اسعار بعض قطع غيار عفشة ميجان 2 - سبتمبر 2011

**Ahmed Selim** · 25-09-2011 06:15 PM

المشاركة الأصلية كتبت بواسطة mohamdy

اخى العزيز انا قريب جدا ان شاء الله هاعمل موضوع كامل عن كل الميكانيكيا والعفشجية والكهربائية وتوع قطع الغيار بتوع الميجان اللى انا اتعاملت معاهم او اي حد من اصحابى اتعامل معاه بتليفوناتهم بعناوينهم بمدى خبرتهم.

بالنسبة لعادل صقر فده مش مركز صيانة بالمعنى الحرفي دي ورشة ميكانيكا وعنده بعض قطع الغيار الاستيراد بس فى ناس كتيير بتشكر فيه مع انى شخصيا ما اتعاملتش معاه بس اتكلمت معاه كتيير وبالمناسبة هو شخص محترم وفاهم.

فى إنتظار موضوعك يا باشا بس حبيت ألفت نظرك لحاجة

لو حطيت أرقام تليفونات و عناوين......الإدارة ممكن تعتبره موضوع إعلانى

رأيي تحط باقى البيانات زى الأسماء و مدى الخبرة و لما يبقى حد يسأل عن واحد معين أبقى قوله على عنوانه و رقم تليفونه.

**matrix3030** · 02-10-2011 01:01 AM

سؤال هل التيل الامامي والخلفي (ريمسا الاسباني)للميجان كويس او بنفس الجوده بتاعت الاصلي اللي في التوكيل ؟؟؟ وكذلك الطنابير الاماميه؟؟؟
لان الطنابير الاماميه للميجان في التوكيل 1100 جنيه
والتيل الامامي ب 520تقريبا

**MoHamdy** · 02-10-2011 11:58 AM

المشاركة الأصلية كتبت بواسطة matrix3030

سؤال هل التيل الامامي والخلفي (ريمسا الاسباني)للميجان كويس او بنفس الجوده بتاعت الاصلي اللي في التوكيل ؟؟؟ وكذلك الطنابير الاماميه؟؟؟
لان الطنابير الاماميه للميجان في التوكيل 1100 جنيه
والتيل الامامي ب 520تقريبا

خدها قاعدة عامة (حاجة التوكيل الاصلية احسن)
بس في عامل مهم جدا هنا وهو الناحية المادية فلو انت تقدر تشتري كل حاجة من التوكيل من غير ماتزنق نفسك (يعنى لو انت مقرش:) فاكيد تعامل مع التوكيل على طول ( بس انا برده رأيي الشخصي ان اغلب اسعاره مبالغ فيها جدا جداً وكمان المصنعيات بتاعته والضريبة ارقامها غريبة وبحس وانا بتعامل معاه- خصوصا بعد انتهاء الضمان - ان انا بيتضحك عليا).

اما بقى لو انت بتحب توفر وتركب حاجة جودتها جيدة (بس اقل شوية من حاجة التوكيل) وفرق كبييييييير في السعر بينها وبين حاجة التوكيل فتعامل مع الناس اللي بره التوكيل بس تبقى عارف انت بتجيب ايه ومنين.

وبرده لازم اقولك ان لكل قاعدة شواذ فمثلا انا في عربيتي الانسر كنت بغير التيل الاصلي من التوكيل وكان ب 420ج واداؤه كان مش عاجبنى واللي ظبط اداء العربية معايا كان تيل تركي ب 80ج !! وفضلت عليه بعد كدة

واخيرا اقولك ان اداء الطنابير والتيل الريمسا معايا ومع كتير من اصحاب الميجان اللي اعرفهم زي الفل والحمد لله

**matrix3030** · 23-10-2011 09:33 PM

ممكن الافادة بخصو ص طنابير Swag وهي صناعة ألمانية وال value وهيه صناعة أسبانية
مع العلم ان ال swag امامي ب 480 وال value ب 580 امامي ايضا
ايهما احسن في الاداء بالنسبة للميجان II بغض النظر عن السعر

**Ahmed Selim** · 24-10-2011 01:39 PM

المشاركة الأصلية كتبت بواسطة matrix3030

ممكن الافادة بخصو ص طنابير Swag وهي صناعة ألمانية وال value وهيه صناعة أسبانية
مع العلم ان ال swag امامي ب 480 وال value ب 580 امامي ايضا
ايهما احسن في الاداء بالنسبة للميجان II بغض النظر عن السعر

أول مرة أسمع عن swag
الفاليو جربت تيل قبل كده و كان كويس جداً.

حاول تسأل أيمن momo10000 أو yoko عن تيل و طنابير ebc لو لقيت سعرها معقول جيبها و أنساها ( بس هى هتبقى فى حدود سعر التوكيل بس كفائتها أعلى بحوالى 30% فى الفرامل و بتعيش شوية زيادة )

**MoHamdy** · 31-10-2011 09:55 AM

المشاركة الأصلية كتبت بواسطة matrix3030

اخيرا غيرت التيل والطنابير الامامية عند واحد في صقر قريش اسمه م نور الدين . اهم ميزة في الراجل ده انه امين وصادق في تعامله و مش كتير لما الواحد يلاقي واحد بالشكل ده علاوة على كده ان شغله نظبف جدا , بالاضافة انه كان شغال في التوكيل لمدة14 سنة + هوه مش بيغلي في الاسعار كلة في المعقول+ مش بيركب اي حاجه للناس الا لما يجربها في السيارة الشخصية وهوه عنده رينو كمان
لو حد عايز نمرته موجوده معايا

مبروك التغيير ويا ترى ركبت تيل وطنابير نوعهم ايه!

**matrix3030** · 31-10-2011 06:56 PM

التيل تركي كان بحوالي 160
بالنسبه لل طنابير ريمسا امامي ب 550 جنية

**abdallasoliman** · 31-10-2011 09:09 PM

الطنابير امامية ريمسا اسبانى اما جبتها يوم السبت ب425 جنية وسالت اليوم عند رينو هوم فى جسر السويس ب450جنية
وعندك المهندس طلعت فى المنتدى واكيد سعره سيكون افضل