الاعلانات اللى هنا وهمية ولا اية ياجماعة
مفيش حاجة بعت عليها وعبرتنى اعمل اية
العيب منى ولا من مين بالظبط انا كدة هعدى التلاتين وانا لسة بدور
استرها يارب
عرض للطباعة
الاعلانات اللى هنا وهمية ولا اية ياجماعة
مفيش حاجة بعت عليها وعبرتنى اعمل اية
العيب منى ولا من مين بالظبط انا كدة هعدى التلاتين وانا لسة بدور
استرها يارب
انا باعت يجي 100 ايميل بدون رد لحد دلوقتي
للاسف فعلا العمل محتاج وسايط في الزمن ده او معارف ربنا يكرم الكل يارب
الصبر
الصبر مفتاح الفرج
قبل كل حاجة ادعلى ربنا بنية خالصة انه يرزقك باللى انت عايزه
و يا باشا حاول تطور نفسك
يعنى شوف ايه المطلوب فى السوق و خد كورسات و دورات و كدة يعنى
و اسعى بكل الطرق
والله الموفق
وانزل لف بنفسك اسعى يا عبد وانا اسعى معاك
بص يا معلم شكلك عواطلى مستجد وانا حديك خبرتى فى العواطليه (بقالى سنتين بدور على شغل شبه كويس ) مفيش حاجه اسمها شغلانه كويسه بيتعملها اعلان اصلا يعنى لو شركه محترمه وشغلانه كويسه بيدور على منهم فيهم
انا اعرف واحد شركه فى شركه سيارات هنا فى مصر كبيره جدا لما بيدور على حد يشغلوه بيسألوا الناس اللى جوه الشركه ولازم يعرفوا درجه القرابه لتاعتو قد ايه انا شوفت الميل ده كان ضغطى حيعلى فيه بس اسعى لان الشغل ده لازم تكون مقتنع وعندك ايمان انه رزق من عند ربنا اى نعم الوسايط بتسهل كل حاجه بس هيه رزق من عند ربنا وانا لو منك اشوف اى مشروع خاص اعمله ختى لو حيدخلى الف جنيه فى الشهر بس لازم تتحرك
بص يا باشا
انت تشبط في اي حاجة بأي مرتب حتى لو كان مصاريف بس , و انت شغال هتلاقي بتجيلك عروض من عملا شركات بتتعامل معاها شركات منافسة , ...
و انا بين مشروعيم أوقات كنت بقعد 6 أو 7 شهور بدور و لا حد عبرني و انا شغال بلاقي عروض كتير تيجي نتيجة الحركة و التعامل في المواقع .
بالمناسبة انت مجالك ايه ؟
انا شاكر ليكم كلكم وكلامكم فعلا يريح والحمد لله انا مقتنع انها ارزاق من عند ربنا ودة اللى بيصبر الواحد بس قلت افضفض معاكم فى الكلام شوية
انا مجالى مهبب بهباب انا حقوق ياباشا
وحاسس ان دة اللى سادد اى حاجة فوشى لان بيتهيألهم ان حقوق دة ميفهمش اى حاجة ف الدنيا غير القانون مع ان ف الحقيقة ميفهمش ف اى حاجة اصلا
بهزر طبعا
بالعكس الدراسة كانت شاملة حجات كتير فى اغلب مجالات الحياة تفيدك فى كل شئ بس النصيب
وعموما يا جماعة انا مقعدتش فى البيت وبدور ع النت بس لا عشان محدش يظلمنى
انا لفيت كتير جدا جدا وكان فاضل اوزع السى فى على الناش فى المواصلات والشوارع
ورحت برج العرب فى الصحرا لفيت ع المصانع ورميت سفيهات
ونزلت محامى مع خالى بس طبعا باخد مصروفى اخرى لحد متنفخت
جربت ادور بكل الطرق حسيت انى بشحت الشغل من كتر لفى ع الشركات ويلطعونى برة وحد يقابلك كويس وغيرة يقابلك وحش وغيرة ميقابلكش اصلا
حتى مكاتب السفر وكان يبقى فى اعلان فى القاهرة اسافر المهم انى مش قاعد زى ما حد ممكن يقول
بس العمر بيجرى وجالى احباط ومبقتش ادور ولا ليا حتى نفس لاى شغل لو جالى يعنى
مش عارف دة احساس طبيعى ولا اية
ومش عارف العيب فيا ؟ انا مش اجتماعى ومليش علاقات بحد واصحابى اصلا معدودين ع الصوبع الواحد
جايز دة اللى مش مفتحلى سكك
الله اعلم طولت عليكم كفاية كدة
تابع جرنال الاهرام كل يوم جمعه
مرتضى منصور كان عامل اعلان طالب فيه محامين امبارح
انصحك تغير مجالك مش شرط المحاماه
ممكن تشتغل فى مجال التسويق او البيع او اى حاجه تانيه
انت فى القاهره والدنيا مفتوحه ادامك مش زى عندنا فى الاقاليم
ربنا يكرمك واشكرك على النصيحة الغالية
بس انا فى اسكندرية مش القاهرة
وحاولت اغير مجالى وخدت كورس تجارة خارجية وملاحة وبردة قدمت ف شركات ملاحة وربنا موفقنيش
وبتابع الاهرام كل فترة كان فى اعلان لوزارة العدل من كام يوم وبعت علية على اخر يوم
الحمدلله على كل حال
على فكره انت مشكلتك زيى
انك مش اجتماعى ومليكش علاقات وده بيخليك ماتعرفشى الدنيا فيها ايه وايه الجديد وممكن تفوتك فرص كتير
يمكن تستغرب لو قولتلك ان اكتر علاقات وصداقات كونتها كانت عن طريق نايل موتورز
على فكره انته عندك نفس مشكلتى بالظبط انا عملت كل اللى انته عملته ده وعلاقاتى مش ياما او مكنتش بصاحب حد فى دفعتى يعنى انا مهندس كهرباء كل اصحابى كانو ميكانيا ومدنى فمحدش عرف يظبطنى بص هما الحمد لله ظبطو بعض بس زى ما قولتلك الشغل الكويس بيجى بالعلاقات مش قصدى وسايط بص على الاقل بتعرف ان المكان ده عاوز ناس وبيتعملك انترفيو
مثلا انا اعرف واحد صاحبى راح عمل انترفيو فى شركه بترول امريكانى كبيره فحت أول سؤال اتساله انته تعرف مين فى الشركه
حاول تدور على مشروع على الاقل حتقضى فيه وقت
انا بحاول ادور على حاجه اعملها بس مش لاقى :)
الشركات الكبيرة بترفض اللى ليهم اقراب فى الشركة
ميزة العلاقات انها تعرفك ان فى شغل فى الحتة الفلانية
كلم اصحابك اللى اشتغلوا
واشبط فى اى شغل فى اى مجال وانت شغال دور
وربنا يكرم
Jobs in Egypt: CALL CENTER AGENT for the UK account
مينفعش اكلم حد من اللى اعرفة وافولة شوفلى شغل بتبقى بايخة اوى
منا ليا صحاب سافروا ومحدش سال وانا مش هطلب منهم لان اللى ميشفش م الغربال يبقى اعمى
وبعدين انا لو عارف اشبط فحاجة مكنت شبطت انا مش بتامر وعلى عاوز ابقى مدير
دنا بقى طموحى دلوقتى انى الاقى حاجة تشغلنى واتسلى فيها مش اكون نفسى
لو عايز كلام جد انت اللي مش عايز تشتغل.
اولا انت من الاسكندريه يعني من المحافظات اللي فيها انشطه متنوعه وحركه اموال مستمره وتجاره و و و.
ثانيا انت خريج حقوق علي اسواء الاحوال لو كنت اشتغلت في مكتب محامي من اول متخرجت كنت عملت علاقات مع موكلين وعملتلهم شغل لحسابك بعيد عن المكتب وده كان يجبلك دخل محترم ...وتقدر بعد كده يبقالك مكتب خاص...انا عارف ان صاحب المكتب مبيديش مرتب بس الفكره انك كده كده بتاخد فلوس من البيت كنت استغليت المكتب في انك تعمل علاقات.
ثالثا علي فرض انك مبتحبش المحاماه اشتغل في اي مجال اعمل اي مشروع يا اخي انت ممكن تاجر مكان وتعمله سيبر لو انت غاوي نت ومش هيكلفك حاجه اجر محل واعمله اكسسوار عربيات لو انت غاوي عربيات ولو قلت انا مليش في التجاره يا اخي تعالي علي نفسك واشتغل في اي محل لغيت ما تتعلم وبعد كده اعمل مشروعك خدبالك الايام بتجري ومحدش بيبكي علي حد .
ولو عايز نصيحه فكك من السفر بره ليسانس حقوق يعني اخرك مندوب مبيعات واللي هتاخده يادوبك يعيشك هناك.
اسمع كلامي شوف انت ميال لاي مجال وروح اشتغل فيه حتي ولو عامل لحد متتعلم وبعد كده اعمل مشروعك .
انا بقلك نصيحه لوجه الله كل يوم بيعدي عليك هتتسال عليه.
طبعا بشكرك على النصيحة الغالية ومقدرها جدا
بس الواقع مش سهل اوى كدة
اولا اسكندرية محافظة زى اى محافظة من الاقاليم دة ممكن يكون فى محافظات فرص العمل فيها اكتر لان اغلب المجالات فيها لو استثنينا الشركات الكبرى والبنوك والميناء ودى اماكن اغلبها منعرفش ندخلها دة بالنسبالى ومش هقولك محولتش لا حاولت وفشلت
فى عندك بعد كدة شفل فى كافيهات وقهاوى ومطاعم وشماسى عالبحر
كافيهات ومطاعم وقهاوى لو انت اصلا معاك دكتوراة ودة الواقع ورحت قلتلة عاوز اشتغل مش هيشغلك لانة عاوز مستوى معين وعاوز واحد خبرة وفى المجال ودة حقيقى
اما العلاقات انا اشتغلت فمكتب خالى وفترة طويلة بس انا قلت انا مش اجتماعى يعنى بعمل المطلوب منى وبروح لا بقعد على قهوة ولا بلوك مع حد ممكن دة عيب منى
تانى حاجة اسلوب الناس والشغل فى المحكمة حضرتك متعرفش عامل ازاى لو انت انسان سوى عمرك ماهتقدر تتعامل كل يوم مع بشر بالمنظر دة وتدفع رشوة لكل واحد وواحد يبتزك كل يوم وزحام وحاجة مقلكش وفى الاخر باخد مصروفى ولا خبرة ولا زفت
عوزنى افتح مكتب هشتغل نصاب ودة بردة من الواقع وجايز كل اللى اعرفهم دفعتى من المحامين شايفنى فاشل وانا شايفهم نصابين ومحورجى وبتاع كلام واهبش اى قرش وبيحاربو بعض على 5جنية واجرى
الواقع صعب
انا رحت لمحل ملابس قدمت فية وكان عامل اعلان بصلى من غير اى اسئلة وقال متنفعش
هو لية نظرة وعاوز واحد معين
فعلا اسكندريه الشغل فيها قليل فحت رغم ان فيها 55 % من الصناعات البتروليه بس شركات البترول ديه لناس معينه او على الاقل محتاج واحد ليك جوه الشركه يدخل الcv بتاعك جوه عشان يتبص فيه
انا شايف مشاركه بتقول ان الشركات الكبيره مش بتقبل القرايب الكلام ده فعلا موجود بس حبر على ورق و الوسايط بتكسر اى قانون فى الدنيا بس الواحد لازم يكون ايجابى ويحاول فى كل حته
يا جدعان الشركات اللى موجوده فى مدينه نصر بس قد اللى موجوده فى اسكندريه اربع مرات
معظم إن مكنش كل الشركات multinational بتبعت emails بالوظائف الجديدة داخل الشركة الأول ،، علشان لو فيه حد عاوز يعمل rotation لوظيفة أخري حتي لو فيه حد في نفس الأدارة ممكن ياخد الوظيفة الفاضية عن طريق ترقية .... في حاله أن مفيش حد مناسب ، بيعملوا out sourcing عن طريق مكاتب التوظيف أو الأعلانات
بالبنسبه للشغل معظمه فى القاهره وبعديه بمسافه كبيره الاسكندريه
اما بتوع الاقاليم اللى زى حالاتى دول لهم الله
انا بحمد ربنا انى قدرت اتوظف فى الحكومه
سهل قوى ان اى حد ينتقد اللى قدامة ويقول انت اللى مش عايز تشتغل لو عايز هتشتغل لو حتى عامل
انما الواقع مش كدة هوة نفسة لو اتحط مكانى مش هيعرف يعمل حاجة م اللى بيقول عليها
اكبر مشكلة للخرجين فمصر دلوقتى بيعانوا منها عشان يشتغل هى الخبرة
لانة بيتخرج بيفضل يدور على شغل ويضيع ممن عمرة وقت وبعدها يقبل يشتغل اى شغلانة حتى لو حرفى
لحد ما يظهرلة حاجة احسن بس الواقع ان اى شركة محترمة من الكبار لو شافت انك كنت شغال شغلانة مستواها مش قد كدة مش هتقبلك
وبردة هتعانى ان بعد كل المرمطة دى ومخدتش خبرة تفيدك فى اى حاجة
مفيش مكان يساعد الخريجين ويديهم خبرة تأهلهم انهم يشتغلوا حتى لو ببلاش
انا واحد بعد ما خدت كورس التجارة البحرية حاولت اشتغل فى اى شركة ملاحة وما اكثرهم فى اسكندرية ودة كان سبب اختيارى للمجال دة
الكورس بيعلم الاساسيات بعد كدة الشغل هو اللى هيعرفك الباقى
طبعا مفيش حد عبرنى عشان عاوزين خبرة عاوزين حد يشتغل على طول ودة اللى اتقالى فى مقابلات
طب حتى اشتغل ببلاش مش عاوز مرتب لحد متعلم واخد خبرة حتى دى ملقتهاش
والشغل زى الجواز سنك يعدى 28 سنة خلاص فرصك بتنعدم لان اغلبهم بيطلب السن لايزيد عن 28 بالكتير 30
واحنا لسة بندور على خبرة
حد عندة خبرة سلف ؟
هو فعلا فيه ناس كتير بتقول الكلمتين دول
انت مش عاوز تشتغل وانتا كذا وكذا
المهم انا شوفت ناس كتير فى شركات ومناصب مش عارف وصلوا فيها ازاى واؤكدلك انها ممكن بالحظ او الوسطه او فى الغالب طبعا ده رزقهم وربنا كتبلهم كده
يعنى مش شرط النجاح يكون نتيجة شطاره
افيه ناس رزقهم واسع زى مابنسمع
وناس بتحاول كتير وبتسعى ومفيش فايده رزقهم ضيق
مش عارف الكلمه دى حرام اقولها ولا لا
بس عموما كله مكتوب بامر الله اعمل اللى عليك واجتهد لاخر لحظه وان شاء الله ربنا يكرمك
انا معاااااك يامعلم .. بدور بردوووووو .... انا خريج تجارة السنة دي والحمد لله اشتغلت محاسب في مصنع بس طلبت في دماغي فجأة اسيب الشغل معجبنيش المرتب ونفسيا مكنتش مرتااح ... بس بصراحة ندمت لان القعدة في البيت وحشة وادينا بندوووووووووووووور
المشكلة يا جماعة ان حال البلد بقى زى الزفت وبعد مكان الواحد قبل الثورة عندة امل 40% انة يلاقى حاجة كويسة
جت الثورة قلنا الحال هيتعدل ونفسنا تتفتح عالحياة من تانى
اسودت وطينت اكتر واكتر وكل يوم بتطين اكتر من اللى قبلة
واذ فوجئت ان كل الناس بعد الثورة بتتكلم فى كل حاجة ماعدا البطالة
زى ميكون مفيش اى مشكلة اصلا
والله يا باشا كلنا عندنا المشكلة دى
انا زيك على فكرة انا برضة خريج حقوق وجايب تقدير عالى فى الكلية ومقدم فى النيابة العامة ومجلس الدولة والمفروض ان الطبيعى لدفعتى انها كانت تظهر فى شهر 12 اللى جاى وكنت مش عاوز اعمل كارنية النقابة علشان سمعت انها بتاثر فى التعيين .. فا قلت استنى السنة دى لحد لما اشوف النتيجة بتاعت النيابة .. المهم الثورة قامت والحمد لله البلد وقفت وكان عندى مقابلة تفتيش قضائى يوم 10/2/2011 وطبعا المقابلة اتاجلت لاجل غير مسمى ولحد دلوقتى الدفعة اللى قبلى ما اتعينتش (2009 ) وانا دفعتى هيطبقو عليها قانون جديد الله واعلم اية هوة .. وطبعا فى دفعة تانية اتخرجت بعدى .. المهم دورت فى كل حتة على شغل مناسب مفييييييييييييش
قولت انزل اتدرب فى المحاماة علشان مضيعش سنتين من عمرى من غير ما اكون عملت اى حاجة نزلت اتدربت مع محامى بالظبط اسبوعين وعرفت انى مستحييييييييييييييييييل هكون محامى لان فعلا المحامى دة لازم يكون فيه مواصفات خاصة (( مواصفات عمرهااا ما كانت فيا ولا هتكون فيا )) وطبعا قدمت فى المحكمة وبرضة موضوع المحكمة دة شكله حوار من حوارات الحكومة ولا هتعين ولا اى حاجة
وطبعا فكرت فى السفر واهلى رفضو لانى الولد الوحيد ومينفعش اسافر واسيبهم
وفكرت اعمل مشروع وبرضة مش لاقى مشروع اعملة
انا ما قراتش كل الصفحات
لكن فى المختصر .... اخوك اكبر منك وعديت التلاتين وعندي اولاد ومدارس ........ ومفيش شغل
وعمال ابعت وابعت ...... وعندي اصحاب وعلاقات ..... لكن مفيش وسطه جديه
وبالنسبة للمشاريع ... دخلت مشروع اهبل ........ وماجبش حتي راس ماله (900ج) ومستني حتي الان اجيب حقه وربنا يسهل , انا مش بعقدك ولا بدايقك ...ابدا,,, انا بنقل تجربتي
وعمال ابعت تاني وان شاء الله مش حيأس حتي الاقي عمل محترم او غير محترم (بس حلال)
ياجماعه عادى طيب ما انا كنت بعمل انتر فيو فى شركه وبعد الراجل ما شلفطنى من كتر الاسئله , ولما لاقانى صامد قدامو , راح باصص فى cv وقالى ايه ده انت خريج 2010 وما اشتغلتش خالص . قلتله حضرتك شايف ايه اللى مكتوب عندك , قالى طيب وانت ايه اللى قاعدك من غير شغل , عموما هانبقى نكلمك بعدين . وشكرا !!!!!!!!!!!
يا شباب تفائلوا بالخير تجدوه ان شاء الله.
نصيحتى هى نفس نصيحه الاستاذ مزاجنجى و ناتجه عن تجربتى الشخصيه و هى اشتغل اى حاجة و ربك بيسهل.
على فكرة شركه لينك طلبه ناس كتير والى يحب يقدم
LINKdotNET - Careers
الصبر حلو انا مثلا بقالي 6 سنين من غير شغل عادي خالص :)) لا ياس مع الحياه و محدش واخد منها حاجه اهم يومين بنقضيهم و نرتاح خالص :(
الصبرر يا جماعة وان شاء الله مش هيأس طول ما الرزق بايد ربنا مش اى حد تانى يبقى مفيش يأس
قوووووووووووووول يارب على طول وادعى
انا مكنتش ان هيبقى فى كم التجارب دى اللى شبهى بس وجودكم قوانى اكتر وخلانى انى مش لوحدى
وعموما انا لما بدعى بدعى لينا كلنا مش انا بس
الرزق بايد ربنا ومحدش يعرف هيجي امت ولا ازاي
بس مش عارف حاسس ان الواحد مهما دور لو ملوش نصيب في حاجه اكيد مش هتبقى ليه بس برضو قلقان جدا من نصيبي
انا خريج اعلام قسم تسويق واعلان مجالي كله وسايط فعلا زي ممكن اي مجال في مصر كله وسايط
شوفت بالهبل وسايط وازاي ان في اماكن محدش يقدر يدخلها وحتى لو اتقبل ممكن تلاقي على الويتنج ليست سنين وازاي ممكن بسهوله شديده بواسطه تدخل وتشتغل في مكان زي ده ومرتب متحلمش بيه
بصراحه الشغل الي موجود في البلد دلوقتي ياما مبيعات يا اما خدمه عملاء كول سنتر
بالنسبه للكول سنتر وجع دماغ كان زمان فلوسه كويسه لانه في تثبيت دلوقتي عقود مؤقته ووجع دماغ
يا اما صيادلة...اقتباس:
بصراحه الشغل الي موجود في البلد دلوقتي ياما مبيعات يا اما خدمه عملاء كول سنتر
كلامك صح جدا وعلى فكره انا عندى 44 سنه ومن اسكندريه ومشتغلتش اى شغل عدل لغايه دلوئت وكنت فاتح محل بيع مستلزمات كمبيوتر ومع الاسف مش عاوز اقولك جو السوق شكله ايه وخصوصا بعد الثوره الحال نايم اوى وناس كتير بتدفع ايجار كل شهر من جيبها لاصحاب المحلات ومش عاوز اقولك مبلغ الايجار الشهرى كام عشان متتخضش ولما زهقت قولت اشترى سياره نيسان واشغلها وناس كتير كلمونى بخصوص الموضوع ده وقالولى هاتها انت بس وحنشغلك بيها لانى كنت رافض اصلا انى اجيب سياره واعطيها لحد تانى يسوقها لانى مطمئنش للعمل ده لان مع الاسف سيارتى فى الاخر حترجع توكتوك وبعد مجبتها اهى مركونه فى الشارع منتظره فرج ربنا يعنى حطيت 93000 جنيه مركونه فى الشارع اهى وحتى الناس اليى كانوا بيقولوا هات سياره ونشغلهالك فى شركه بترول او اى شركه اجنبيه دلوئت بيقولوا اصل الحال نايم كتير وخصوصا بعد الثوره وهما الاول كانوا مشجعنى جدا على المشروع وقالولى بس المهم لازم السياره تكون موجوده الاول عشان مينفعش تعمل عقد مع شركه من غير السياره وادينى حطيت كل تحويشه عمرى فيها ومرميه فى الشارع ومع الاسف ناس كتير فاكره ان اسكندريه بلد مليانه شغل وهما مع الاسف مش عارفين حاجه خالص اسكندريه شغل شهرين وبس شهر 7 و 8 وشكرا باقى السنه والله المستعان بقى ادينا بنعمل اليى علينا وربنا يوفق الجميع بأذن الله حسبى الله ونعم الوكيل فى احوال البلد بجد