215 الف بس والله كانها بورقتها,ولونها دهبى ميتاليك

ربنا يرزقك في بيعها بس حضرتك مش شايفه ان 215 الف ك.م والعربيه موديل 97 كتير عليها شويه 52000 جنيه

سؤال تاني معلش هل العربيه ديه عليها حظر بيع او حاجه ؟؟

**semsemakeshta** · 14-05-2008 05:20 PM

لا مش عليها حظر ولا حاجه وعلى فكرة كان سهل اوى والله العب فى العداد واخليها كانها كانت مرفوعه بس طبعا مارضيتش لان ده حرام..كمان عايزة اقول لحضرتك انى جايباها من الجمارك من سنه تقريبا بس وماكناش بنستعملها خالص اساسا طول السنه بس هى جايه من بره عامله كيلوات كتير اصلا..وبعدين والله دلوقتى النوبيرا سعرها بقي غالى هى وكل العربيات اللى بتيجي من الاستثمار لان القوانين الجديده بقت صعبه جدا جدا ..ولولا الظروف بس اللى انا فيها عمرى ماكنت هفرط فيها باى سعر لاننا كنا جايبينها لينا يعني للعمر وماكناش ناويين نبيعها..وعلى فكرة العربيه متكلفه عليا بعد فك الحظر وكل الرسوم ب 68 الف جنيه والله العظيم بس الظروف بقي هى اللى حكمت ببيعها وانى اخسر فيها وربنا يارب يبارك للى هياخدها لانها بجد والله فرصه وعربيه مفيهاش كلمه بأمانه..

**ابو سيف** · 14-05-2008 05:26 PM

ربنا يباركلك فيها و يحسنلك بيعها ان شاء الله

بس انا مقدر كم الخسارة بس هيه دي حال السوق معلش
عشان كدة بردو عايز حضرتك تفكري شويه في السعر .... النيوبيرا موديل 2003 و 2004 و مبيكونش فيها كلمه بردو بتتباع بالسعر اللى حضرتك بتتكلمي فيه دة و بتكون عامله كيلوات قليله جدا
انا عارف ان العبرة مش بالكيلوات بس .. بس دة عامل لابد و ان يوضع في الحسبان .. انا بقول كدة بس عشان حضرتك تفكري في الكلام دة .. عشان تقدري تسهلي على نفسك و تبيعيها بسرعه

الا لو كانت العربيه دي بتتباع بالسعر دة دلوقتي من بورسعيد على اساس انها كوري يعني .. و اكون انا مخطيء و مش عارف نظام السوق هناك

على اي حال ربنا يرزقك الخير و ييسرلك بيعها و يحسنهولك و يبارك للي هيشتريها

**kimo-nubira** · 14-05-2008 05:28 PM

المشاركة الأصلية كتبت بواسطة semsemakeshta

لا مش عليها حظر ولا حاجه وعلى فكرة كان سهل اوى والله العب فى العداد واخليها كانها كانت مرفوعه بس طبعا مارضيتش لان ده حرام..كمان عايزة اقول لحضرتك انى جايباها من الجمارك من سنه تقريبا بس وماكناش بنستعملها خالص اساسا طول السنه بس هى جايه من بره عامله كيلوات كتير اصلا..وبعدين والله دلوقتى النوبيرا سعرها بقي غالى هى وكل العربيات اللى بتيجي من الاستثمار لان القوانين الجديده بقت صعبه جدا جدا ..ولولا الظروف بس اللى انا فيها عمرى ماكنت هفرط فيها باى سعر لاننا كنا جايبينها لينا يعني للعمر وماكناش ناويين نبيعها..وعلى فكرة العربيه متكلفه عليا بعد فك الحظر وكل الرسوم ب 68 الف جنيه والله العظيم بس الظروف بقي هى اللى حكمت ببيعها وانى اخسر فيها وربنا يارب يبارك للى هياخدها لانها بجد والله فرصه وعربيه مفيهاش كلمه بأمانه..

طيب العربيه ديه فابريكه بره وجوه ولا جوه بس ؟؟؟

**semsemakeshta** · 14-05-2008 05:30 PM

ميرسي اوى على النصيحه بجد ربنا يكرمك بس هى فعلا النوبيرا وان بالذات اللى جايه من استثمار بورسعيد سعرها بيكون عالى لان كل حاجه فيها لحد اصغر مسمار بيكون كورى وسدقنى لو حد بيشتريها دلوقتى من الاستثمار هيلاقى سعرها بجد زاد جدا ورسوم فك الحظر كمان وكمان فك الحظر ماعدش ينفع غير بعد مرور 6 شهور من شراها يعني تفضل باسم المعاق لمده 6 شهور وبعد كده ممكن تدفع جماركها وتفك حظرها فده كمان زود اكتر فى سعرها وعموما ربنا يارب يكرمنى وابيعها ويكرم اللى هياخدها ويباركله فيها يارب..وميرسي كمان مرة على النصيحه